Aanlyn Bybel

Mărko 16 - Geba Roman New Testament

Jezŭ Adèhtaboge
( Mattĕo 28.1-8 ; Lŭka 24.1-12 ; Zowănnī 20.1-10 )

¹ B́ĕ Munisòd́è̆ aŭsu dini gohta hwă nu, Marĭa Madalè̆nā, Marĭa Zăkomo zo mo, kî Salŏmè leigè dèhnŭẃihnŭthòrò̆ cab́ô̆htè cè tòcò gô̄ thôphrôbò̄ Jezŭ aco nu.

² Dòsòd́è̆ aŭsu dini lumuwòthab́ĭ we akhî, lumuhta kăkòlò̆ nu, cè tòcò htagè lūkho.

³ Cò d́òhlègè lōwa, “Bò̄bwè Gā saphlòḿî̆ ni wa lodo aòb́i lūbu bwè?”

⁴ B́ĕ za tcahta nu, za tcahtîgè lodo b́èsaphlòḿĭ htŏ, lo ḿî adozî̄dozô̄.

⁵ B́ĕ ze lenī lūbu akhè̆, Cè tòcò tcahtîgè ab́òĺòpho dèbwè sańăla ò d́ŏ acudèhtwè dòkhò̆, cò thò scid́ŏzô ab́ôthă, d́ō cè tòcò htèdômô̄dahmăgè.

⁶ Cò d́ò lōwa tòcò, “Thaganābò̄ ḿè. Thĭ wācăhlè Jezŭ Nazarè̆thpho, htè ab́èhtalaglothĭgè dèbwè nu, Za htaboge htŏ. Cò tò ò b́ĕjo ńò. Tcabò̄ alleaklè htè bija b́è̆lăgè Cè nu.

⁷ Barasă d́ō, ge kî d́ò̆sabò̄ Zo bōhmubicè tòcò, kî Petru nu htè Ze lenī htŏ Galilĕage d́ŏ thĭ hlò̆mò̄ nu. D́ŏnu, thĭ gā tcahtî Cè, acab́ô̆ Cò d́ò̆sagè thĭ nu.”

⁸ Cè tòcò hèhta kî cwèphlòḿĭgè d́ŏ lūkho, manè̄, za ganādîzî kî zo tho ca tha dîwî̄dewegè, kî cè tòcò tò d́ò̆sagè bija dèbwè̆ dimĭ ńò, d́ŏ zi scisăgè akhoacè̆ nu.

Jezŭ Adèd́è̆lî̄hta Ane
( Mattĕo 28.9 , 10 ; Zowănnī 20.11-18 )

⁹ B́ĕ Jezŭ htaboge hwă dèthĭ aklè̆, dòsòd́è̆ aŭsu dini wòthab́ĭ nu, Cò pòhtahtî ŭsu Marĭa Madalè̆nā, htè Za hna hèhtakè̆ dèscidèhnè thăthôtod́ŏ ahîklè̆ dèbwè nu.

¹⁰ Ze le d́ŏsagè bija htè aòkôgè Jezŭ akă hlĕnu tòcò nu, b́ĕ cè tòcò joihai Cè akhè̆ nu.

¹¹ B́ĕ cè tòcò thîhè̆b́è Jezŭ ò thôḿô̆we tepwè kî Madalè̆nā tcahtîb́è Cè nu, cu tu b́u tèpwè ńò.

Jezŭ D́è̆lî̄hta Ane
( Lŭka 24.13-35 )

¹² Mèhwă, Jezŭ d́è̆lî̄ còklî ane d́ŏ cè tòcò aklè̆ gībwè, b́ĕ zè hèpôd́ŏ akhî nu.

¹³ Cè tòcò ge d́ò̆sa zò khò̆ alewe tòcò ḿî ḿî, bija tu b́u tèpwè cè ńò ńò.

Bōhmubicè Tòcò Adèb́èthodŏ
( Mattĕo 28.16-20 ; Lŭka 24.36-49 ; Zowănnī 20.19-23 ; Thodŏpho 1.6-8 )

¹⁴ Agudulă, Cò pòhtahtîgè Zo bōhmubicè scidèbwè d́ŏ d́î̆wāhtî nu, kî Zò hò̆gè lōwa d́ŏ cu tu b́u dè nè tòcò ńò kî co thosathasa acè̆ nu, htè d́ŏ cu tu b́u bija htè atcahtî Za htaboge htŏ tòcò ńò nu.

¹⁵ Cò d́ògè lōwa tòcò, “Hèbò̄ lākho thèd́è̆b́è akho, dòŭsaŭbò̄ bija lŏcăcè, Vanzĕlō.

¹⁶ Bija ab́u kî anib́è dèŭsab́ăhtĭ tòcò gô̄ hlô̆htakò̆, ḿî atu b́u ńò tòcò keb́èkò̆ dècirra.

¹⁷ Ab́u tòcò anikhĭ ahô̆gèlè gî̄ ḿîkò̆ gōjo; d́ŏ Ji mi abu za gā hna hèhtaphlòḿĭkò̆ dèscidèhnè; cò kò̄ d́òikò̆ dèjî̄b́è athè̆;

¹⁸ cô kô̄ pôkò̆ wu thè̆htè; cò kò̄ ò̆ ni nòthò̆ dè aciabè hnò̆nu, akè tè b́èhtib́èd́ô̆kò̆ cè ńò; ze gè̄ htèla cu cukhò ascwiasè̆ tòcò akho kî anu tòcò gā hmagekò̆.”

Jezŭ Gehta Mò̄kho
( Lŭka 24.50-53 ; Thodŏpho 1.9-11 )

¹⁹ B́ĕ Jezŭ jî̄b́èhtî hwă cè tòcò d́ō, Ze gehtagè d́ŏ Mò̄kho kî sańălagè d́ŏ Kib́ĭcè acudèhtwè dòkhò̆ nu.

²⁰ Bōhmubicè tòcò hè kî d́òŭd́ò̆sagè dè dagwālè̄, d́ŏ B́ĭcè adèmèzo kî adèmèhmemèglo Ze lē zè hwè abu kî ilani cè agè̄ mè dè acòklîcòhjè̆ tòcò lò.

« Vorige

Bible Society of Myanmar

Volg ons:

Geborgde skakels

Advertensies