Matta 1 - Hona Bible

Chichiiya Yeeso

¹ Kulo thlǝmngya chichiiya Yeeso Ƙǝrǝsti ya, chichid Ndauda tǝ Ibrahim.

² Ibrahim nggǝtgha Ishaku, Ishaku nggǝtgha Yakubu. Yakubu nggǝtgha Yahuda tǝ wan manggighǝn.

³ Yahuda nggǝtgha Peres tǝ Dzara. Ma ndan ndǝna Tamar. Peres nggǝtgha Hesron, Hesron nggǝtgha Aram,

⁴ Aram nggǝtgha Aminadab, Aminadab nggǝtgha Nashon, Nashon nggǝtgha Salmon.

⁵ Salmon Nggǝtgha Mboz. Man ndǝna Rahap. Mboz nggǝtgha Obed. Man ndǝna Ruth. Obed nggǝtgha Djeshi,

⁶ Njessi nggǝtgha kutǝra Ndauda. Ndauda nggǝtgha Sulemanu. Man ndǝna Mbasheba, nu mǝra Uriya.

⁷ Sulemanu nggǝtgha Rehobom, Rehobom nggǝtgha Abidja, Abidja nggǝtgha Asa,

⁸ Asa nggǝtgha Djehoshafat, Djehoshafat nggǝtgha Djoram, Djoram nggǝtgha Adzariya,

⁹ Adzariya nggǝtgha Djothlam, Djothlam nggǝtgha Ahas, Ahas nggǝtgha Hedzekiya,

¹⁰ Hedzekiya nggǝtgha Manasa, Manasa nggǝtgha Aman, Aman nggǝtgha Djosiya,

¹¹ Djosiya nggǝtgha Djekoniya tǝ wanmanggighǝn, a sayidɗi ƙǝsang ngganda nafiya Yahuda ngyaɓang tsaurha nda kanda fa hu chehwed Mbabila ɗǝ.

¹² A kwasamadɗi ɗǝna nda tǝ kanda a Mbabila ɗǝ, Djokoniya nggǝtgha Sheyaltiyel, Sheyaltiyel nggǝtgha Dzerubabel,

¹³ Dzerubabel nggǝtgha Abihudu, Abihudu nggǝtgha Eliyakim, Eliyakim nggǝtgha Adzor,

¹⁴ Adzor nggǝtgha Dzadok, Dzadok nggǝtgha Akim, Akim nggǝtgha Eliyud,

¹⁵ Eliyud nggǝtgha Eleyadza, Eleyadza nggǝtgha Mattan, Mattan nggǝtgha Yakubu,

¹⁶ Yakubu nggǝtgha Yisufu, chimad Mairamu. Mairamu nggǝtgha Yeeso na nda aarha Almasihu.

¹⁷ Chichiiya kum kap faɗa a thlakh mbǝd Ibrahim ɗǝgha thlakh mbǝd Ndauda ɗǝ. Thliirha a thlakh mbǝd Ndauda ɗǝgha hu sayidɗa ɗǝ ngyaɓang nanda tsaurha kanda fa a Mbabila, chichiiya kum kap faɗa ni. Thiirha ƙǝm a sayidɗi mal nanda Mbabila ɗǝgha hu sayidɗa ɗǝ nggǝt nanda Almasihu chichiiya kum kap faɗa ni.

Nggǝtta Yeeso

¹⁸ Kulo kwaman nggǝtta Yeeso Ƙǝrǝsti ya. A sayidɗi ngwanna Yisufu Mairamu man Yeeso, amma kanda kula kakhrha, ƙǝlagha Mairamu hai, nǝghǝn a hur yi Sǝsǝna tǝ Peɗǝnda.

¹⁹ Yisufu ka niifa ni mbǝ midghǝn sǝ a fǝrang shilee nǝn Mairamu a yid fiya wa, a hu numadghǝn na midghǝn sǝ a kalghǝnǝn hai ɓǝɓee.

²⁰ Amma ndǝghǝn hu numadɗi kee, ɓagha tǝthlǝnda Faara thlǝmadghǝn ɓa hu sǝsǝniirha ndanggǝn, “Yisufu, wan Ndauda, a tǝrǝmna kakh Mairamu wa, ƙǝsǝr huryidɗi keeghǝn yi Sǝsǝna tǝ Peɗǝnda ni.

²¹ Nǝn a nggǝt wee hǝshin, ɗǝfang thlǝma na Yeeso Ƙǝsǝr ndǝghǝn ni a hǝrghang nafiyighǝn a hu ɗimiyid ndan.”

²² Ənggini heu ya katǝra nǝn hai ka a lǝɗang ngganda ˈya ndana annabi:

²³ “Na wutararha a ɗǝfrha hur nggǝt wee hǝshin nǝn ɗǝfang thlǝma nda Imaniyel.” Thlǝmɗi ndaarha ni, “Faara nǝghǝn tǝ ƙǝm ha.”

²⁴ Mehenna Yisufu sǝ a ɓeena, takkwa ǝn ɗanǝn pǝrangna tǝthlǝnda Faara, kahanggǝn Mairamu.

²⁵ Amma sǝngwa ndǝn wee nuwun wa, ƙǝl a kwasamadɗi nggǝt nǝn wee hǝshin, ɗǝfang thlǝma nǝn Yeeso.