1 Каднебӧг 7 - Коми Библия 2023

Иссакарсянь чужысьяс

¹ Иссакарлӧн вӧлі нёль пи: Тол, Пуах, Яшув да Шимрон.

² Толлӧн вӧліны Уззей, Рефай, Ерил, Яхмай, Ивсам да Самуил пиян. Найӧ вӧліны рӧдкутысьяс. Чужанвуж гижӧд серти Давидлӧн веськӧдлан кадӧ Толлӧн рӧдас вӧлі кызь кык сюрс квайтсё вына тышкаморт.

³ Уззейлӧн вӧлі Израхий нима пи. Израхийлӧн вӧліны Микаил, Авдий, Йоиль да Ишший пиян. Став тайӧ витнан мортыс вӧліны рӧдкутысьяс.

⁴ Чужанвуж гижӧд серти налӧн рӧдын вӧлі комын квайт сюрс тышкаморт, ӧд налӧн вӧлі уна гӧтыр да пиян.

⁵ Чужанвуж гижӧд серти Иссакарсянь чужысьяслӧн мукӧд рӧдын вӧлі нӧшта кӧкъямысдас сизим сюрс вына тышкаморт.

Веняминсянь чужысьяс

⁶ Веняминлӧн вӧлі куим пи: Белай, Бекер да Едиэл.

⁷ Белайлӧн вӧлі вит пи: Эцбон, Уззей, Узиэл, Еримот да Ири. Найӧ вӧліны рӧдкутысьяс да вына тышкасьысьяс. Чужанвуж гижӧд серти насянь чужысьяслӧн лыдыс вӧлі кызь кык сюрс комын нёль морт.

⁸ Бекерлӧн вӧліны Земир, Йоас, Элизер, Элионай, Омри, Еремот, Авий, Анатот да Алемет пиян. Ставныс найӧ – Бекерлӧн пиян.

⁹ Чужанвуж гижӧдын лыддьӧдлӧма налысь рӧдкутысьясӧс да кызь сюрс кыксё вына тышкамортӧс.

¹⁰ Едиэллӧн вӧлі Билган нима пи. Билганлӧн вӧліны Еус, Венямин, Эхуд, Кенаан, Зефан, Фарсис да Ахишахар пиян.

¹¹ Едиэллӧн став тайӧ пияныс вӧліны рӧдкутысьяс да вына тышкасьысьяс. Налӧн рӧдын вӧлі дас сизим сюрс кыксё тышкаморт.

¹² Шуппим да Хуппим вӧліны Ирсянь чужысьяс, Хушим чужис Ахерсянь.

Неффалимсянь чужысьяс

¹³ Неффалимлӧн вӧліны Яхциэл, Гуни, Ецер да Шаллум пиян. Неффалимлӧн мамыс вӧлі Валла.

Манассейсянь чужысьяс

¹⁴ Манассейлӧн вӧліны Асриэл да Макир пиян, кодъясӧс чужтіс сылӧн кесйӧг-гӧтырыс, коді вӧлі арамей войтырысь. Макир вӧлі Галаадлӧн бать.

¹⁵ Макир босьтіс гӧтырӧ Хуппимлысь да Шуппимлысь Маака нима чойсӧ. Макирлысь мӧд писӧ шуисны Салпаад. Салпаадлӧн чужисны сӧмын нывъяс.

¹⁶ Макирлӧн Маака гӧтырыс чужтіс пиӧс да сетіс сылы Переш ним, а мӧд пиыслы – Шереш ним. Шерешлӧн вӧліны Улам да Рекем пиян.

¹⁷ Уламлӧн вӧлі Бедан нима пи. Татшӧм вӧлі Галаадлӧн рӧдыс. Галаад вӧлі Макирлӧн пи, Макир – Манассейлӧн.

¹⁸ Галаадлӧн Молекеф нима чойыс чужтіс Ишходӧс, Авиэзерӧс да Махлаӧс.

¹⁹ Шемидлӧн вӧліны Ахиан, Шекем, Ликки да Аниам пиян.

Ефремсянь чужысьяс

²⁰ Ефремлӧн вӧлі Шутелах нима пи, Шутелахлӧн – Беред, Бередлӧн – Тахат, Тахатлӧн – Элеадай, Элеадайлӧн – Тахат,

²¹ Тахатлӧн – Завад, Завадлӧн – Шутелах. Чужӧмсяньныс Гефын олысьяс виисны Ефремлысь Эзер да Элеад пиянсӧ, кор найӧ мунісны мырддьыны гефсаяслысь ыж-мӧссӧ.

²² Налӧн Ефрем батьныс дыр бӧрдіс на вӧсна, а сылӧн вокъясыс волывлісны сійӧс бурӧдны.

²³ Ефрем узис гӧтырыскӧд, гӧтырыс сьӧктіс да чужтіс пиӧс. Ефрем сетіс пиыслы Берий ним, ӧд налӧн керкаын вӧлі шог.

²⁴ Ефремлӧн Шера нылыс вӧчӧдіс Улыс Бет-Хорон кар да Вылыс Бет-Хорон кар, тшӧтш Уззен-Шера кар.

²⁵ Берийлӧн вӧлі Рефах нима пи, Рефахлӧн – Решеф, Решефлӧн – Телах, Телахлӧн – Тахан,

²⁶ Таханлӧн – Лаедан, Лаеданлӧн – Аммиуд, Аммиудлӧн – Элишам,

²⁷ Элишамлӧн – Нав, Навлӧн – Исус.

²⁸ Ефремсянь чужысьяс олісны Вефильын да сыгӧгӧрса сиктъясын, асыввылын – Нааранын, рытыввылын – Гезерын да сыгӧгӧрса сиктъясын, Сикемын да сыгӧгӧрса сиктъясын, кодъяс нюжалӧны Айяӧдз да сыгӧгӧрса сиктъясӧдз. Тайӧ оланінъясыс вӧліны Ефрем чужанкотырлӧн кипод улын.

²⁹ Манассей чужанкотырлӧн кипод улын вӧліны Бет-Шеан, Танак, Мегиддо да Дор каръяс да нагӧгӧрса сиктъяс. Тайӧ кар-сиктъясас олісны Израильлӧн Ӧсип писянь чужысьяс.

Асирсянь чужысьяс

³⁰ Асирлӧн вӧліны Имнай, Ишвай, Ишви да Берий пиян. Налӧн вӧлі Серах нима чой.

³¹ Берийлӧн вӧліны Хевер да Малкиэл пиян. Малкиэл вӧлі Бирзайтлӧн бать.

³² Хеверлӧн чужисны Яфлет, Шомер, Хотам да налӧн Шуя чойныс.

³³ Яфлетлӧн вӧліны Пасак, Бимгал да Ашват пиян.

³⁴ Шемерлӧн вӧліны Ахи, Рохга, Хубба да Арам пиян.

³⁵ Шемерлӧн Хелем воклӧн вӧліны Цофах, Имнай, Шелеш да Амал пиян.

³⁶ Цофахлӧн вӧліны Суах, Харнефер, Шуал, Бери, Имра,

³⁷ Бецер, Ход, Шаммей, Шилша, Итран да Беэр пиян.

³⁸ Етерлӧн вӧліны Ефунни, Фиспа да Ара пиян.

³⁹ Уллалӧн вӧліны Арах, Ханниэл да Риций пиян.

⁴⁰ Ставныс найӧ – Асирсянь чужысьяс. Найӧ вӧліны рӧдкутысьяс, вына тышкасьысьяс, веськӧдлысьяслӧн юралысьяс. Чужанвуж гижӧд серти Асир чужанкотырын вӧлі кызь квайт сюрс тышкаморт.