1 Каднебӧг 8 - Коми Библия 2023

Веняминсянь нӧшта чужысьяс

¹ Веняминлӧн медводдза пиыс вӧлі Белай, мӧдыс – Ашбел, коймӧдыс – Ахрай,

² нёльӧдыс – Ноха, витӧдыс – Рафа.

³ Белайлӧн вӧліны Аддар, Гер, Авихуд,

⁴ Авишуй, Нааман, Ахоах,

⁵ Гер, Шефуфан да Хурам пиян.

^6-7 Эхудлӧн Нааман, Ахий да Гер пияныс вӧліны Геваын олысьяслӧн рӧдкутысьяс. Кор найӧс вӧтлісны Манахатӧ, найӧ овмӧдчисны сэтчӧ Герлӧн веськӧдлӧм улын. Сылӧн чужисны Уззай да Ахихуд пиян.

⁸ Шехарайм вӧтліс ассьыс Хушим да Баара гӧтыръяссӧ. Та бӧрти Моав муын

⁹ сылӧн Ходеш нима гӧтырыс чужтіс сылы Иовав, Цивий, Мешай, Малкам,

¹⁰ Еуц, Сакий да Мирмай нима пиянӧс. Найӧ вӧліны рӧдкутысьяс.

¹¹ Хушим гӧтырсянь Шехараймлӧн вӧліны нин Авитув да Элпаал нима пиян.

¹² Элпааллӧн вӧліны Эвер, Мишам да Шемед пиян. Шемед кыпӧдіс Оно кар, тшӧтш Лод кар да сыгӧгӧрса сиктъяс.

¹³ Берий да Шемай вӧліны Аялонын олысьяслӧн рӧдкутысьяс. Найӧ вӧтлісны Гефын олысьясӧс.

¹⁴ Ахио, Шашак, Еремот,

¹⁵ Зевадай, Арад, Эдер,

¹⁶ Микаил, Ишпай да Иох вӧліны Берийлӧн пиян.

¹⁷ Зевадай, Мешуллам, Хизкий, Хевер,

¹⁸ Ишмерай, Излий да Иовав вӧліны Элпааллӧн пиян.

¹⁹ Яким, Зикри, Завдий,

²⁰ Элиенай, Цилтай, Элиэл,

²¹ Адай, Берай да Шимрат вӧліны Шимейлӧн пиян.

²² Ишпан, Эвер, Элиэл,

²³ Авдон, Зикри, Ханан,

²⁴ Хананей, Элам, Антотий,

²⁵ Ифдий да Пенуэл вӧліны Шашаклӧн пиян.

²⁶ Шамшерай, Шехарий, Аталей,

²⁷ Яреш, Илля да Зикри вӧліны Ерохамлӧн пиян.

²⁸ Тайӧ йӧзыс вӧліны рӧдкутысьяс, найӧс лыддьӧдлӧма рӧдныс серти. Найӧ олісны Ерусалимын.

²⁹ Гаваон карлы подув пуктысь [Евэл] да сылӧн Маака гӧтырыс олісны Гаваонын.

³⁰ Сылӧн медводдза пиыс вӧлі Авдон, нӧшта сылӧн вӧліны Цур, Кис, Ваал, Надав, [Нир,]

³¹ Гедор, Ахио, Зекер да Миклот пиян.

³² Миклотлӧн чужис Шимеам. Асланыс рӧдвужкӧд найӧ олісны Ерусалимын.

³³ Нирлӧн чужис Кис, Кислӧн – Саул, Сауллӧн чужисны Ионафан, Малкисуй, Авинадав да Эшбаал.

³⁴ Ионафанлӧн вӧлі Мерибал нима пи. Мерибаллӧн чужис Микей.

³⁵ Микейлӧн вӧліны Питон, Мелек, Тарей да Ахаз пиян.

³⁶ Ахазлӧн чужис Ехоад, Ехоадлӧн чужисны Алемет, Азмавет да Зимри. Зимрилӧн чужис Моцай,

³⁷ Моцайлӧн – Биней, Бинейлӧн – Рефай, Рефайлӧн – Элас, Эласлӧн – Ацел.

³⁸ Ацеллӧн вӧлі квайт пи: Азрикам, Бокру, Измаил, Шеарий, Авдий да Ханан. Ставныс найӧ вӧліны Ацеллӧн пиян.

³⁹ Ацеллӧн вӧлі Эшек нима вок. Ешеклӧн медводдза пиыс вӧлі Улам, мӧдыс – Еуш, коймӧдыс – Элипелет.

⁴⁰ Уламлӧн пияныс вӧліны вына тышкасьысьяс, найӧ бура лыйсисны ньӧввужйысь. Налӧн вӧлі уна пи да пияныслӧн пи – сё ветымын морт. Ставныс найӧ вӧліны Венямин чужанкотырысь.