Нав Исус 15 - Коми Библия 2023

Иуда чужанкотырлӧн му

¹ Пудъясьӧм бӧрын Иуда чужанкотырлӧн рӧдъяслы вичмис лунвылысь му. Муыс нюжӧдчӧ Эдом муӧдз да Цин овтӧминӧдз.

² Налӧн лунвыв мудорныс заводитчӧ Сола саридз лунвывладорсянь,

³ мунӧ лунвылӧ Акравим ыблань, сэсянь – Цин овтӧминӧ, кытшовтӧ Кадеш-Варни лунвывладорсяньыс да мунӧ Хецрон дорті Аддарӧ, кытысянь [Кадеш рытыввывладорсяньыс] бергӧдчӧ Каркалань.

⁴ Сэсся мудорныс мунӧ Ацмонӧ, сэсянь Египет мудорса шорӧдз и помасьӧ Ыджыд саридз дорын. Тайӧ налӧн лунвыв мудорныс.

⁵ Асыввыв мудорнас лоӧ Сола саридз Йӧрдан ю вомӧдз. Войвыв мудорыс заводитчӧ Сола саридз дорсянь, Йӧрдан ю вомсянь,

⁶ мунӧ Бет-Хоглаӧ, кытшовтӧ Бет-Арава войвывладорсяньыс да воӧ Рувимлӧн Боган пи серти нимтӧм из дорӧдз.

⁷ Акор ковтыссянь налӧн войвыв мудорныс мунӧ Девирӧ, сэсянь бергӧдчӧ войвылӧ Галгаллань, мый сёртас лунвывладорын сулалысь Адуммим керӧс весьтын. Мудорыс водзӧ мунӧ Шемеш ва петанін дорӧ, а сэсянь Рогель ва петанін дорӧ.

⁸ Водзӧ войвыв мудорныс мунӧ Бен-Хинном ковтысӧд Евус, мӧд ногӧн кӧ, Ерусалим, лунвывладорті да кыпӧдчӧ керӧс йылӧ, мый сулалӧ Хинном ковтыссянь рытыввылын, Рефаим ковтыслӧн войвывладор помын.

⁹ Керӧс йывсянь мудорыс веськӧдчӧ Нефтоах ва петанінлань да Ефрон керӧсвыв каръяслань, сэсянь бергӧдчӧ Баалалань, мӧд ногӧн кӧ, Киръят-Яримлань.

¹⁰ Бааласянь мудорыс бергӧдчӧ рытыввылӧ Сеир керӧслань, мунӧ Бет-Шемешӧ Ярим керӧс, мӧд ногӧн кӧ, Кесалон керӧс, войвывладорті и водзӧ мунӧ Тимнаӧ.

¹¹ Сэсянь мудорыс мунӧ Экрон войвывладорті да бергӧдчӧ Шикаронлань, сэсся вуджӧ Баала керӧс вомӧн, воӧ Явнеэлӧ да помасьӧ Ыджыд саридз дорын. Ыджыд саридзыс лоӧ рытыввыв мудорнас.

¹² Татшӧм му вичмис Иуда чужанкотырлӧн рӧдъяслы.

¹³ Господьлӧн тшӧктӧм серти Исус сетіс Ефуннилӧн Калев пилы Иуда чужанкотырлӧн муысь енак войтырлӧн Арба батьлысь Киръят-Арба карсӧ, мӧд ногӧн кӧ, Хеврон карсӧ.

¹⁴ Калев вӧтліс сэтысь Шешайӧс, Ахиманӧс да Талмайӧс – Енаксянь чужысьясӧс.

¹⁵ Хевронсянь Калев петіс тышӧ девирса олысьяслы паныд. Водзынджык Девир карлӧн нимыс вӧлі Киръят-Сефер.

¹⁶ Калев шуис: «Коді пасьвартас Киръят-Сефер кар, сы сайӧ ме сета ассьым Акса нылӧс».

¹⁷ Карсӧ босьтіс Кеназлӧн [медічӧт] Отниэл пиыс. Кеназ вӧлі Калевлӧн вокыс. Калев ассьыс Акса нывсӧ сетіс Отниэл сайӧ.

¹⁸ Кор Аксалы воис кад мунны гортсьыс, сылы шуисны, мед корас батьыслысь видз-му. Акса чеччис осёл вывсьыс, и Калев батьыс юаліс сылысь: «Мый тэ кӧсъян?»

¹⁹ Акса шуис батьыслы: «Бурси менӧ. Тэ сетін меным Негевысь кос му, сет меным тшӧтш ва петанінъяс». Калев сетіс сылы Хеврон кар дорысь вылысса и улысса ва петанінъяс.

²⁰ Иуда чужанкотырлӧн рӧдъяслы вичмӧдӧма татшӧм му.

²¹ Негевысь Эдом дорысь налы вичмисны Кавцел, Эдер, Ягур,

²² Кина, Димона, Адада,

²³ Кедеш, Хацор, Итнан,

²⁴ Зиф, Телем, Баалот,

²⁵ Хацор-Хадатта, Кериот-Хецрон, мӧд ногӧн кӧ, Хацор,

²⁶ Амам, Шема, Молада,

²⁷ Хацар-Гадда, Хешмон, Бет-Пелет,

²⁸ Хацар-Шуал, Бер-Шева да нагӧгӧрса сиктъяс,

²⁹ Баала, Ийим, Эцем,

³⁰ Элтолад, Кесил, Хорма,

³¹ Сиклаг, Мадмана, Сансана,

³² Леваот, Шилхим, Айн да Риммон каръяс. Ставнас Негевысь налы вичмис кызь ӧкмыс кар да нагӧгӧрса сиктъяс.

³³ Керӧсбердса муысь Иуда чужанкотырлы вичмисны Эштаол, Цора, Ашна,

³⁴ Заноах, Эн-Ганним, Таппуах, Энам,

³⁵ Ярмут, Адуллам, [Немра,] Соко, Азека,

³⁶ Шаараим, Адитаим, Гедера да Гедеротаим каръяс – дас нёль кар да нагӧгӧрса сиктъяс.

³⁷ Сэтысь налы вичмисны тшӧтш Ценан, Хадаша, Мигдал-Гад,

³⁸ Дилеан, Мицфе, Иоктеэл,

³⁹ Лакиш, Боцкат, Эглон,

⁴⁰ Каббон, Лахмас, Китлиш,

⁴¹ Гедерот, Бет-Дагон, Наама да Македа каръяс – дас квайт кар да нагӧгӧрса сиктъяс.

⁴² Нӧшта вичмисны Ливна, Этер, Ашан,

⁴³ Иптах, Ашна, Нецив,

⁴⁴ Кейла, Акзив да Мареша каръяс [да Эдом] – ӧкмыс кар да нагӧгӧрса сиктъяс.

⁴⁵ Иуда чужанкотырлы вичмисны Экрон кар да сыгӧгӧрса сиктъяс,

⁴⁶ Экронсянь Ыджыд саридзӧдз став муыс, мый паськӧдчӧма Азот кар гӧгӧр, да сэтчӧс сиктъяс,

⁴⁷ Азот да Газа каръяс да нагӧгӧрса сиктъяс Египет мудорса шорӧдз да Ыджыд саридзӧдз.

⁴⁸ Керӧсвыв муысь Иуда чужанкотырлы вичмисны Шамир, Яттир, Соко,

⁴⁹ Данна, Киръят-Санна, мӧд ногӧн кӧ, Девир,

⁵⁰ Анав, Эштемоа, Аним,

⁵¹ Гошен, Холон да Гило каръяс – дас ӧти кар да нагӧгӧрса сиктъяс.

⁵² Сэтысь налы вичмисны тшӧтш Арав, Рума, Эшан,

⁵³ Янум, Бет-Таппуах, Афека,

⁵⁴ Хумта, Киръят-Арба, мӧд ногӧн кӧ, Хеврон, да Циор каръяс – ӧкмыс кар да нагӧгӧрса сиктъяс.

⁵⁵ Нӧшта вичмисны Маон, Кармил, Зиф, Ютта,

⁵⁶ Изреель, Иокдам, Заноах,

⁵⁷ Каин, Гива да Тимна каръяс – дас кар да нагӧгӧрса сиктъяс.

⁵⁸ Нӧшта вичмисны Халхул, Бет-Цур, Гедор,

⁵⁹ Маарат, Бет-Анот да Элтекон каръяс – квайт кар да нагӧгӧрса сиктъяс. [Вичмисны Текоя, Епрафа, мӧд ногӧн кӧ, Виплием, Фагор, Этам, Кулон, Татами, Сорес, Карем, Галлим, Вефир да Манохо каръяс – дас ӧти кар да нагӧгӧрса сиктъяс.]

⁶⁰ Иуда чужанкотырлы вичмисны Киръят-Ваал, мӧд ногӧн кӧ, Киръят-Ярим да Равва каръяс – кык кар да нагӧгӧрса сиктъяс.

⁶¹ Овтӧминысь налы вичмисны Бет-Арава, Миддин, Секака,

⁶² Нившан, Ир-Мелах да Эн-Геди каръяс – квайт кар да нагӧгӧрса сиктъяс.

⁶³ Ерусалимын олысь евуссаясӧс Иуда чужанкотыр эз вермы вӧтлынысӧ, та вӧсна евуссаяс ӧнӧдз олӧны Иуда чужанкотыркӧд Ерусалимын.