Malika 1 - Itesamende Imya

¹ Ve lyamulilwe-vo ilyevangeli, ilikumupulisa Jesu Kilisiti, umuswamuve va Nguluvi.

² Ligendye mumo, mwe alyandikye umuvidzi Jisaja, pe atigilaga: „Lolaga, ndilakutumila umuńa-ma-pelela vangu, umuńa-ku-longolela muvulongolo umwako, umuńa-kukuno-dzehedza iṅasi ja kugendela uveve. Mat. 11, 10.

³ Ilidzwi lya muńa-kudalika lili mwihaka litigila: mugolosage namabalabala ga mutwa, munodzage niṅasi dzakwe.“

⁴ Neke Johana umudzabisi ukupulisa apulisaga mwihaka neke avadalikilage avanu uludzabiko lwa kupituka ululungime kuvuvodzwa-ndzanangifu.

⁵ Neke baho vakūnikilage ukwakwe vonda nava mu-Judaja na va mu-Jelusaleme neke vonda avadzabikilage mululenga Jolodana, vavye vinakile indzanangifu dzanavo.

⁶ Neke umwene Johana afwalile umwîngila gwa lwâge lwa ngamila, mukivuno ipińile umukandalo gwa lukova, ifya kuponela aponelaga amapandzi nulûki lwa kudâsi.

⁷ Neke adalikage atigilage: kumbele ukwangu ikwadza, j’alutye nukwangu ingufu, jê ndisivagye nambi unene ukugundama mukuvopola utukova twa ndātu dzakwe.

⁸ Unene ndikuvadzabikila ululenga, umwene alavadzabikila mwa mubepo umwîmike.

⁹ Neke lino baho pakigono ikingi neke Jesu ahumage mu-Nasalete mu-ńi mu-Galilaja, neke adzage kwa Johana; neke amudzabikilage mululenga Jolodana. Luk. 2, 51.

¹⁰ Neke baho avye ihuma mululenga neke avonage kukyâńa kwidinduka neke avonage u-Mubepo isulunuka ngita ngundya.

¹¹ Neke avonage nilidzwi lihuma. kukyâńa litigila: ve mwâna vangu uveve, vwi mwênde ukwangu, je ndimukelye.

¹² Neke u-Mubepo nakalinganeke amuńamulilage muluṅalaṅala.

¹³ Neke kwe akahwe-dzage ifigono makyumi gataji (40) muluṅalaṅala mumo. Neke Setano amugemyage. Neke atinadzage nifikanu ifya mudâsi, Neke vamulimilage avańa-mwandza va Nguluvi.

¹⁴ Neke avye afungilwe Johana, neke baho Jesu ahelelage mu-Galilaja neke adzipulisage inôngwa inofu dza Nguluvi

¹⁵ neke atigilage: umwâka gufisile, uvutwa vwa Nguluvi vuhegelye, mupitukage, mudzifuvwage inôngwa, idzidalikwa idzi. Gal. 4, 4.

¹⁶ Neke ikigono ikingi neke agendagendage palubali lwa ńandza ja mu-Galilaja, neke baho avavonage na-Simono na-Andeleja, urtiunuṅuve va Simono, neke avonage vilova isomba nindzafu dzanavo muńandza; pakuva vali valofi.

¹⁷ Neke baho Jesu alongage kuvene atigilage: muninilage ukwangu, ndikuvahambusa muli valofi va vanu.

¹⁸ Neke baho avene nakalinga ukuvuleka uvwâto vwanavo baho neke vahelelage, vamuninilage jujo.

¹⁹ Neke pe vagendile padebe, neke kangi avavonage va-Jakobo numunuṅuve Johana, avamwa-Sebedaja, neke avonage vihona indzafu dzanavo muvwâto.

²⁰ Neke navo angupe avakemelage; neke baho vavalekage mumo mukyômbo na ju dadavo u-Sebedaja, navańa-kuvalimila, neke avene vamuninilage jujo.

²¹ Neke vavye vigenda, neke vakafikage mu-Ka-pelenahumu. Neke baho pakigono kya ńwabaha neke ingilage muluholanilo lwanavo neke avadalikilage inôngwa.

²² Neke inôngwa, dze adalikaga, neke dzivatovage mwileme, ulwa kuva pe adalikaga umwene, avonekaga ukuta je mwene-navo uvutavulilwe, asadalikaga ngita vakagulihâte hamu. Mat. 7, 28. 29.

²³ Neke bahobaho hela vavonage huju umunu mu muluholanilo mumo, umuńa-mubepo umukali ikuta

²⁴ itigila: tuli vuki nafwe naveve, ve Jesu, ve mu-Nasalete? Vwadzile mukututipula unefwe? Ndikudzelye uveve, uli mwîmike va ju Nguluvi. 5, 7.

²⁵ Neke umwene Jesu akabusage atigilage: katuka! uloke na kwa munu uju!

²⁶ Neke baho umubepo umuvîfu gumutovedzage kondakonda umunu neke gulokage, pele gukōla ingōlo ingomi. 9, 28.

²⁷ Neke baho vonda jivedzage kagaha hela neke vivudzage vatigilage: lwe ludzovo luki ulu? Inôngwa indzadzalino idzi dzili vuli uvutavulilwe? Imibepo imikali akugikabusa ulwa vutwa neke igyene gikumukunda.

²⁸ Neke baho apulisage nakalinga pa-ńi, idzafudiṅine nija mu-Galilaja.

²⁹ Neke baho avye ihuma muluholanilo lulo neke ingilage muńumba ja Simono na Andeleja, vahange na ju Jakovo na ju Johana.

³⁰ Neke lino umukwive va Simono umukiṅinavo ali nakapungopungo, alambalye. Neke baho vagotolage kwa Jesu.

³¹ Neke baho ahegelelage neke amwibatage ilivoko neke amulamusage; neke baho akapungo kala neke apumunukage, neke avalimilage bahobaho.

³² Neke pamihe, livye lisotile ilidzuva, neke baho vavaletage ukwakwe avatamwatamwa navańa-mibepo imikali.

³³ Neke na va mukâja jijo neke vonda vamemage pamulyango.

³⁴ Neke umwene avananyage vonda, avali vata-mwatamwa neke agidagage imibepo imivîfu imyolofu. Neke imibepo imivîfu, pe gyaganaga gilonge, neke agidzidzage, ulwa kuva gyamudzelye. Luk. 4, 41; Apos. 16, 17. 18.

³⁵ Neke Jesu ilavage ulwa milavu ukuhuma, pe lyave ukuhohomoka nilidzuva, neke ahelelage muluṅalaṅala neke kwe akalapangilage.

³⁶ Neke umwene Simon o navajagwe neke vamusa-kulage u-Jesu.

³⁷ Neke vavye vamuvwene, neke vatigilage: vonda vakukusakula.

³⁸ Neke umwene atigilage: muleke tuhege tuhelele mufikâja fyonda, ifili pîpi ifi, nako ndiva-dalikile avanu inôngwa, ulwa kuva dze dzene, dze ndilavye ukuhega.

³⁹ Neke baho ajimalage jonda ińi ja mu-Galilaja neke avadalikilage inôngwa na muńolanilo dzanavo, neke agidagage imibepo imikali.

⁴⁰ Neke apangi ahegēlelage ukwakwe umunu umuńa-lińa-muvili, neke je afugamage pasi neke ahongedzage ukwakwe neke atigilage: uveve, ngana ukelye, usilemwa pakuneledza.

⁴¹ Neke baho Jesu lumu-vonage ulupyana neke agolosage ilivoko lyakwe neke amwabasage umuvili neke atigilage: ndi-kelye, utelelage.

⁴² Neke avye alongile ulu umwene, neke baho ilińa-muvili lijagage neke avedzage mutelefu hela.

⁴³ Neke baho nakalingi Jesu amukabusage neke angupage amuhumyage kwivala. 3, 12; 7, 36.

⁴⁴ Neke atigilage: Neke lino utane ukulonga kwe munu nambi, uhelelage hela ukivonese kwa mutekedzi neke ukategule nuvusembe vwa kwitekelela, ifya kuhongedza pavutelele vwako, fye afilagye na ju Mose, fivedzage fya kukagulila avene.

⁴⁵ Neke umwene umunu jujoneke amulage ukudzi-dalika monda neke adzi-pulisage ponda inôngwa idzi. Neke baho umwene Jesu alemwage nukwingila vudondya mukâja neke idzikilage mumibaka. Neke baho avene avanu neke vahumage konda-konda neke vahegēlelage kuko, kwe ali umwene.