Лыд 7 - Коми Библия 2023

Вежа чом вежӧдігӧн вайӧмторъяс

¹ Вежа чом сувтӧдӧм бӧрын Мӧисей мавтыштіс да вежӧдіс вежа чомсӧ да вежаинса став дозмук-кӧлуйсӧ, тшӧтш висьпуктанінсӧ став дозмук-кӧлуйнас.

² Та бӧрын локтісны Израильлӧн юралысьяс, рӧдкутысьяс да чужанкотыръяслӧн юралысьяс, кодъяс арталісны-гижалісны йӧзӧс.

³ Юралысьяс вайисны Господь водзӧ квайт тарантас да дас кык ӧшкӧс, быдӧнсянь вӧлі ӧти ӧш, а кык юралысьсянь – ӧти тарантас. Ставсӧ тайӧс сувтӧдісны вежа чом водзӧ.

⁴ Господь шуис Мӧисейлы:

⁵ «Сибӧд налысь козинъяссӧ, ӧд ставыс тайӧ ковмас левитъяслы, медым кесъявны вежа чом бердын. Сет вайӧмторъяссӧ налы сы серти, коді кутшӧм удж вӧчӧ».

⁶ Мӧисей босьтіс тарантасъяссӧ да ӧшъяссӧ, сэсся сетіс найӧс левитъяслы,

⁷ сы серти, коді кутшӧм удж вӧчӧ. Гирсон пиянлы сетіс кык тарантас да нёль ӧшкӧс,

⁸ а Мерари пиянлы – нёль тарантас да кӧкъямыс ӧшкӧс. Налӧн кесъялӧм бӧрся видзӧдіс Аарон поплӧн Итамар пиыс.

⁹ Кааф пиянлы тарантасъяссӧ да ӧшъяссӧ эз сет, ӧд налы колӧ вӧлі новлӧдлыны вежа дозмук-кӧлуйсӧ асланыс пельпом вылын.

¹⁰ Сійӧ лунӧ, кор висьпуктанінсӧ вӧлі мавтыштӧма, юралысьяс вайисны висьпуктанін водзӧ козинъяс сійӧс вежӧдӧм могысь.

¹¹ Господь шуис Мӧисейлы: «Висьпуктанін вежӧдӧм могысь козинсӧ быд юралысь мед ваяс торъя лунӧ».

¹² Медводдза луннас аслас вайӧмторъясӧн локтіс Иуда чужанкотырысь Аминадавлӧн Наашон пиыс.

¹³ Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.

¹⁴ Нӧшта сійӧ вайис дас сикель сьӧкта зарни кӧш, кытчӧ вӧлі пуктӧма чӧскыд дука тшынӧдчантор.

¹⁵ Сотан вись пыдди вайис ӧшкӧс, межӧс да арӧса баляӧс,

¹⁶ мыжысь вись пыдди вайис ай кӧзаӧс,

¹⁷ бурасян вись пыдди – кык ӧшкӧс, вит межӧс, вит ай кӧзаӧс да арӧса вит баляӧс. Ставсӧ тайӧс вайис Аминадавлӧн Наашон пиыс.

¹⁸ Мӧд луннас аслас вайӧмторъясӧн локтіс Цуарлӧн Нафанаил пиыс, Иссакар чужанкотырлӧн юралысьыс.

¹⁹ Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.

²⁰ Нӧшта сійӧ вайис дас сикель сьӧкта зарни кӧш, кытчӧ вӧлі пуктӧма чӧскыд дука тшынӧдчантор.

²¹ Сотан вись пыдди вайис ӧшкӧс, межӧс да арӧса баляӧс,

²² мыжысь вись пыдди вайис ай кӧзаӧс,

²³ бурасян вись пыдди – кык ӧшкӧс, вит межӧс, вит ай кӧзаӧс да арӧса вит баляӧс. Ставсӧ тайӧс вайис Цуарлӧн Нафанаил пиыс.

²⁴ Коймӧд луннас аслас вайӧмторъясӧн локтіс Хелонлӧн Элиав пиыс, Завулон чужанкотырлӧн юралысьыс.

²⁵ Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.

²⁶ Нӧшта сійӧ вайис дас сикель сьӧкта зарни кӧш, кытчӧ вӧлі пуктӧма чӧскыд дука тшынӧдчантор.

²⁷ Сотан вись пыдди вайис ӧшкӧс, межӧс да арӧса баляӧс,

²⁸ мыжысь вись пыдди вайис ай кӧзаӧс,

²⁹ бурасян вись пыдди – кык ӧшкӧс, вит межӧс, вит ай кӧзаӧс да арӧса вит баляӧс. Ставсӧ тайӧс вайис Хелонлӧн Элиав пиыс.

³⁰ Нёльӧд луннас локтіс Шедеурлӧн Элицур пиыс, Рувим чужанкотырлӧн юралысьыс.

³¹ Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.

³² Нӧшта сійӧ вайис дас сикель сьӧкта зарни кӧш, кытчӧ вӧлі пуктӧма чӧскыд дука тшынӧдчантор.

³³ Сотан вись пыдди вайис ӧшкӧс, межӧс да арӧса баляӧс,

³⁴ мыжысь вись пыдди вайис ай кӧзаӧс,

³⁵ бурасян вись пыдди – кык ӧшкӧс, вит межӧс, вит ай кӧзаӧс да арӧса вит баляӧс. Ставсӧ тайӧс вайис Шедеурлӧн Элицур пиыс.

³⁶ Витӧд луннас локтіс Цуришаддайлӧн Шелумиэл пиыс, Симеон чужанкотырлӧн юралысьыс.

³⁷ Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.

³⁸ Нӧшта сійӧ вайис дас сикель сьӧкта зарни кӧш, кытчӧ вӧлі пуктӧма чӧскыд дука тшынӧдчантор.

³⁹ Сотан вись пыдди вайис ӧшкӧс, межӧс да арӧса баляӧс,

⁴⁰ мыжысь вись пыдди вайис ай кӧзаӧс,

⁴¹ бурасян вись пыдди – кык ӧшкӧс, вит межӧс, вит ай кӧзаӧс да арӧса вит баляӧс. Ставсӧ тайӧс вайис Цуришаддайлӧн Шелумиэл пиыс.

⁴² Квайтӧд луннас локтіс Регуэллӧн Эльясат пиыс, Гад чужанкотырлӧн юралысьыс.

⁴³ Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.

⁴⁴ Нӧшта сійӧ вайис дас сикель сьӧкта зарни кӧш, кытчӧ вӧлі пуктӧма чӧскыд дука тшынӧдчантор.

⁴⁵ Сотан вись пыдди вайис ӧшкӧс, межӧс да арӧса баляӧс,

⁴⁶ мыжысь вись пыдди вайис ай кӧзаӧс,

⁴⁷ бурасян вись пыдди – кык ӧшкӧс, вит межӧс, вит ай кӧзаӧс да арӧса вит баляӧс. Ставсӧ тайӧс вайис Регуэллӧн Эльясат пиыс.

⁴⁸ Сизимӧд луннас локтіс Аммиудлӧн Элишам пиыс, Ефрем чужанкотырлӧн юралысьыс.

⁴⁹ Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.

⁵⁰ Нӧшта сійӧ вайис дас сикель сьӧкта зарни кӧш, кытчӧ вӧлі пуктӧма чӧскыд дука тшынӧдчантор.

⁵¹ Сотан вись пыдди вайис ӧшкӧс, межӧс да арӧса баляӧс,

⁵² мыжысь вись пыдди вайис ай кӧзаӧс,

⁵³ бурасян вись пыдди – кык ӧшкӧс, вит межӧс, вит ай кӧзаӧс да арӧса вит баляӧс. Ставсӧ тайӧс вайис Аммиудлӧн Элишам пиыс.

⁵⁴ Кӧкъямысӧд луннас локтіс Педацурлӧн Гамалиэл пиыс, Манассей чужанкотырлӧн юралысьыс.

⁵⁵ Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.

⁵⁶ Нӧшта сійӧ вайис дас сикель сьӧкта зарни кӧш, кытчӧ вӧлі пуктӧма чӧскыд дука тшынӧдчантор.

⁵⁷ Сотан вись пыдди вайис ӧшкӧс, межӧс да арӧса баляӧс,

⁵⁸ мыжысь вись пыдди вайис ай кӧзаӧс,

⁵⁹ бурасян вись пыдди – кык ӧшкӧс, вит межӧс, вит ай кӧзаӧс да арӧса вит баляӧс. Ставсӧ тайӧс вайис Педацурлӧн Гамалиэл пиыс.

⁶⁰ Ӧкмысӧд луннас локтіс Гидеонилӧн Авидан пиыс, Венямин чужанкотырлӧн юралысьыс.

⁶¹ Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.

⁶² Нӧшта сійӧ вайис дас сикель сьӧкта зарни кӧш, кытчӧ вӧлі пуктӧма чӧскыд дука тшынӧдчантор.

⁶³ Сотан вись пыдди вайис ӧшкӧс, межӧс да арӧса баляӧс,

⁶⁴ мыжысь вись пыдди вайис ай кӧзаӧс,

⁶⁵ бурасян вись пыдди – кык ӧшкӧс, вит межӧс, вит ай кӧзаӧс да арӧса вит баляӧс. Ставсӧ тайӧс вайис Гидеонилӧн Авидан пиыс.

⁶⁶ Дасӧд луннас локтіс Аммишаддайлӧн Ахиэзер пиыс, Дан чужанкотырлӧн юралысьыс.

⁶⁷ Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.

⁶⁸ Нӧшта сійӧ вайис дас сикель сьӧкта зарни кӧш, кытчӧ вӧлі пуктӧма чӧскыд дука тшынӧдчантор.

⁶⁹ Сотан вись пыдди вайис ӧшкӧс, межӧс да арӧса баляӧс,

⁷⁰ мыжысь вись пыдди вайис ай кӧзаӧс,

⁷¹ бурасян вись пыдди – кык ӧшкӧс, вит межӧс, вит ай кӧзаӧс да арӧса вит баляӧс. Ставсӧ тайӧс вайис Аммишаддайлӧн Ахиэзер пиыс.

⁷² Дас ӧтиӧд луннас локтіс Окранлӧн Пагиэл пиыс, Асир чужанкотырлӧн юралысьыс.

⁷³ Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.

⁷⁴ Нӧшта сійӧ вайис дас сикель сьӧкта зарни кӧш, кытчӧ вӧлі пуктӧма чӧскыд дука тшынӧдчантор.

⁷⁵ Сотан вись пыдди вайис ӧшкӧс, межӧс да арӧса баляӧс,

⁷⁶ мыжысь вись пыдди вайис ай кӧзаӧс,

⁷⁷ бурасян вись пыдди – кык ӧшкӧс, вит межӧс, вит ай кӧзаӧс да арӧса вит баляӧс. Ставсӧ тайӧс вайис Окранлӧн Пагиэл пиыс.

⁷⁸ Дас кыкӧд луннас локтіс Энанлӧн Ахир пиыс, Неффалим чужанкотырлӧн юралысьыс.

⁷⁹ Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.

⁸⁰ Нӧшта сійӧ вайис дас сикель сьӧкта зарни кӧш, кытчӧ вӧлі пуктӧма чӧскыд дука тшынӧдчантор.

⁸¹ Сотан вись пыдди вайис ӧшкӧс, межӧс да арӧса баляӧс,

⁸² мыжысь вись пыдди вайис ай кӧзаӧс,

⁸³ бурасян вись пыдди – кык ӧшкӧс, вит межӧс, вит ай кӧзаӧс да арӧса вит баляӧс. Ставсӧ тайӧс вайис Энанлӧн Ахир пиыс.

⁸⁴ Висьпуктанін мавтыштан лунӧ сійӧс вежӧдӧм могысь Израиль войтырлӧн юралысьясыс вайисны дас кык эзысь тасьті, дас кык эзысь дозмук, дас кык зарни кӧш.

⁸⁵ Быд эзысь тасьті сьӧктанас вӧлі сё комын сикель, быд дозмук – сизимдас сикель. Вежаинса сикель серти ставнас эзысьыс вӧлі кык сюрс нёльсё сикель.

⁸⁶ Чӧскыд дука тшынӧдчантор тыра зарни кӧшыс вӧлі дас кык. Вежаинса сикель серти быд зарни кӧшлӧн сьӧктаыс вӧлі дас сикель, ставнас – сё кызь сикель.

⁸⁷ Сотан вись пыдди вӧлі вайӧма дас кык ӧшкӧс, дас кык межӧс, арӧса дас кык баляӧс да накӧд ӧтлаын ваян нянь вись. Мыжысь вись пыдди вӧлі вайӧма дас кык ай кӧзаӧс.

⁸⁸ Бурасян вись пыдди вӧлі вайӧма кызь нёль ӧшкӧс, квайтымын межӧс, [арӧса] квайтымын ай кӧзаӧс да [дзоньвидза] арӧса квайтымын баляӧс. Висьпуктанін мавтыштӧм бӧрын ставсӧ тайӧс вайисны висьпуктанін вежӧдӧм могысь.

⁸⁹ Кор Мӧисей пыравліс вежа чомйӧ сёрнитны Господькӧд, сійӧ кывліс гӧлӧс шы Йитӧд куд вевт вывсянь кык херувим костысь. Тадзи Господь сёрнитіс Мӧисейкӧд.