MATIU 1 - Havai Niu Testamen

A revereve huri retubui Jisas Kraes

¹ A revereve huri retubui Jisas, netui Devet, netui Ebraham.

² I Ebraham mo bava Aesak, ko i Aesak mo bava Jekob, ko i Jekob mo bava Juda mei retahine.

³ I Juda mo bava Beres mei Sera, retahire Tama, i Beres mo bava Hesron, ko i Hesron mo bava Ram,

⁴ ko i Ram mo bava Aminadab, ko i Aminadab mo bava Nason, ko i Nason mo bava Salmon,

⁵ ko i Salmon mo bava Boas, retahine Rehab. I Boas mo bava Obed, retahine Rut; ko i Obed mo bava Sese,

⁶ ko i Sese mo bava na ratahigi lawua hi Devet. I Devet mo bava Solomon, retahine gahorai Uraia tau tomue,

⁷ i Solomon mo bava Rehoboam, ko i Rehoboam mo bava Abia, ko i Abia mo bava Asa.

⁸ I Asa mo bava Jehosavat, ko i Jehosavat mo bava Joram, ko i Joram mo bava Usia.

⁹ I Usia mo bava Jotam, ko i Jotam mo bava Ehas, ko i Ehas mo bava Hesekia.

¹⁰ I Hesekia mo bava Manase, ko i Manase mo bava Amon, ko i Amon mo bava Josia.

¹¹ I Josia I tubui mo bava Jekonaea mei retahine, lo tarogi hi ram reve vohoginire duvi Israel vano a Babilon.

¹² Lo tagugi hi rau reve vohoginire vano a Babilon, i Jekonaea mo bava Salatiel, ko i Salatiel I tubui Serubabel.

¹³ I Serubabel mo bava Abiut, ko i Abiut mo bava Eliakim, ko i Eliakim mo bava Aso.

¹⁴ I Aso mo bava Sadok, ko i Sadok mo bava Akim, ko i Akim mo bava Eliud.

¹⁵ I Eliud mo bava Eliesa, ko i Eliesa mo bava Matan, ko i Matan mo bava Jekob,

¹⁶ ko i Jekob mo bava Josev, nge hi u legi mei Meri, u hakovi Jisas, ngehi mo warea ve i Kraes.

¹⁷ Giniehi, a teriterigi doluegi den Ebraham mo dadari lui Devet, a qatu hangavulu domwagi gaivesi. Den Devet mo dadari lo tarogi hi ram reve vohoginire vano a Babilon, a qatu hangavulu domwagi gaivesi; ko dena tarogi hi ram reve vohoginire vano a Babilon mo dadari lui Kraes, a qatu hangavulu domwagi gaivesi.

A voraana noi Jisas Kraes

¹⁸ Nge ngaha a leo huri Jisas Kraes u vora mwere ngaha. I Josev mo waratau goro Meri, retahi Jisas, nge lune ingere rohe toga te bubugi mosigei, mo haqea ve mo tino gina Vui Gogona.

¹⁹ I Josev tubune ingeie a tangaloi vovohoi, nge he tarani tea ve vin vagamaemaegi Meri lo nagora tangaloi; giniehi, ingeie mo lado ve vin teu vohogi rorongo ginie.

²⁰ Lune ingeie mo lado huri na gineu ingere ngaha, a engsel nona Huqe mo serelue lawea lolo boborea, mo veve vena, “Josev, netui Devet, gon mese matagu ve gon lai Meri gi gahoramu. Huri a gineu ngehi ingeie mo tino ginie mo vonai dena Vui Gogona.

²¹ Nge vin hakovi na maresu, ko iniko goin warea gi Jisas, a vevenagi ingeie vin vagamwasoi na nona sinobu dena nora galegaleasi.”

²² A gineu doluegi ingere ngaha mo vaire huri ve vin vagahorongi na leo nona Huqe ngehi u vevea gina singoi tangaloi ligoligogi:

²³ “Leo, a matavono vin tino ko vin hakovi na maresu, ko rain warea gi Emanuel.” (Lo noda leo ve, “I God mei gide.”)

²⁴ Siu i Josev mo rada, mo vai mwere hi a engsel nona Huqe u veve lawea, ko mo lai meri gi gahorana

²⁵ ingeie he bulusie tea mo dadari lune ingeie mo hakovi na maresu mwera. Ko i Josev vin warea gi Jisas.