Еремей 45 - Коми Библия 2023

Баруклы Господьсянь кӧсйысьӧм

¹ Иудаса Ехояким ӧксылӧн, Иосей пилӧн, нёльӧд веськӧдлан воӧ, кор Нирийлӧн Барук пиыс гижис Еремей пророклӧн висьталӧм серти кывъяссӧ гижӧд тубрасӧ, Еремей шуис:

² «Господь, Израильлӧн Ен, тадзи висьталӧ тэныд, Барук:

³ ”Тэ шуан, меным пӧ курыд шог, ӧд Господь содтіс менам висьӧм дінӧ шог, и аслам ойзӧмысь пӧ мудзи нин, ог аддзы шойччӧгсӧ”.

⁴ Но Господь тшӧктіс меным юӧртны тэныд, мый Сійӧ тадзи висьталӧ: ”Мый Ме лэпті, жугӧда, и мый Ме вужйӧді, нетшка. Вӧча тайӧс став му пасьталаыс.

⁵ Тэ коран аслыд унатор. Дугды корнытӧ, ӧд Ме мӧдӧда шог став йӧзыслы, – висьталӧ Господь, – но тэнсьыд олӧмтӧ Ме видза быдлаын, кытчӧ тэ мунан”».