Aanlyn Bybel

Thodŏpho 6 - Geba Roman New Testament

Deăkono Thăthô Dèbwè

¹ Hlĕnu bōhmubicè tòcò òèhtagè d́ō, d́ŏ Grĭspho kî Hebrè̆upho tòcò azo dèmô̄mô̄îî òhtagè d́ŏ dèbela dèhtò̆dèla dini dini anikhĭ nu, zi bija ahmugèmè tòcò b́ètcaphlòtôlôgè nu.

² Mègōnu thodŏpho tòcò jo ladēplo hwă bōhmubicè aboahò tòcò d́ō, cò d́ò lōwa gōjo, “Atè b́ènibòni ńò htè wè lè̄lakè̆ hwă Kib́ĭcè Alēahwè d́ō, wa gè̄ mè dè mè d́ŏ d́î̆wāhtî nu ńò.

³ Mègōnu d́ō, ŏ thè̆buthè̆we tòcò, rôhtabò̄ d́ŏ thĭ klè̆ bija amiakhè̆ è, aòpĕhta kî Spirito Tcahtĭ kî dèthîd́ôthîhè̆ thăthô dèbwè, cab́ô̆htè wè gè̄ lè̄htabò̄ cè atcaikhwèi dèphîdèmè ajo nu.

⁴ Ḿî wa jo, wè gè̄ mèi d́ò̆è dèthub́uthèb́è̆ kî Kib́ĭcè Alēahwè,” cò d́ò lōwa tòcò do.

⁵ Dèkŏdèkja ajo ab́èthob́èthagè bija lŏcăcè kî bija rôhtagè Stè̆phano, bija aòpĕhta dèb́u kî Spirito Tcahtĭ nu, kî Philĭpo, Prokŏrus, Nikănòr, Tĭmon, Parminus, kî Nikolas htè Antiò̆ka upho adî ḿî Jŭdapho ńò, ḿî ab́udè aòi Jŭdapho adèthèb́è̆ abu dèbwè nu.

⁶ Cè tòcò jole lōwa d́ŏ thodŏpho tòcò ahlò̆mò̄ nu, kî zè htèlagè cu cukhò tòcò d́ŏ lōwa akokho nu.

⁷ Gōnu akhoacè̆ Kib́ĭcè Alēahwè d́èlò̄d́èkhò̆ kîd́ò̆ bōhmubicè òèhtaplăgègè d́ŏ Jerŭsalèm u bu nu. Phŭgi tòcò aklè̆, aphîni dèb́u òèòògè.

Stè̆phano B́èphò

⁸ Stè̆phano ò pĕhtagè Kib́ĭcè adèhludètă kî dècô̆thèlè̆, mègè dèbòdèba kî dècòklîcòhjè̆ d́ŏ bija aklè̆ nu.

⁹ Nòthò̆ hnò̆nu, bija tòcò cò wè̄hto htakhokăgè cè. D́ŏ sinagŏgā abu ad́òla ane Bwèhlô̆, htè Jŭdapho aò d́ŏ Cerenĕo U, Alèssăndria u, Cilĭciage kî Asĭa nu ògè tòcò, za daragè Stè̆phano.

¹⁰ D́ŏ Spirito Tcahtĭ ajî̄b́ègè d́ŏ Stè̆phano alòmò bu akhoacè̆, cè tòcò tò d́òbègè Stè̆phano ńò.

¹¹ Zu htŭ za ngāgè bija tòcò htè akò d́ò, “Wî thîhè̆ cò d́ò htad́ĕd́ò Mŏzè kî Kib́ĭcè,” nu.

¹² Mèhwă ca thakăhta bija kî adoabwe tòcò kî Skrĭbāpho tòcò, mèhwă zò hlò̆wè̄ lōwa alò, cô pô za hja hwă Stè̆phano, ze lei lōwa d́ŏ Sahidrin jŭkho nu.

¹³ Mèhwă zo jole akhathè̆thî dîdî̄dahma ńò tòcò kî cò d́ò, “Bija ajo dèbwè dò sò̆tab́a ajî̄b́è htad́ĕd́ò Dèlle Tcahtĭ kî Dèhmèla ńò.

¹⁴ Manè̄, wî thîhè̆b́ègè cò d́ò Jezŭ Nazarè̆thpho gè̄ mèkè̆kò̆ Alleaklè jo kî anuad́ò̆ Mŏzè ilani wa tòcò nu,” cò d́ò do.

¹⁵ B́ĕnu bija asańă jŭkho tòcò tca dîgrînî cè d́ō, za tcahtîgè lōwa amūkă mè acab́ô̆ Mò̄khobwèzo dèbwè è̆ nu.

« Vorige

Bible Society of Myanmar

Volg ons:

Geborgde skakels

Advertensies