Kulonga 1 - Ibbaibele 1963

Ba-Israyeli mbubakavula ku-Egepita

¹ Ngaaya mazina aabana ba-Israyeli ibakeza ku-Egepita a-Jakobo, umwi aumwi aciinga cakwe:

² Rubeni, Simeoni, Levi, a-Juda,

³ Isakara, Zebuloni, a-Benjamini,

⁴ Dani, a-Nafitali, Gadi, a-Aseri.

⁵ Bantu aba boonse ibakazwa mucikungu ca-Jakobo bakali makumi aali musanu aabili, nkaambo Josefa kali kale mu-Egepita.

⁶ Lino Josefa wakafwa, abakulana bakwe boonse, abamusdanyina boonse.

⁷ Pele bana ba-Israydi bakazyalisya akuvulisya, bakaba banji akujata inguzu loko loko, mane nyika yakazula mbabo.

⁸ Lino kwakabuka mwami mupya mu-Egepita iwatakezi Josefa.

⁹ Oyu wakaambila bantu bakwe kuti, Amubone! Bantu babana ba-Israydi mbanji, alimwi mbayumu kwiinda ndiswe,

¹⁰ Atubacitile camaanu, nkaambo na kabaciya buvula, ambweni tulasikilwa inkondo, lino abalo bayoosangana abasinkondoma, bayootulwisya, bayooloboka kuzwa mucisi cesu.

¹¹ Nkaambo kako bakababikila basikubabelesya cibbalo, kuti babapenzye amikuli, nkabela bakayakila Farao minzi yazilondwedo, Pitomu a-Ramese.

¹² Pele nebakainda kubapenzya, balo bakainda kuzyalisya akuvula. Aboobo bakali kubayoowa loko.

¹³ Lino ba-Egepita bakabelesya bana ba-Israyeli milimo yalunya.

¹⁴ Bakaminya buumi bwabo amilimo miyumu yabulongo ayazitina amilimo yoonse yamyuunda. Mumilimo yoonse njibakali kumana, bakali kubabelesya calunya.

¹⁵ Lino mwami wa-Egepita wakaambila basikutumbusya ba-Hebrayo. Izina lyaumwi kali Sifra aumwi kali Puwa.

¹⁶ Wakati, Mwatumbusya banakazi ba-Hebrayo, mwababona azitumbukilo, na ngumulombe muleelede kumujaya, pele na musimbi, mumuleke apone.

¹⁷ Nekubaboobo basikutumbusya bakayoowa Leza, teebakacita mwami wa-Egepita mbwaakabalailila, bakali kufutusya balombe.

¹⁸ Elyo mwami wa-Egepita wakaita basikutumbusya, wabaambila kuti, Ino nkaambonzi nemwacita obo? Nkaambonzi mwafutula bana balombe?

¹⁹ Basikutumbusya bakavwiila Farao kuti, Nkaambo kakuti banakazi ba-Hebrayo tabali mbuli banakazi baEgepita pe. Balafwamba kutumbuka, sikutumbusya katana kunjila mobabede.

²⁰ Nkabela Leza wakacitila basikutumbusya kabotu, abalo bantu bakavulisya akujata inguzu loko.

²¹ Alimwi basikutumbusya mbubakali kuyoowa Leza, wakabacitila inzubo.

²² Lino Farao wakalailila bantu bakwe boonse kuti, Boonse balombe bazyalwa amubawaale mulwizi, basimbi boonse amubafutule.