1 Каднебӧг 1 - Коми Библия 2023

Ӧвраамлӧн ордпу

¹ Адамлӧн чужис Сиф, Сифлӧн – Енос,

² Енослӧн – Кенан, Кенанлӧн – Махалалел, Махалалеллӧн – Яред,

³ Яредлӧн – Енок, Еноклӧн – Метушал, Метушаллӧн – Ламек,

⁴ Ламеклӧн – Ной, Нойлӧн чужисны Сим, Хам да Яфет.

⁵ Яфетлӧн вӧліны Гомер, Магог, Мадай, Яван, [Элис,] Тувал, Мешек да Фирас пиян.

⁶ Гомерлӧн вӧліны Аскеназ, Рифат да Тогарма пиян.

⁷ Яванлӧн вӧліны Элиш да Фарсис пиян, сысянь петісны тшӧтш киттимсаяс да доданейяс.

⁸ Хамлӧн вӧліны Куш, Мицраим, Фут да Ханаан пиян.

⁹ Кушлӧн вӧліны Севей, Хавил, Савтай, Рамай да Савтек пиян. Рамайлӧн вӧліны Шевей да Дедан пиян.

¹⁰ Кушлӧн чужис Нимрод. Му вылын сійӧ вӧлі медводдза вына юралысь.

¹¹ Мицраим рӧдысь петісны лудъяс, анамъяс, лехавъяс, нафтухъяс,

¹² патрусъяс, каслухъяс да кафторъяс. Каслухъяссянь петісны филистимсаяс.

¹³ Ханаанлӧн чужис Сидон, медводдза пиыс, сэсся чужис Хет.

¹⁴ Ханаан рӧдысь петісны тшӧтш евуссаяс, аморейяс, гергесейяс,

¹⁵ хивейяс, аркейяс, синейяс,

¹⁶ арвадейяс, чемарейяс да хаматъяс.

¹⁷ Симлӧн вӧліны Элам, Ассур, Арфаксад, Луд да Арам пиян. Арамлӧн вӧліны Уц, Хул, Гефер да Мешек пиян.

¹⁸ Арфаксадлӧн чужис [Кенан, Кенанлӧн чужис] Шелах, Шелахлӧн чужис Эвер.

¹⁹ Эверлӧн чужис кык пи. Ӧтисӧ нимтісны Пелегӧн, ӧд сылӧн чужан кадӧ йӧзыс разалісны му пасьтала. Мӧдсӧ, сылысь воксӧ, шуисны Иоктанӧн.

²⁰ Иоктанлӧн чужисны Алмодад, Шалеф, Хацармавет, Ерах,

²¹ Адорам, Узал, Диклай,

²² Эвал, Авимаэл, Шевей,

²³ Офир, Хавил да Иовав. Ставныс найӧ Иоктанлӧн пиян.

²⁴ Симлӧн чужисны Арфаксад, [Кенан,] Шелах,

²⁵ Эвер, Пелег, Рагав,

²⁶ Серуг, Нахор, Терах

²⁷ да Ӧврам, кодлы бӧрынджык вӧлі сетӧма Ӧвраам ним.

Ӧвраамсянь чужысьяс

²⁸ Ӧвраамлӧн вӧліны Исаак да Измаил пиян.

²⁹ Налӧн рӧдныс татшӧм. Измаиллӧн медводдза пиыс вӧлі Невайот, нӧшта сылӧн вӧліны Кедар, Адбел, Мивсам,

³⁰ Мишмай, Думай, Массай, Хадад, Темай,

³¹ Етур, Нафиш да Кедмай пиян.

³² Ӧвраамлӧн Кетура нима кесйӧг-гӧтырыс чужтіс сылы Зимранӧс, Иокшанӧс, Меданӧс, Мадианӧс, Ишбакӧс да Шуахӧс. Иокшанлӧн вӧліны Шевей да Дедан пиян. [Деданлӧн чужисны Рагуил да Навдеил. Дедан рӧдысь петісны тшӧтш ашшурейяс, астусейяс да асомейяс.]

³³ Мадианлӧн вӧліны Эфай, Эфер, Енок, Авид да Эльдаг пиян. Ставныс найӧ вӧліны Кетуралӧн пиянсянь чужысьяс.

³⁴ Ӧвраамлӧн чужис Исаак. Исааклӧн вӧліны Исав да Израиль пиян.

³⁵ Исавлӧн вӧліны Элифаз, Регуэл, Еуш, Ялам да Корей пиян.

³⁶ Элифазлӧн вӧліны Теман, Омар, Цефо, Гатам, Кеназ, Тимней да Амалик пиян.

³⁷ Регуэллӧн вӧліны Нахат, Зерах, Шаммей да Миззай пиян.

Сеирсянь чужысьяс

³⁸ Сеирлӧн вӧліны Лотан, Шовал, Цивеон, Ан, Дишон, Эцер да Дишан пиян.

³⁹ Лотанлӧн вӧліны Хори да Геман пиян. Лотанлӧн вӧлі Тимна нима чой.

⁴⁰ Шоваллӧн вӧліны Алван, Манахат, Эвал, Шефо да Онам пиян. Цивеонлӧн вӧліны Аей да Ан пиян.

⁴¹ Анлӧн вӧлі Дишон пи [да Охоливама ныв]. Дишонлӧн вӧліны Хемдан, Эшбан, Итран да Керан пиян.

⁴² Эцерлӧн вӧліны Билган, Заван да Акан пиян. Дишанлӧн вӧліны Уц да Аран пиян.

Эдомса ӧксыяс

⁴³ Израиль войтырлӧн ӧксыясӧдз Эдом муын вӧліны нин ӧксыяс. Медводдза ӧксыӧн вӧлі Веорлӧн Белай пиыс, коді юраліс Дингава карын.

⁴⁴ Сэсся Белай кулӧм бӧрын кутіс ӧксыавны Восораысь Зерахлӧн Иовав пиыс.

⁴⁵ Иовав кулӧм бӧрын пуксис ӧксыавны Теман муысь Хушам.

⁴⁶ Хушам кулӧм бӧрын пуксис ӧксыавны Бедадлӧн Хадад пиыс, коді Моав ласта вылын вермис мадиансаясӧс. Сійӧ юраліс Авит карын.

⁴⁷ Хадад кулӧм бӧрын пуксис ӧксыавны Масрекаысь Самла.

⁴⁸ Самла кулӧм бӧрын пуксис ӧксыавны юбердса Реховотысь Саул.

⁴⁹ Саул кулӧм бӧрын пуксис ӧксыавны Акборлӧн Баал-Ханан пиыс.

⁵⁰ Баал-Ханан кулӧм бӧрын пуксис ӧксыавны Хадад. Сійӧ ӧксыаліс Пау карын. Сылӧн гӧтырыс вӧлі Матредлӧн Мегетавель нылыс, а Матред вӧлі Мезагавлӧн нылыс.

⁵¹ Хадад кулӧм бӧрын Эдомын сьӧрсьӧн-бӧрсьӧн юралісны Тимней, Алвей, Етет,

⁵² Охоливам, Элай, Пинон,

⁵³ Кеназ, Теман, Мивсар,

⁵⁴ Магдиэл да Ирам. Найӧ вӧліны эдомса чужанкотыръяслӧн юралысьяс.