Исай 20 - Коми Библия 2023

Исай пророк – Египетлы да Эфиопиялы пас

¹ Ассурса Саргон ӧксы мӧдӧдіс аслас тышкайӧзӧн веськӧдлысьсӧ босьтны Азот кар. Сійӧ локтіс, уськӧдчис кар вылӧ да босьтіс сійӧс. Дзик тайӧ воас

² Господь шуис Амослӧн Исай пилы: «Мун да пӧрччы ас вывсьыд шогалан паськӧмтӧ, пӧрччы коксьыд кӧмтӧ». Сійӧ тадзи и вӧчис: ветлӧдліс пасьтӧг да кӧмтӧг.

³ Господь шуис: «Менам Исай кесйӧгӧй куим во чӧж ветлӧдліс пасьтӧг да кӧмтӧг. Тайӧ – Египетлы да Эфиопиялы пас.

⁴ Тадзи ассурса ӧксы нуӧдас Египетысь да Эфиопияысь пленӧ босьтӧмаясӧс. Томъясӧс и пӧрысьясӧс нуӧдасны дзик пасьтӧг-кӧмтӧг, медым янӧдны Египетӧс.

⁵ Сэки повзясны да яналасны найӧ, кодъяс лача кутісны Эфиопия вылӧ да ошйысисны Египетӧн.

⁶ Сійӧ лунӧ тайӧ саридздорса муас олысьяс шуасны: ”Со мый лои накӧд, кодъяс вылӧ ми лача кутім да кодъяссянь отсӧг виччысим, медым найӧ дорйисны миянӧс ассурса ӧксыысь. Коді ӧні мездас миянӧс?”»