Aanlyn Bybel

2 Kòrĭn 9 - Geba Roman New Testament

Dèmèzo Krĭstupho Jāthôthô

¹ Athĕbwe nu dèigetcage bija tcahtĭ aò d́ŏ Judĕage tòcò anikhĭ jò mò hweni thĭ cè tò ò bakho tèpwè ńò.

² Jî thîhè̆ htŏ d́ŏ thĭ thosôthasôgè pwedè̄ acè̆ nu, kî jè bè̄htahtô̆i je ne thĭ cè̆ d́ŏ Macedŏniapho tòcò ahlò̆mò̄, jò d́ò, “Akhaĭapho tòcò ò dòlògè agū hluladè hlĕ d́emo nu.” Ajo acè̆ thĭ dèthosôthasô dèdè̆ hmònigè bija pwĕdimi.

³ Jo thodŏle gāgă thè̆buwe tòcò lò, cab́ô̆htè wè dè bè̄dobè̄htô̆ thĭ dèdè̆ agè̄ dè kèhtabò̄ ahnahnă ńò nu, kî thĭ kò ò dòlòbò̄ acab́ô̆ jò d́ò nu.

⁴ Thè̆lèthòlò̆ Macedŏniapho htè agē lekô ja kă tòcò ka pahtî ma thĭ tò ò kasèwāsè thĭ ne ńò d́ō, wè kèb́è thăwā tèpwè d́okhlŏ thĭ nu, htè thĭ sascĭi thwè hwă thĭ ne nu.

⁵ Gōnu acè jo gomokò̆ agā hna thè̆buwe ajo tòcò ge lehtî thĭ d́ŏ wò hlò̆mò̄, kî gè̄ mègrî̄bò̄ dèigetcage thĭ aḿăkhai hwăgè tòcò nu, kî dè arră ahtani dèigetcage htè ab́èhtuplophîplogè d́ŏ thĭ dèthohlò̆thahlò̆ abu tòcò nu.

⁶ Sòthô̆bô̄hnè ḿè, gā bāla grògrî̄ d́ō kè kèb́è grògrî̄. Thĭ d́î̆ bāla òè, thĭ d́î̆ kèb́è òè.

⁷ Dèbwè ladū mò ila pwĕ zo gomo d́ŏ ca thabu nu, tè b́è d́ŏ dèmô̄mô̄îî aklè̆, dèhnanohnabè acè̆ nu ńò, manè̄ Kib́ĭcè b́èlò̄ ai thalōthala dè dèbwè acè̆ nu.

⁸ Kib́ĭcè adèhôwî agā la thĭ kho nu agō dolō zakò̆ ńò. Ca gā tcakò̆ htè dè aloba thĭ nikhĭ tòcò nu akò òni thèjô̆kò̆ thĭ, kî thĭ gè̄ mèzo bija alewe tòcò anikhĭ ḿî ḿî akò ò thèjô̆nikò̆ thĭ nu.

⁹ Acab́ô̆ Cè Tcahtĭ d́ò; “Zè mèzo lŏtholŏtha kî igè assègnè̆pho tòcò; Zè dèphîdèmè awîab́è nu kè tè b́è sòthô̆bô̄hnèkò̆ taplă ńò,” nu.

¹⁰ Kî Dèado htè ailani thĭ dèkhwĭ agō solabāla anikhĭ kî dèa anikhĭ toko dèbwè ki ilakò̆ thĭ dè thaèni adèkhwĭ lŏcăcè kî agè̄ thèhtaphò̆htai òèòò d́okhlŏkò̆ d́ŏ thĭ dèphîdèmè aphò̆athè nu.

¹¹ Kîd́ò̆ thĭ gī niò̆jòa hwă amŏamo htô̆ thĭ ki ikò̆ d́ŏ dèthohlò̆thahlò̆ abu d́ŏ wu cukhò bu acab́ô̆ dèthîhè̆htage Kib́ĭcè nu.

¹² Dèphîdèmè awîab́è jo ḿî tèb́è htĕ amèni bija atcahtĭ tòcò adèò anikhĭ dèadèò̆ lò ńò, ḿî amè dohtakô dèthîhè̆htage Kib́ĭcè lò.

¹³ D́ŏ dèphîdèmè jo abu thĭ d́è̆lî̄htagè thĭ ḿî bija danè̄ nu, kî thĭ mènigè bija tòcò gè bè̄dòbè̄the Kib́ĭcè d́ŏ thĭ phînigè kî mèigè Krĭstu aVanzĕlo nu, kî thĭ thohlò̆thahlò̆ kî khòwèhmòb́ègè bija lŏcăcè nu.

¹⁴ D́o Kib́ĭcè d́è̆lî̄hta ni thĭ Zu hlu Ca tă aladūlasă akhoacè̆, cè tòcò b́ècwid́ahtonigè d́ŏ thĭ ò, kî d́ŏ dèb́èlò̄ thĭ adoajò̄ abu, za gā dathèb́è̆kò̆ thĭ nikhĭ.

¹⁵ Dèmòb́è B́ĭcè d́ŏ Zè dèigetcage kò d́ò̆sa do lō za ńò tòcò acè̆ nu.

« Vorige

Bible Society of Myanmar

Volg ons:

Geborgde skakels

Advertensies