زَبور 70 - هُدائے پاکێن کتاب، بلۆچی زبانا

په منی مَدَتا اشتاپ کن

په سازگر و وش‌آوازانی سالارا. داوودئے زَبور. دَزبندیے.

¹ او هُدا! زوتّ کن و منا برَکّێن. او هُداوند! په منی مَدَتا اشتاپ کن.

² آ که منی کۆشئے رندا اَنت، سرجَهل و شرمسار باتنت، آ که منی بربادیا گَلَ بنت، پد بکنزات و رسوا باتنت.

³ آ که منی سرا ”هه، ههَ“ کننت، چه پَشَلیا پُشتکا کنزاتنت.

⁴ بله آ که تئیی شۆهازا اَنت، سجّهێن تئیی درگاها شادهی کنات و گَل و بال باتنت، آ که تئیی داتگێن نجاتِش دۆستَ بیت، مُدام بگوَشاتنت: ”هُداوند مَزن‌شان اِنت.“

⁵ بله من سِتَم دیستگێن مهتاجے آن. او هُدا! دێم په من اشتاپ کن، تئو منی رَکّێنۆک و مَدَتکار ائے. او هُداوند! دێر مکن.