Иов 25 - Коми Библия 2023

Вилдад коймӧдысь шыасьӧ Иов дінӧ

¹ Шуахса Вилдад воча шуис:

² – Ен киын юралӧмыс да повзьӧдлӧмыс, медвыліас Сійӧ лӧсьӧдӧма лӧньлун.

³ Сылысь тышкакотыръяссӧ верман-ӧ артавны? Сылӧн югыдыс оз-ӧ югды быд морт весьтын?

⁴ Вермас-ӧ морт лоны Ен водзын веськыдӧн, вермас-ӧ аньсянь чужысь лоны сӧстӧмӧн?

⁵ Ен син водзын весиг тӧлысьыс абу югыд, енэжвыв кодзувъяс абу сӧстӧмӧсь.

⁶ Дерт нин, Сы водзын морт – вегыль кодь, мортсянь чужысь – номыр кодь.