Kolosa 1 - Itesamende Imya

¹ Je nene nde Pavulu, nde mw-Apositili va Jesu Kilisiti, ndeve akelye Nguluvi (pakuṅongola) ndili nu-Timote, umti-ńa-lukolo.

² Tukuvandikila na ńe vìmike, je muli mu-Kolosa, na ńe vańa-lukolo vajesu, je mumufuvilwe Kilisiti. Ulusungu luvedzage nańe nulutengamaso uluhuma kwa Nguluvi udadisu. Lom. 1, 7.

³ Twihongedza kwa Nguluvi, udadye va mutwa visu Jesu Kilisiti, mbêpali ngana tukuvalapangilila uńeńe,

⁴ tuvye tupulike ulufuvo lweńo, lwe mumufuvilwe Kilisiti Jesu, nuvwênde vweńo vwe muvendile avîmike vonda, Ef. 1, 15.

⁵ twihongehedza uluhu-vilo, lwe avavikye uńeńe umwene kukyâńa, lwe mwapulike pa idâha palidzwi lya ndakvene ilya lyevangeli,

⁶ iligenda naku kweńo uko, ndeve ilyene liveleka kuńi jonda litana, ndeve liveleka na mu mweńo umo, ukuhuma pakigono kikyo, kye mwalipulikaga, kye mwalukagulaga ulusungu lwa Nguluvi ulwa koluli,

⁷ ndeve muluvwe na kwa Epafala umuvanda mujetu, je tudzeline nave, je akututanga unefwe, ve mulimilavangi va Kilisiti vuli, je ali vwidevulilo hela, 4. 1-2.

⁸ je atuhahye nulwendo tweńo, ulumelile mwa Mubepo.

⁹ Kye tulesile najufwe ukuhuma ikigono kikyo, kye twapulikye idzi, tutane ukuhwa pakuvala-pangilila uńeńe nukuva-ńìlikila twitigila avafulusage pakudzikagula, dze akelye umwene, mugendelage na muluhala londa na mulwa kudzifika ulwa mubepo, Ef. 1, 16, 17.

¹⁰ ukuta mumunogelage umutwa pamigendele, idike, neke muvelekage nifipeke fya malimo amanofu gonda neke monge-ledzage pakumukagula Nguluvi Ef. 4, 1; Fil. 1, 27.

¹¹ neke mukangalilage mungufu dzonda, ndeve ńa-ludali indolo dzakwe, musungwe mufike kulwi-gugumidzo londa na kuvwisamutima neke uuihe-kelage 1. Kol. 1, 5.

¹² pakuhongedza kwa dadye, je avafulwise najuńe uìwa kuta mwali muhange navîmikeilipwela, iligenda mulumuli, Ef. 1, 11.

¹³ je atupāsidze kuvutwa vwa kîsi neke atusindike kuvutwa vwa muswamuve umwênde va kwe, 3, 16.

¹⁴ mwa je twanukye mu mwakwe uvukombodze, uvuvodzwa-ndzanangifu, Ef. 1. 7.

¹⁵ je ali luhwano lwa Nguluvi umugaja-kuvonwa mumîho, je va vuvele kufigavwa fyonda. Heb. 1, 3.

¹⁶ Pakuva fyonda figa vilwe vugenda nave jujo nifya kukyâńa nifya pasi nifivoneka nifisivoneka navańa-fitêngo fya vutwa navatemi navatwa nava-tambule, fyonda figavilwe vugenda nave, filunga-mye ukwakwe. Joh. 1, 3. 10.

¹⁷ Umwene ali pwali, ve sali fyave fyonda, neke fivelye umwakwe fyonda,

¹⁸ neke umwene gwe mutwe gwa muvili, lu lukombeso, umwene je kisina jujo, je va vuvele na pakuhuma kuvafwe, pakuta avedzage je mulongodzi jujomufinufyonda, Ef. 1, 22; Apos. 26, 23; Luv. 1, 5.

¹⁹ pakuva ulumemo londa lwijendye ukuvujila umwakwe, 2, 9; Joh. 1, 16.

²⁰ neke fyonda fitepu-hidzwage mu mwakwe jujo, ifilungamye ukwakwe kangi, nifya kukyâńa nifya pasi, pe afitengamihidze idanda ija paki-pindulihidzo. Ef. 1, 10; 1. Joh. 2, 2.

²¹ Neke najuńe, je mwali vagendzi, je mwali vańa-vukava idâha mulwitańa-nidzo, ulwimaga mumali-mo amahaluka, Ef. 2, 12; 4, 18; Lom. 5, 10.

²² lino avatepuhidze ku kufwa mumuvili gwa ńama jakwe ja muvili, pakuta avimyage ńe vîmike ńe vagajalunu ńe vagaja-vugomedzo kumîho ukwakwe, Ef. 5, 27.

²³ ngana ndakyene mwisimikye mulufuvo, ngana mwińwilidze, ngana kisi-kuvasegusa kinu kuluhu-vilo, lwe livapelye ilyevangeli, lye mupulike, ilidalikwe mufigavwa fyonda, ifili pańi pavulanga, lilyo najune nde Pavulu ndidzukile ndili mulimilavangi valyo.

²⁴ Neke lino ndikela, pe ndikuvapumukila uńeńe, pe ndikukimalilihidza muńama jangu ja muvili ikyangye kulupumuko lwa Kilisiti, pe nda ndikugulimila umuvili gwakwe, ndilonga ulukombeso, Ef. 3, 13.

²⁵ lwe najune ndiludzukye mulimilavangi vālo pamigelanihidze, gye amelye unene u-Nguluvi igya kweńo igya kulimala lyonda ilidzwi lya Nguluvi, ndeve ligenda.

²⁶ Ndilonga idza kukińele idzafunikilwe ukuhuma pamihagulile gya myâka ukuhuma nakufi-pelela; neke lino dzivasi-kukye avîmike vakwe, Lom. 16, 25. 26.

²⁷ ku ve akelye Nguluvi ukuta vavukagulage uvumosi vwa ndolo dza dzidzo idzili kińele na muvapivala, idzitigila: Kilisiti ali mugati umweńo, je luhuvilo lwa ndolo. 1. Tim. 1, 1.

²⁸ Je mwene je tukumu-pulisa, pe twa tukuvate-mya uluhala avanu vo nda jumwijumwi, pe twa tukuvavulanihidza luhala londa vonda avanu ju-mwijumwi, pakuta vonda avanu tukavimikage avadumilidze mwa Kilisiti. v. 22.

²⁹ Dze dzene najune ndigimba nukutenga, ndeve igimba umwene ningufu, mwe igimbila apangu.