Kanta 1 - Hanunuu

Kanta 1 Mapalad ti Tawu Matadlung

¹ Mapalad ti tawu balaw magkabuhi sa patigayun daut pag tawu, balaw magsunud sa pagbuwatun manga makasalanan, balaw magpaamut sa manga tawu marapuya.

² Bagkus ngap, magbaya siya magsunud sa bilin Panginuun, sirang yabi kay pag-isip-isipun inda.

³ Parihu siya sa kayu itinanum sa saruy sapa magburak nu udas tig bururak, ag balaw magkarubay kay manga labung. Ti kainda pag tawu umalwan sa kay manga pagbuwatun.

⁴ Dapat balaw katida ti daut pag manga tawu. Sida unman may pulus, parihu sa upa pag-ipayag lang durus.

⁵ Nakan sa sirang pagsintinsiya, parusahan sida Diyus, ag balaw sida miminsan sa manga matadlung.

⁶ Dahil pag-alagaan Panginuun ti manga magkabuhi matadlung, dapat ti magkabuhi sa kadautan, kadautan diman ti dumara tag sa kadamhakan.