Aanlyn Bybel

Thodŏpho 5 - Geba Roman New Testament

Ananĭa kî Sapphĭra

¹ Bija ami ḿî Ananĭa dèbwè kî zè hmè̆ Sapphĭra sè̆lă alākho taklaẃa.

² Mèhwă d́ŏ zè hmè̆ adètholajīthalad́wă abu, zè lè̄gehugè abwî klămôklămè̆, ze leigè aòda klăḿè̆ d́ŏ thodŏpho tòcò akhahtî nu.

³ Petru d́ògè cè, “Ananĭa, ni i ma Sătana hnakă nè agè̄ plè Spirito Tcahtĭ kî lè̄huge Lākho abwî klăḿè̆ nu nè?

⁴ Dèsè̆kî nè sè̆lăkè̆ lākho hnî̆ńò ḿî nè è̆ lò tè b́è ńò ā? Kîd́ò̆ nè sè̆kè̆ hwă, abwî nu ḿî nè è̆ lò lò. Mègōnu d́ō, ńò òi ma dèkŏdèkja ajo d́ŏ na thabu nè? Nè tè plègè bija ńò, ḿî B́ĭcè dòkhò̆!” cò d́ò lōwa do.

⁵ Ananĭa thîhè̆b́è dèjî̄b́è ajo lò kî za lakhuthĭ tèpwègè. Bija thîhè̆b́è dèwîdèkè̆ ajo thaphuthaganāsôgè.

⁶ Ab́òĺòpho tòcò le phî Ananĭa aco kî b́ò̆b́i i tîkî̆jā, j́ahtakè̆ cè kî leb́ŭlăgè cè.

⁷ Alekă thŏnare abu, zè hmè̆ adî thîhè̆ dè mè ane dimĭ ńò dèbwè dolegè.

⁸ Petru d́ò cè, “Dò̆sabò̄ jè nè kî na wa, thĭ sè̆nigè lākho abwî lŏlō pwe gōjo lò hŏ ā?” cè d́è̆ lōwa do. Kî cò d́òscĭgè lōwa, “B́èhŏ, pwe gōnu hŏ,” cò d́ò̆sa lōwa do.

⁹ Petru d́òge cè, “Nè kî na wa, thĭ ŏlăkô ma agā hnakă Kib́ĭcè Aspirito nè? Tcabò̄, ale b́ŭlă na wa aco tòcò akhakhò ò tèpwè d́ŏ khaglè̄htî nu. Cè tòcò gē hèikè̆kò̆ nè nè!” cò d́ò lōwa do.

¹⁰ Taplakhă lò amihmu dèbwè jo, lakhu kî thĭ tèpwègè b́ĕ Petru akhahtî nu. Ab́òĺòpho tòcò genī, za tcahtî lōwa thĭgè d́ō, ze leb́ŭlăgè lōwa d́ŏ za wa akăhtî nu.

¹¹ Dèòplo thèd́è̆pho kî athîhè̆b́è dè ajo tòcò thaphuthaganāsôgè.

Dècòklîcòhjè̆ kî Dèbòdèba tòcò

¹² Thodŏpho tòcò mègè dècòklîcòhjè̆ kî dèbòdèba pwĕdimi d́ŏ bija tòcò aklè̆ nu. Cè tòcò ladēplo lŏ lōwa d́ŏ Sòlòmòn Adadākho nu.

¹³ Bija kòihtăi tèpwè cè tòcò nòthò̆ dō dèbwè̆ tò òplosò̆jī b́ugè cè tòcò ńò.

¹⁴ Barasă ab́u B́ĭcè amihmuhmu amikhŏkhŏ òèhta dere deregè.

¹⁵ Ḿî d́ŏ thodŏpho tòcò mègè dè gōjo acè̆, bija j́ale bwèsè̆ d́ŏ klèdo bu kî b́è̆lăsòḿĭ cè tòcò d́ŏ leḿĭkho kî khlòbu, cab́ô̆htè b́ĕ Petru hèkô klè nu, zè gèlè ko olab́èbò̄ lōwa tòcò akho anikhĭ nu.

¹⁶ Kîd́ò̆ bija aò d́ŏ u, d́ŏ, ab́ôhtîb́ôzò Jerŭsalèm u tòcò ḿî ḿî lei bwèsè̆ kî dèhnè phîb́è tòcò kî za hmage lŏ tèpwè.

Thodŏpho tòcò B́èphòb́ècŏ

¹⁷ Phŭgima kî bija alôkômèkô ca kă htè Saducè̆pho tòcò thaklathasè̆b́èsôgè thodŏpho tòcò akhoacè̆, laglahlè lōwa agè̄ mè cè tòcò dimimi lò.

¹⁸ Zò phò zo cŏ hwă bōhmubicè tòcò zi htînīgè lōwa dèkî̆dî̄ abu.

¹⁹ Barasă b́ĕ lumunèkhè̆ nu, Kib́ĭcè aMò̄khobwèzo dèbwè b́ăhta hwă dèkî̆dî̄ akhaglè̄ d́ō, zè hèhtaihŭgè lōwa kî cò d́ò,

²⁰ “Lebò̄ kî d́ò̆htôlabò̄ bija d́ŏ Zarādo abu nu htè ab́èkja dèòthôḿô̆ adèjî̄b́è tòcò nu,” cò d́ò lōwa do.

²¹ Thodŏpho tòcò thîhè̆b́è hwă dèjî̄b́è ajo d́ō, cè tòcò lenī hwă Zarādo abu, cô thôithò̆igè bija tòcò nu. Phŭgima kî zò khò̆ zè khè tòcò ladēplo lōwa d́ŏ Sanhedrîn Jŭdapho ajŭkho nu, ploplo kî Jŭdapho anedothabwe lŏcăcè, Hwă d́ō za hna le phîhtaphlò thodŏpho tòcò d́ŏ dèkî̆dî̄ abu kî hna lejoi cè tòcò d́ŏ lōwa ahlò̆mò̄ nu.

²² Barasă klĭpho akhoane tòcò le kî b́ăhta dèkî̆dî̄ akhaglè̄ d́ō, za ta pahtî lōwa d́ŏnu ńò, ze ge d́ò̆sa bija cò d́ò,

²³ “Dèkî̆dî̄ akhaglè̄ ḿî aòb́ò̆b́i hmetekle d́o, kî adôi dèkî̆dî̄ tòcò sò̆hto ò d́ŏ khaglè̄htî nu, barasă b́ĕ wa b́ăhta khaglè̄ tapla wè dè kèhtî bija dèbwè̆ ńò,” cò d́ò̆sa bija do.

²⁴ B́ĕ Zarādo akhoane kî Phŭgido thîhè̆b́è dèjî̄b́è ajo d́ō, cè tòcò htèniwĭniwa d́ŏ dè gè̄ mè ane kî thodŏpho tòcò cadè̄ nu.

²⁵ B́ĕnu bija dèbwè lenī hibu kî d́ò̆sa cè tòcò, “Tcabò̄, bija htè thĭ htînī dèkî̆dî̄ abu tòcò nu sò̆hto ò d́ŏ Zarādo bu kî thôithò̆i tepwè bija dòkhò̆,” cò d́ò̆sa lōwa do.

²⁶ Klĭbodo kî akhî̆abwè tòcò le kî joge mòmòwîwî tèpwè cè tòcò, manè̄ zi scisă bija tòcò gē hwĕ cè lo akhoacè̆ nu.

²⁷ Ze gei hwă bōhmubicè tòcò, cè b́è̆lă lōwa d́ŏ Jŭdapho Ajŭkho nu, mèhwă Phŭgima htôtcad́è̆tca cè tòcò kî cò d́ò,

²⁸ “Wè hmèla dîgrînî thĭ agô̄ tô thôithò̆ib́è dè ami dimi jo ńò, ḿî tcabò̄, thĭ mèpĕhtagè Jerŭsalèm u kî thĭ dèthôdèthò̆ kî thĭ thaè mèladēgè bija ajo dèbwè athwi wo kho,” cò d́ò lōwa do.

²⁹ Petru kî thodŏpho alewe tòcò d́ògè, “Wò gò̄ sòkhĕńeb́è Kib́ĭcè d́olĭ kî bija.

³⁰ Wi phĭ wu phŭ tòcò Ab́ĭcè b́awè̄htogè Jezŭ, htè thĭ htalaglothĭgè Krusu alò dèbwè nu.

³¹ Kib́ĭcè lè̄htagè cè Saphrapho kî Amèhlô̆htagedè, aki ila Israè̆lpho tòcò dèjale kî dèkhòwè adèb́ăplè.

³² Wî ḿîgè d́ŏ akha ane thè̆thî dè ajo tòcò anikhĭ, ploplo kî Spirito Tcahtĭ htè Kib́ĭcè ilagè asòkhĕńe Ze lē tòcò nu,” cò d́ò lōwa do.

³³ B́ĕ cè tòcò thîhè̆b́è dè ajo d́ō, ca thasè̆sôgè kî thaè mèthĭgè Thŏdŏpho tòcò nu.

³⁴ Barasă d́ŏ cè tòcò aklè̆ Pharizè̆pho ami ḿî Gamălia htè Skrĭbāpho kî bija d́ŏb́èj́ab́è dèbwè wè̄hto kî hna hèhtaphlòḿĭgè thodŏpho tòcò d́ŏ akhlŏ nu.

³⁵ Mèhwă cò d́ògè bija tòcò, “Ŏ Israè̆lpho amikhŏ tòcò, thidĭibò̄ d́ŏ thĭ gè̄ mè bija ajo tòcò danè̄ nu.

³⁶ Tò òjî̄òkja hnî̆ńò, Theŏdas wè̄htogè, cò d́òla ze ne bija dèbwè, kî amikhŏ abwè lwīgèjè mèkôgè ca kă. Cè b́è mèthĭgè kî zò khò̆ bĭsèpho tòcò phrulaphrî̆hta hwă akèhta tèpwè ahnahnă lò.

³⁷ Alekă Galilĕapho ami ḿî Jŭdas dèbwè jogè bija agô̄ lôkô ze le tòcò, cè ḿî ḿî ci thĭ zè hlè̆mè̄ kî zò khò̆golō tòcò sè phrulaphrî̆hta lō tèpwè.

³⁸ Mègōnu khŏnujo jò d́ò̆sa thĭ, ò dòbòbò̄ bija ajo tòcò kî lè̄ thèd́è̆bò̄ cè. B́eḿĕ zè dèphîdèmè gî̄ ḿî ma bija è̆ lò d́ō, agā lamulapha tèpwè.

³⁹ Zî gî̄ ḿî ma Kib́ĭcè adèmè d́ō, thĭ dè mè lamulapha za cè ńò kî thĭ gā htad́ĕd́ò nid́ò̆ Kib́ĭcè d́òbĕ,” cò d́ò bija do. Akhoane tòcò sòkhĕńe tèpwè ze lē.

⁴⁰ Cè tòcò jonīge hwă bōhmubicè tòcò d́ō, ze de zo bo hwă lōwa, zè hmèla lōwa agò̄ tò d́òi Jezŭ ami ńò, mèhwă za hna hè tèpwè lōwa.

⁴¹ Thodŏpho tòcò hèladē hwă acirradè tòcò ahlò̆mò̄, ca thalōthalaigè d́ŏ agā khab́è dèmèjūlakăkè d́ŏ Jezŭ ami anikhĭ nu.

⁴² Alekă kô̆ lumuni nu, za hta d́ŏ Zarādo abu, za hta dihi ladē dihi, thôithò̆i kî d́òŭd́ò̆sagè dèwîdèkè̆ htè Jezŭ ḿî Mèssĭah nu.

« Vorige

Bible Society of Myanmar

Volg ons:

Geborgde skakels

Advertensies