Нав Исус 12 - Коми Библия 2023

Мӧисей дырйи вермӧм ӧксыяс

¹ Израиль пиян босьтісны аслыныс Йӧрдан ю сайысь став асыввыв ковтыссӧ, мый нюжӧдчӧ Арнон юсянь Ермон керӧсӧдз. Найӧ виисны сэтчӧс ӧксыясӧс.

² Аморейяслӧн Сигон ӧксы оліс Хешбонын. Сылӧн кипод улын вӧлі Галаад мулӧн джынйыс, мый лунвылын заводитчис Арнон ю бокын сулалысь Ароэр карсянь да Арнон ковтыс шӧрсянь. Войвылын сылӧн муыс нюжӧдчис Явок юӧдз, а асыввылын – аммон войтырлӧн муӧдз.

³ Сылӧн муас пырис тшӧтш асыввыв Йӧрдан ковтыс Киннерет тысянь Сола саридзӧдз, Бет-Ешимот карӧдз да Фасга керӧс дорӧдз.

⁴ Васанса Ог ӧксы вӧлі рефа войтырысь медбӧръя морт. Сылӧн юркаръяснас вӧліны Аштарот да Эдрей каръяс.

⁵ Сылӧн кипод улын вӧліны Ермон керӧс, Салка кар, ставнас Васан му гешурсаяслӧн да маакасаяслӧн оланінӧдз, тшӧтш Галаад мулӧн джыныс хешбонса Сигон ӧксылӧн муӧдз.

⁶ Мӧисей, Господьлӧн кесйӧг, да Израиль пиян пасьвартісны тайӧ ӧксыяссӧ. Мӧисей сетіс тайӧ муяссӧ Рувим да Гад чужанкотыръяслы да Манассейлӧн джын чужанкотырлы.

Нав Исус дырйи вермӧм ӧксыяс

⁷ Исус да Израиль пиян пасьвартісны ӧксыясӧс Йӧрдан ю рытыввыв муысь [аморейяслӧн муысь]. Налӧн муясыс нюжӧдчисны Ливан ковтысын сулалысь Ваал-Гад карсянь Сеир керӧсвыв му дорын сулалысь Халак керӧсӧдз. Тайӧ муяссӧ Исус юкліс Израиль чужанкотыръяслы, сетіс быд чужанкотырлы индӧм му юкӧн.

⁸ Юклӧм муас пырисны керӧсвыв му, рытыввыв да асыввыв керӧсбердса муяс, Йӧрдан ковтыс, овтӧмин да Негев му. Тайӧ муясын олісны хеттейяс, аморейяс, ханаансаяс, перезейяс, хивейяс да евуссаяс.

⁹ Пасьвартӧм ӧксыяслӧн каръясыс: Ерикон, Вефильсянь матын сулалысь Гай кар,

¹⁰ Ерусалим, Хеврон,

¹¹ Ярмут, Лакиш,

¹² Эглон, Гезер,

¹³ Девир, Гедер,

¹⁴ Хорма, Арад,

¹⁵ Ливна, Адуллам,

¹⁶ Македа, Вефиль,

¹⁷ Таппуах, Хефер,

¹⁸ Афек, Шарон,

¹⁹ Мадон, Хацор,

²⁰ Шимрон-Мерон, Аксаф,

²¹ Танак, Мегиддо,

²² Кедеш, Кармил керӧсбердса Иокнеам кар,

²³ Нафат-Дор бердын Дор кар, Галилеяын Гоим кар

²⁴ да Тирза кар. Ставнас пасьвартісны комын ӧти ӧксыӧс.