1 Каднебӧг 6 - Коми Библия 2023

Левийсянь чужысьяс

¹ Левийлӧн вӧліны Гирсон, Кааф да Мерари пиян.

² Каафлӧн вӧліны Амрам, Ицгар, Хеврон да Узиэл пиян.

³ Амрамлӧн вӧліны Аарон да Мӧисей пиян да Мирьям ныв. Ааронлӧн вӧліны Надав, Авиуд, Элазар да Итамар пиян.

⁴ Элазарлӧн чужис Пинес, Пинеслӧн – Авишуй,

⁵ Авишуйлӧн – Букки, Буккилӧн – Уззей,

⁶ Уззейлӧн – Зерахий, Зерахийлӧн – Мерайот,

⁷ Мерайотлӧн – Амарей, Амарейлӧн – Ахитув,

⁸ Ахитувлӧн – Садок, Садоклӧн – Ахимаас,

⁹ Ахимааслӧн – Азарий, Азарийлӧн – Иоханан,

¹⁰ Иохананлӧн – Азарий. Азарий кесъяліс попӧн крамын, мый Соломон вӧчис Ерусалимын.

¹¹ Азарийлӧн чужис Амарей, Амарейлӧн – Ахитув,

¹² Ахитувлӧн чужис Садок, Садоклӧн – Шаллум,

¹³ Шаллумлӧн чужис Хилки, Хилкилӧн – Азарий,

¹⁴ Азарийлӧн чужис Серай, Серайлӧн – Иоседек.

¹⁵ Иоседекӧс нуӧдісны пленӧ сэки, кор Господь лэдзис Навукодоносорлы нуӧдны пленӧ Иудаын да Ерусалимын олысьясӧс.

¹⁶ Левийлӧн вӧліны Гирсон, Кааф да Мерари пиян.

¹⁷ Гирсон пиянлӧн нимъясыс вӧліны Ливни да Шимей.

¹⁸ Каафлӧн вӧліны Амрам, Ицгар, Хеврон да Узиэл пиян.

¹⁹ Мерарилӧн вӧліны Махли да Муши пиян. Со, Левийсянь чужысьяслӧн рӧдъясыс батьясныс серти:

²⁰ Гирсонлӧн чужис Ливни пи, Ливнилӧн – Яхат, Яхатлӧн – Зимма,

²¹ Зиммалӧн – Йоах, Йоахлӧн – Иддо, Иддолӧн – Зерах, Зерахлӧн – Ефрай.

²² Каафлӧн чужис Аминадав пи, Аминадавлӧн – Корей, Корейлӧн – Асир,

²³ Асирлӧн – Элкан, Элканлӧн – Эвиасаф, Эвиасафлӧн – Асир,

²⁴ Асирлӧн – Тахат, Тахатлӧн – Уриэл, Уриэллӧн – Озей, Озейлӧн – Саул.

²⁵ Элканлӧн вӧліны Амасай да Ахимот пиян.

²⁶ Ахимотлӧн вӧлі Элкан пи, Элканлӧн – Цофай, Цофайлӧн – Нахат,

²⁷ Нахатлӧн – Элиав, Элиавлӧн – Ерохам, Ерохамлӧн – Элкан [Элканлӧн – Самуил].

²⁸ Самуиллӧн медводдза пиыс вӧлі Йоиль, мӧдыс – Авий.

²⁹ Мерарилӧн вӧлі Махли пи, Махлилӧн – Ливни, Ливнилӧн – Шимей, Шимейлӧн – Уззай,

³⁰ Уззайлӧн – Шимей, Шимейлӧн – Хаггий, Хаггийлӧн – Асай.

³¹ Давид индіс сьылысь-кесъялысьясӧс, кор Господьлӧн вежаинӧ вӧлі вайӧма Йитӧд кудсӧ.

³² Кытчӧдз Соломон эз вӧч Ерусалимын Господьлысь крамсӧ, найӧ сьылісны-кесъялісны вежа чом водзын. Найӧ кесъялісны сідзи, кыдзи налы вӧлі тшӧктӧма вӧчны.

³³ Со, тайӧ сьылысь-кесъялысьясыс да насянь чужысьяс: Кааф рӧдысь вӧлі Еман нима сьылысь. Сылӧн батьыс вӧлі Йоиль, Йоильлӧн батьыс – Самуил,

³⁴ Самуиллӧн – Элкан, Элканлӧн – Ерохам, Ерохамлӧн – Элиэл, Элиэллӧн – Тоах,

³⁵ Тоахлӧн – Цуф, Цуфлӧн – Элкан, Элканлӧн – Махат, Махатлӧн – Амасай,

³⁶ Амасайлӧн – Элкан, Элканлӧн – Йоиль, Йоильлӧн – Азарий, Азарийлӧн – Софоний,

³⁷ Софонийлӧн – Тахат, Тахатлӧн – Асир, Асирлӧн – Эвиасаф, Эвиасафлӧн – Корей,

³⁸ Корейлӧн – Ицгар, Ицгарлӧн – Кааф, Каафлӧн – Левий, Левийлӧн – Израиль.

³⁹ Еманлӧн веськыдладорас сьыліс-кесъяліс Асаф. Асафлӧн батьыс вӧлі Берек, Береклӧн – Шимей,

⁴⁰ Шимейлӧн – Микаил, Микаиллӧн – Баасей, Баасейлӧн – Малкий,

⁴¹ Малкийлӧн – Этни, Ефнийлӧн – Зерах, Зерахлӧн – Адай,

⁴² Адайлӧн – Этан, Этанлӧн – Зимма, Зиммалӧн – Шимей,

⁴³ Шимейлӧн – Яхат, Яхатлӧн – Гирсон, Гирсонлӧн – Левий.

⁴⁴ Еманлӧн шуйгаладорас сьыліс-кесъяліс Мерари рӧдысь Этан. Этанлӧн батьыс вӧлі Киший, Кишийлӧн – Авди, Авдилӧн – Маллук,

⁴⁵ Маллуклӧн – Хашавий, Хашавийлӧн – Амасей, Амасейлӧн – Хилки,

⁴⁶ Хилкилӧн – Амци, Амцилӧн – Бани, Банилӧн – Шемер,

⁴⁷ Шемерлӧн – Махли, Махлилӧн – Муши, Мушилӧн – Мерари, Мерарилӧн – Левий.

⁴⁸ Левий рӧдысь мукӧдсӧ вӧлі индӧма Ен керкаын вӧчны мӧдпӧлӧс уджъяс.

⁴⁹ Сӧмын Аарон да сысянь чужысьяс вермисны висьпуктанін вылын да тшынӧдчан висьпуктанін вылын сотны висьяс, кесъявны Вежасьыс-вежаинын да вештыны Израиль войтырлысь мыжсӧ. Найӧ ставсӧ вӧчисны Ен кесйӧг Мӧисейлӧн тшӧктӧм серти.

⁵⁰ Ааронлӧн вӧлі Элазар пи, Элазарлӧн – Пинес, Пинеслӧн – Авишуй,

⁵¹ Авишуйлӧн – Букки, Буккилӧн – Уззей, Уззейлӧн – Зерахий,

⁵² Зерахийлӧн – Мерайот, Мерайотлӧн – Амарей, Амарейлӧн – Ахитув,

⁵³ Ахитувлӧн – Садок, Садоклӧн – Ахимаас.

Левитъяслӧн каръяс

⁵⁴ Со, Левийсянь чужысьяслӧн оланінъяс налы сетӧм муын: Кааф рӧдысь Ааронсянь чужысьяслы пудъясьӧм бӧрти

⁵⁵ вӧлі сетӧма Иуда муысь Хеврон кар да сыгӧгӧрса видзьяс,

⁵⁶ но каргӧгӧрса сиктъяссӧ да кӧдзан муяссӧ сетісны Ефуннилӧн Калев пилы.

⁵⁷ Ааронсянь чужысьяслы вӧлі сетӧма тшӧтш каръяс, кытчӧ вӧлі позьӧ пышйыны. Тайӧ – Хеврон, Ливна да сыгӧгӧрса видзьяс, Яттир, Эштемоа да сыгӧгӧрса видзьяс,

⁵⁸ Хилен, Девир да нагӧгӧрса видзьяс,

⁵⁹ Ашан, Бет-Шемеш да нагӧгӧрса видзьяс.

⁶⁰ Таысь кындзи Венямин чужанкотыр вичмӧдіс налы Гева, Алемет да Анатот каръяс да нагӧгӧрса видзьяс. Ставнас Ааронсянь чужысьяслы вӧлі сетӧма дас куим кар.

⁶¹ Пудъясьӧм бӧрти Кааф рӧдысь мукӧдыслы вӧлі сетӧма Манассей джын чужанкотырлӧн муысь дас кар.

⁶² Гирсонсянь чужысьяслы налӧн рӧд лыд серти Иссакарлӧн, Асирлӧн да Неффалимлӧн чужанкотыръясыс да Васанын олысь Манассей чужанкотырыс вичмӧдісны дас куим кар.

⁶³ Мерарисянь чужысьяслы налӧн рӧд лыд серти пудъясьӧм бӧрти вӧлі сетӧма Рувим, Гад да Завулон чужанкотыръяслӧн муысь дас кык кар.

⁶⁴ Тадзи Израиль войтыр сетісны левитъяслы каръяс да нагӧгӧрса видзьяс.

⁶⁵ Иуда, Симеон да Венямин чужанкотыръяс пудъясьӧм бӧрти сетісны левитъяслы тайӧ лыддьӧдлӧм каръяссӧ.

⁶⁶ Каафсянь чужысьясысь ӧткымын рӧдлы вичмисны каръяс Ефрем чужанкотырлӧн муысь.

⁶⁷ Налы сетісны каръяс, кытчӧ вӧлі позьӧ пышйыны: Сикем да сыгӧгӧрса видзьяс Ефрем керӧсвыв муысь, Гезер да сыгӧгӧрса видзьяс,

⁶⁸ Иокмеам, Бет-Хорон да нагӧгӧрса видзьяс,

⁶⁹ Аялон, Гат-Риммон да нагӧгӧрса видзьяс.

⁷⁰ Манассейлӧн джын чужанкотырыс вичмӧдіс Каафсянь чужысьясысь ӧткымын рӧдлы Анер да Билеам каръяс да нагӧгӧрса видзьяс.

⁷¹ Гирсонсянь чужысьяслы Манассейлӧн джын чужанкотырыс вичмӧдіс Аштарот кар да Васан муысь Голан кар да нагӧгӧрса видзьяс.

⁷² Иссакар чужанкотыр вичмӧдіс Кедеш, Даврат,

⁷³ Рамот да Анем каръяс да нагӧгӧрса видзьяс.

⁷⁴ Асир чужанкотыр вичмӧдіс Машал, Авдон,

⁷⁵ Хукок да Рехов каръяс да нагӧгӧрса видзьяс.

⁷⁶ Неффалим чужанкотыр вичмӧдіс налы Галилеяысь Кедеш кар да сыгӧгӧрса видзьяс, тшӧтш Хаммон да Киръятаим каръяс да нагӧгӧрса видзьяс.

⁷⁷ Мерарилӧн рӧдысь мукӧдыслы Завулон чужанкотыр вичмӧдіс Риммон да Тавор каръяс да нагӧгӧрса видзьяс.

⁷⁸ Йӧрдан юсянь асыввылын, Ериконлы воча, Рувим чужанкотыр вичмӧдіс налы овтӧминса Бецер кар да сыгӧгӧрса видзьяс, тшӧтш Яхац,

⁷⁹ Кедемот да Мефат каръяс да нагӧгӧрса видзьяс.

⁸⁰ Гад чужанкотыр вичмӧдіс налы Галаадысь Рамот кар да сыгӧгӧрса видзьяс, тшӧтш Маханаим,

⁸¹ Хешбон да Язер каръяс да нагӧгӧрса видзьяс.