يهوذا 1 - Hijazi New Arabic Version

¹ هاذي الرسالة هي مِنْ يَهُوذَا، عَبْدِ يَسُوعَ الْمَسِيحِ وأخو يَعْقُوبَ، للي دَعَاهُمُ اللهُ الآبُ إِلَيْهِ، واللي بيحبهم، وَالْمَحْفُوظِينَ مِنْ أَجْلِ يَسُوعَ الْمَسِيحِ.

² ليكم الرَّحْمَةُ وَالسَّلامُ وَالْمَحَبَّةُ في زيادة دايما!

الخطية وموت الأشرار

³ يا أحباء، كنت ناوي اكتبلكم عن مَوْضُوعِ الْخَلاصِ اللي بنَشْتَرِكُ فِيهِ كلنا. ولكني مُضْطَرّ دحين اني أَكْتُبَلكم عشان اُشَجِّعَكُمْ عَلَى الْجِهَادِ لاجل الايمان اللي اتسلم مرة وحده وبس للقديسين.

⁴ لأَنَّهُ دخل بَيْنَكُمْ مُعَلِّمُينَ لازم يتعاقبوا العقاب الابدي، زي ما هو مكتوب لهم من زمان. فَهُمْا أَشْرَارٌ ومايخافوا اللهَ، بيستغلوا نِعْمَةِ إِلَهِنَا علشان يبيحوا الرَّذَايِلِ، وَيُنْكِرُوا سَيِّدَنَا وَرَبَّنَا الْوَحِيدَ يَسُوعَ الْمَسِيحَ.

⁵ لكن دحين، انا أبغى افكركم بأمور انتوا تعرفوها. لانكم عارفين أَنَّ الرَّبَّ، بَعْدَ مَا أَنْقَذَ الشَّعْبَ مِنْ مِصْرَ، رجع واهلك اللي ما آمنوا منهم.

⁶ وَأَمَّا الْمَلايِكَةُ اللي ما حافظو على مَقَامِهِمِ العالي، لكن تركوا مكاننتهم، فالرَّبُّ لايزال مقيدهم بسلاسل أبدية فِي أَعْمَاقِ الظَّلامِ، إلين يوم الدينونة هذا الْيَوْمِ الْعَظِيمِ.

⁷ وانتوا تعرفوا كمان اللي عمله الرَّبُّ في سَدُومَ وَعَمُورَةَ وفي المدن اللي حواليهم. أَهْلُ الْمُدُنِ هاذي، كانوا زي هدول المعلمين ، مُنْدَفِعِينَ وَرَاَ الزِّنَى، وغرقانين فِي شَهْوَاتٍ مُخَالِفَةٍ لِلطَّبِيعَة اللي خلقها اللهِ. علشان كدة عَاقَبَ الرَّبُّ هَاذي الْمُدُنَ بِالنَّارِ الأَبَدِيَّةِ، ودمرها. وبكدة بقيت عِبْرَةً لغيرهم.

⁸ ورغم كدة، فالمعلمين الواهمين هدول بيَسِيرُوا فِي الطَّرِيقِ اللي سَارَ فِيهَا أَهْلُ هاذي الْمُدُنِ. لانهم بيلوثوا أَجْسَادَهُمْ بِالنَّجَاسَةِ، وبيحتقروا السلطان الإِلَهِيَّ، وبَيَتَكَلَّمُوا بِالإِهَانَةِ عَلَى الْكَائِنَاتِ الْمَجِيدَةِ!

⁹ حتى الملاك مِيخَائِيلُ، وَهُوَ رَئِيسُ مَلايِكَةٍ، ما كان يجرؤ انه يحكم على إِبْلِيسَ بِكَلامٍ مُهِينٍ لما خَاصَمَهُ وَاتَجَادَلَ مَعَاهُ بِخُصُوصِ جسد مُوسَى، لكن اكْتَفَى بانه يقوله: « الرَّبُّ يعنفك !»

¹⁰ ولكن هذول المعلمين بيتكلموا كلام مهين على امور ما يعرفوها. وَأَمَّا اللي بيَفْهَمُوه بِالْغَرِيزَةِ، زي َالْحَيَوَانَاتِ الي ما تعقل، فهم بيدمروا نفسهم بهذا الكلام.

¹¹ ياويلهم! لانهم مشيوا في طريق قَايِينَ، وَانْدَفَعُوا ورا خطية بَلْعَامَ طمع في االفلوس ، وَاتَمَرَّدُوا زي ما اتَمَرَّدَ قُورَحُ، فَدَمَّرُوا نفسهم.

¹² هم بيشتركوا معاكم فِي وَلايِمِ الْمَحَبَّةِ من غير كسوفٍ، لكنهم زي الوصمة في ولائمكم. مايهمتوا الا إنهم يشبعونفوسهم! فهما يشبهوا سحابة من غير مَطَرٍ بتحركها الرِّيَاحُ، وَأَشْجَار الخريف اللي من غير ثَمَرٍ، اللي بيَقْلِعُهَا أَصْحَابُهَا، فيتضاعف موتها.

¹³ وبيفضحوا نفسهم بأعمالهم المخلة زي موج البحر الهايج اللي بيقذف الوسخ. وهما عاملين زي نجوم تايهه فِي الْفَضَاءِ، مَصِيرُهَا الظَّلامُ الشَّدِيدُ إِلَى الأَبَدِ!

¹⁴ أَخْنُوخُ السَّابِعُ بَعْدَ آدَمَ اتنبأ عن هذول واللي زيهم، وقال: «شوفوا الرب جاي ومعاه عَشَرَاتِ الأُلُوفِ مِنْ قِدِّيسِيهِ،

¹⁵ علشان يدين كل النَّاسِ، وَيُوَبِّخَ كل الأَشْرَارِ اللي ما يخافو الله، بِسَبَبِ كل أَعْمَالِهِمِ الشِّرِّيرَةِ اللي سووها وكل أَقْوَالِهِمِ الْقَاسِيَةِ اللي أَهَانُوهُ بِيها واللي ماتصدر إِلّا من خطاة اشرار وماهم اتقياء!»

¹⁶ المعلمين هذول بيتذمروا ويشتكوا دايما وهما ماشيين ورا شَهْوَاتِهِمْ، بيسيبوا أَلْسِنَتَهُمْ تتكلم بِأُمُورٍ رنانة، وَبيَمْدَحُوا اللي على مزاجهم لاجل الْمَنْفَعَةِ!

دعوة للثبات

¹⁷ لكن انتوا يا أحباء، خليكم فاكرين دايما اللي قالوه رُسُلُ رَبِّنَا يَسُوعَ الْمَسِيحِ.

¹⁸ لانهم نبهوكم قبل كدة انه، فِي نِهَايَةِ الزَّمَانِ، رح يظهرناس مُسْتَهْزِئُينَ بيعيشوا فِي شَهْوَاتِهِمِ الْفَاسِقَةِ.

¹⁹ وهما هذول اللي بيسببوا الانْشِقَاقَ، وبيتبعوا غَرَائِزِهِمِ الْحَيَوَانِيَّةِ، والرُّوحُ الْقُدُسُ مو ساكن فِيهِمْ!

²⁰ لكن انتوا يا احباء، فَابْنُوا نفسكم عَلَى إِيمَانِكُمُ الأَقْدَسِ، وَصَلُّوا دَايِماً فِي الرُّوحِ الْقُدُسِ.

²¹ وَاحْفَظُوا نفسكم فِي مَحَبَّةِ اللهِ، مُنْتَظِرِينَ رَحْمَةَ رَبِّنَا يَسُوعَ الْمَسِيحِ لمن يجي وياخدكم تعيشوا معاه للابد.

²² بَعْضُ النَّاسِ لازم تُعَامِلُوهُمْ بِشَفَقَةٍ بِسَبَبِ شُكُوكِهِمْ.

²³ وَبَعْضُهُمْ لازم تُنْقِذُوهُمْ وتخطفوهم من النار. وبعضهم لازم تُعَالِجُوهُمْ بِشَفَقَةٍ وَحَذَرٍ، وانتوا كارهين حتى التياب اللي بيُلَوِّثُوهَا بِأَجْسَادِهِمْ.

ختام

²⁴ اللي قادر يحرسكم مِنَ السُّقُوطِ إلين ما يوصلكم للوقوف قُدامه فِي الْمَجْدِ فرحانين وبدون عيب فيكم.

²⁵ لِلهِ الْوَاحِدِ، مُخَلِّصِنَا بِيَسُوعَ الْمَسِيحِ رَبِّنَا له الْمَجْدُ وَالْجَلالُ وَالْقُدْرَةُ وَالسُّلْطَةُ، من قبل ما يكون الزمان، وَالآنَ وطولَ الأَزْمَانِ. آمِين! آمين!