Ездра 2 - Коми Библия 2023

Пленысь локтысьяс

¹ Иуда муысь йӧз, кодъясӧс вавилонса Навукодоносор ӧксы коркӧ нуӧдліс пленӧ, ӧні бӧр локтісны Вавилонысь Ерусалимӧ да Иуда муӧ – быдӧн аслас карӧ.

² Найӧс вайӧдісны Зоровавель, Исус, Неемий, Серай, Релай, Мардокей, Билшан, Миспар, Бигвай, Рехум да Баан. Израиль войтырлӧн айулов лыдыс:

³ Парош рӧдысь вӧлі кык сюрс сё сизимдас кык морт,

⁴ Шефатай рӧдысь – куимсё сизимдас кык морт,

⁵ Арах рӧдысь – сизимсё сизимдас вит морт,

⁶ Пахат-Моав рӧдысь Исуссянь да Йоавсянь чужысьыс – кык сюрс кӧкъямыссё дас кык морт,

⁷ Элам рӧдысь – сюрс кыксё ветымын нёль морт,

⁸ Затту рӧдысь – ӧкмыссё нелямын вит морт,

⁹ Заккай рӧдысь – сизимсё квайтымын морт,

¹⁰ Бани рӧдысь – квайтсё нелямын кык морт,

¹¹ Бебай рӧдысь – квайтсё кызь куим морт,

¹² Азгад рӧдысь – сюрс кыксё кызь кык морт,

¹³ Адоникам рӧдысь – квайтсё квайтымын квайт морт,

¹⁴ Бигвай рӧдысь – кык сюрс ветымын квайт морт,

¹⁵ Адин рӧдысь – нёльсё ветымын нёль морт,

¹⁶ Атер рӧдысь Езекейсянь чужысьыс – ӧкмысдас кӧкъямыс морт,

¹⁷ Бецай рӧдысь – куимсё кызь куим морт,

¹⁸ Иор рӧдысь – сё дас кык морт,

¹⁹ Хашум рӧдысь – кыксё кызь куим морт,

²⁰ Гиббар рӧдысь – ӧкмысдас вит морт.

²¹ Виплиемысь вӧлі сё кызь куим морт,

²² Нетофаысь – ветымын квайт морт,

²³ Анатотысь – сё кызь кӧкъямыс морт,

²⁴ Азмаветысь – нелямын кык морт,

²⁵ Киръят-Яримысь, Кефираысь да Беротысь – сизимсё нелямын куим морт,

²⁶ Рамаысь да Геваысь – квайтсё кызь ӧти морт,

²⁷ Микмасысь – сё кызь кык морт,

²⁸ Вефильысь да Гайысь – кыксё кызь куим морт,

²⁹ Невоысь – ветымын кык морт,

³⁰ Магбишысь – сё ветымын квайт морт.

³¹ Мӧд Элам рӧдысь вӧлі сюрс кыксё ветымын нёль морт,

³² Харим рӧдысь – куимсё кызь морт.

³³ Лодысь, Хадидысь да Оноысь вӧлі сизимсё кызь вит морт,

³⁴ Ериконысь – куимсё нелямын вит морт,

³⁵ Сенаысь – куим сюрс квайтсё комын морт.

³⁶ Попъяслӧн лыдыс: Едай рӧдысь Исуссянь чужысьыс вӧлі ӧкмыссё сизимдас куим морт,

³⁷ Иммер рӧдысь – сюрс ветымын кык морт,

³⁸ Пашхур рӧдысь – сюрс кыксё нелямын сизим морт,

³⁹ Харим рӧдысь – сюрс дас сизим морт.

⁴⁰ Левитъяслӧн лыдыс вӧлі сизимдас нёль морт. Найӧ вӧліны Исус да Кадмиэл рӧдъясысь, Ходавийсянь чужысьяс.

⁴¹ Сьылысьяслӧн лыдыс вӧлі сё кызь кӧкъямыс морт. Найӧ вӧліны Асаф рӧдысь.

⁴² Дзиръя видзысьяслӧн лыдыс вӧлі сё комын ӧкмыс морт. Найӧ вӧліны Шаллум, Атер, Талмон, Аккув, Хатит да Шовай рӧдъясысь.

⁴³ Крамбердса кесйӧгъяс вӧліны Цихай рӧдысь, нӧшта Хасуф, Таббаот,

⁴⁴ Керос, Сиах, Падон,

⁴⁵ Лебан, Хагаб, Аккув,

⁴⁶ Хагав, Шалмай, Ханан,

⁴⁷ Гиддел, Гахар, Реай,

⁴⁸ Рецин, Некодай, Газзам,

⁴⁹ Уззай, Пасеах, Бесай,

⁵⁰ Аснай, Меун, Нефис,

⁵¹ Бакбук, Хакуп, Хархур,

⁵² Бацлут, Мехид, Харшай,

⁵³ Баркос, Сисар, Темах,

⁵⁴ Нециах да Хатиф рӧдъясысь.

⁵⁵ Соломонлӧн кесйӧгъяссянь чужысьяс вӧліны Сотай рӧдысь, нӧшта Соферет, Перуд,

⁵⁶ Ял, Даркон, Гиддел,

⁵⁷ Шефатай, Хаттил, Покерет-Цевайм да Ами рӧдъясысь.

⁵⁸ Крамбердса кесйӧгъяслӧн да Соломонлӧн кесйӧгъяссянь чужысьяслӧн лыдыс вӧлі куимсё ӧкмысдас кык морт.

⁵⁹ Тел-Мелахысь, Тел-Харшаысь, Керубысь, Адданысь да Иммерысь петысьяс эз вермыны висьтавны, кутшӧм чужанкотырысь найӧ, эз вермыны эскӧдны, мый налӧн рӧдыс петӧ Израиль войтырысь.

⁶⁰ Тайӧ йӧзыс вӧліны Делайсянь, Товисянь да Некодайсянь чужысьяс – ставнас квайтсё ветымын кык морт,

⁶¹ тшӧтш Хабай, Хаккоц да Барзиллай попъяссянь чужысьяс. Барзиллай гӧтрасьлӧма галаадса Барзиллайлӧн ныв вылӧ, та бӧрын сійӧс кутӧмаӧсь тадзи нимтыны.

⁶² Найӧ корсисны чужанвуж гижӧдъясысь нимъяснысӧ, но эз аддзыны. Та вӧсна найӧс эз пыртны попъяс лыдӧ.

⁶³ Медыджыд юралысь шуис, мый налы оз ков сёйны вежа вись, кытчӧдз оз лок поп, коді пудъясяс урим да туммим отсӧгӧн.

⁶⁴ Локтысьяслӧн лыдыс ставнас вӧлі нелямын кык сюрс куимсё квайтымын морт.

⁶⁵ Тайӧ лыдас эз пырны кесйӧгъяс, кодъяслӧн лыдыс вӧлі сизим сюрс куимсё комын сизим морт. Локтысьяс пӧвстын вӧлі кыксё сьылысь.

⁶⁶ Локтысьяслӧн вӧлі сизимсё комын квайт вӧв, кыксё нелямын вит мул,

⁶⁷ нёльсё комын вит верблюд да квайт сюрс сизимсё кызь осёл.

⁶⁸ Кор рӧдкутысьяс локтісны Ерусалимӧ Господьлӧн жугӧдӧм крам дорӧ, на пиысь унаӧн ас кӧсйӧм сертиныс сетісны козинъяс, медым Енлысь керкасӧ лэптыны важ подув вылас.

⁶⁹ Быдӧн сетіс сы мында, мыйта вермис. Ставнас вӧлі сетӧма квайтымын ӧти сюрс зарни сьӧм, вит сюрс эзысь сьӧм да попъяслы сё дӧрӧм.

⁷⁰ Попъяс, левитъяс, войтыр, сьылысьяс, дзиръя видзысьяс да крамбердса кесйӧгъяс овмӧдчисны асланыс каръясӧ. Быд израильса морт овмӧдчис аслас карӧ.