AÍJĒ KÚ Ɛ̄GBĀ 1 - Ubáyíbu kú Idɔma

Ɔkpá aflɛ́yí ( Aíjē 1—41 ) Ɔhā kū ācɛ okpaakpa

¹ Ɔ̄cɛ dóódu nɛ̄ ó gē yɛce ɛlā nɛ̄ ācɛ obɔ̄bíipú gē nwū ɔ̄ ā ŋ́, ɛ́ɛ́ nɛ̄ ó gē yá ucē kú ācɛ obīyíne ŋ́ mā, ɛ́ɛ́ nɛ̄ ó gē yɛ̄ mla ācɛ nēe í yá Ɔwɔicō okónu ŋ́ mā, ákú ɔ̄cɛ ɔ́ɔmā lɔhi.

² Amáŋ ikɔkɔ ɔ́ɔmā, ɛlā nɛ̄ íne kū Óndú ā gē nwū ɔ̄cɛ ā, he ɔ̄ ɔtū fíyɛ́ á. É le ɛlā kú Óndú ā kpó tū ɔtū, anɔ́ɔ é gē gbɛlá kwu ɔ́ otú mɛ́mla ɔlɛ́ɛnɔ.

³ Ákú ɔ̄cɛ ɛ́gɔ́ɔmā lɔhi lɛbɛ̄ɛka ɔcí nōo gē jɛ̄ okónu ɔkpā ā. Ɔdā dóódu nɛ̄ ācɛ ɛ́gɔ́ɔmā gē yá ā, gē yɛ lɔhi, ó klla gē jɛ̄ gɔbū, bɛ̄ɛka ɔcí ɔ́ɔmā nōo gē gwá īkpō eko kú nū, nɛ̄ ēpū kú nū í gē wúla ŋ́ mā.

⁴ Amáŋ ó lɛ ā lɛ ācɛ obɔ́bíipū ā ŋ́. É lɛbɛ̄ɛka igbóngbō nɛ̄ owu gē gwu bónū ā.

⁵ Ohígbū ɔ́ɔmā ā, Ɔwɔicō géē ŋmó ācobɔ̄bíipú ā ɛpɔ̄bí eko nɛ̄ ó í kɛpɔ̄ tū uwā ā. Ó cɛ̄ lɛ uwá yɔ̄ ipú ācɛ kú ɔlɛ́ nū ā ŋ́.

⁶ Ucē nɛ̄ ācɛ nēe gē yá ɔdā okpaakpa ā gē yá ā, he Óndú ā ɔtū, ó klla í gbō uwā ɛyí, amáŋ ucē kú ācobɔ́bíipú ā géē cɛ̄ lɛ uwā kpó gbliífi.