Jemusi 1 - Izwi lya Leza

¹ Ndime Jemusi musebezhi wa Leza uwa Mwami Jeso Kilisito, ndamwaanzha numishobo ili ikumi u mishobo yobile imweele koonse koonse.

Lushomo u Busongo

² Nubakwesu kamubotelwa bulyo ciindi nimushikilwa masukusho a mishobo mishobo,

³ nkaambo mulizhi ati ciindi lushomo lwenu nilusukushiwa bolya, ku mamanino mulakacikonzha kuba ba shilwiici.

⁴ Amubone kwaamba kukakatila kwenu kutolelele cakutakacilwa kwaamba mushime ca kumaninina kwaamba tamukabuli cintu.

⁵ Kuti umwi wenu wabula busongo, naakombe kwa Leza walo upa busongo ku bantu boonse ca luse cakutakapula bubiyabi.

⁶ Mwakomba amushome cakutazuluzha naashoonto. Kufwumbwa u zuluzha uli ukoya inkutisha lya mulwaatele litonkwa u muuwo.

⁷ Muntu uli bobo atatelaiki ati ulapewa cintu kuhwa ku Mwami,

⁸ nkaambo ulalomba u myonzo yobile, tashitikile munzhila shakwe shoonse.

Bupushi u Buhubi

⁹ Mukwesu mupushi aininwe ciindi Leza naamusumpula,

¹⁰ aze muhubi abotelwe Leza amucesha nkaambo aze ulakamana bumana malubaluba a mwisokwe.

¹¹ Nkaambo izuba lilahwa u kutenta, ubobo lilazumya shishango, malubaluba alaloka, u bweebeshi bwangawo bulamana. Umbona bobo u muhubi ulakonzha kufwa nikuba ati uciya bucita impindu yakwe.

Kusunka u Kutepaula

¹² Ulilonjelwe wezo muntu u tatanana umasunko, nkaambo azunda ulakapewa mushini wa bumi wezo Leza ngwakabashomezha babo bamuzanda.

¹³ Kuti muntu wasunkwa, ataamba ati Leza ngu wamunsunka, nkaambo Leza takonzha kusunkwa kwaamba abishe, ubobo aze tasunki muntu shibiyabi.

¹⁴ Pele bantu balasunkwa kucita shibi ciindi niboongelezhewa ukucengwa u shisushi shabo beni shibiyabi.

¹⁵ Ubobo shisushi shibiyabi shamita shilazhala cibi, aco cibi cakomena cilazhala lufwu.

¹⁶ Mutacengwa nubakwesu banakufwunwa.

¹⁷ Shoonse shintu shibotu shilondokele nshipo shihwa kwizeulu, shilahwa kwa Taata wakalenga izeulu u mimuni ili mwizeulu. Walo utacinca bucinca shinhule.

¹⁸ Wakasala kutupa bumi bupiya bwaku moza kwiita u mazwi amba shalushinizho kwaamba tukabe micelo yakwe ya busena butaanzhi ku shintu shoonse nshaakalenga.

Kuteelela u Kucita

¹⁹ Nubakwesu kamwaazhibaluka aza. Woonse muntu kafwambaana kuteelela, ulimwi kamuka kwaamba u kumuka kulemana

²⁰ nkaambo bukali bwa muntu bumi bululeme ku bushu bwa Leza.

²¹ Ubobo amubuleke busofwaazhi boonse ulimwi mubukushe bubiyabi buzwile muli umwe. Amwaatambule cakulibonzha mazwi Leza ngaakashanga u myonzo yenu akonzha kumufwutula.

²² Mutaakulicenga kuteelela bulyo mazwi a Leza, pele kamucita shaambwa mu mazwi azo.

²³ Nkaambo kuti muntu ulateelela bulyo mazwi, amana taciti nshaateelela, ulikozhene umuntu u lilanga mu cimboni mboni,

²⁴ uufwumbi ndilyona mbwaahwila waluba mbwaabele.

²⁵ Pele wezo ulanga Mulawo wa Leza mulondoshi ulimwi walwaanguluko, nguwezo ukakatila mumo, tateeleli mazwi bulyo ukwaaluba, pele ulaacilila ukwaacita. Ubobo Leza ulakamulongezha mu shintu shoonse nshaacita.

²⁶ Kuti muntu ulazunga ati uliluleme mu kukomba Leza amana talikwati mu kwaamba kwakwe, bukombi bwakwe mbwabulyo ulimwi ulalicenga bulyo.

²⁷ Bukombi bwini bwini bulondokele kwa Leza Taata mbubobu; muntu abambe bamushaala u bamuka bafwu u mapenzhi abo u kulibamba cakubula kampenda kwaamba bubiyabi bwa ano anshi butamusofwaazha.