Aanlyn Bybel

2 Kòrĭn 4 - Geba Roman New Testament

Tha Dèlīdobwîthè̆ d́ŏ Goboloha tòcò abu

¹ D́ŏ Kib́ĭcè adèkhòwèhmòb́è abu wè b́è ilanigè dèŭitcai adèmè ajo nu d́ō, d́ŏ wa dòkhò̆b́è nu dèkhodèă jòla tò ò tèpwè ńò.

² Wè lè̄ladakè̆ dèmèhumèzò htè amò thăwāthablè̄ tòcò lŏcăcè lò. Wî dî ḿî tèpwè aplèahlŭdè ńò. Wa ta b́a dôbô̄debe Kib́ĭcè alēahwè tòcò nu ńò, ḿî wa mèi bija gŏ abwè d́ŏ Dèthodanāthadanā kî dèdî̄dèhma abu d́ŏ B́ĭcè amūkă bu nu.

³ Manè̄, Vanzĕlō Wa adèthôdèthò̆ nu akò òhuòb́i we ma d́ō, akò òhuòb́i tèpwè d́ŏ bija ahèkè̆hlè̆mè̄ tòcò amūkă lò.

⁴ Zî ḿî atu b́udè ńò d́ŏ Lākho ab́icè mèkhigè amūkă, amèd́îd́ă cè agā tcahtî Vanzĕlō adèhlî̆, ahlî̆lăi Krĭstu adòathe, htè aḿî Kib́ĭcè ahô̆agèlè dèbwè nu.

⁵ Manè̄ d́ō, adî ḿî wa athôithò̆i dè tòcò ńò, ḿî Jezŭ Krĭstu acab́ô̆ Dèado, kî wa d́ŏ Jezŭ anikhĭ ḿî acab́ô̆ thĭ zô thĭ bwè tòcò akhò̆pha nu lò.

⁶ Zî ḿî Kib́ĭcè thè̆ne htè ad́ò, “D́ŏ dèkhidènè aklè̆, dè ahlî̆ gî̄ hlî̆hta d́ò̆è!” anu ḿî B́ĭcè dèbwècè̆ htè ahlî̆lab́èhtŏ wa thabu, akè d́è̆lî̄ wa Kib́ĭcè adòathe htè aò d́ŏ Krĭstu amūkă alò nu dèdè̆ nu.

⁷ Ńòthò̆ hnò̆nu, wî ḿî goboloha htè aòi dè alīdobwîthè̆ ajo, cab́ô̆htè wè kè d́è̆lî̄htabò̄ dè acô̆athèlè̆ htè adî ḿî wè è̆ ńò, ḿî Kib́ĭcè è̆ dèdè̆ nu.

⁸ Wa tcahtî dèba ò khwè̆b́a wa, ḿî wò tò òhtĭòda ńò; wa da tcahtî dèhlî̆htaphlò̆hta aklèathòò̆ ńò, barasă wa da thablè̄ ńò,

⁹ wè b́è dèlômèssègnè̆, barasă wa tè b́è bāphlòmĭ ńò, wè b́è htîladē, ḿî wi di thĭ ńò.

¹⁰ Gŏ asŏakhè̆ nu, wè hèi thèjô̆ Jezŭ adèthĭ wò lò, cab́ô̆htè bija gā tcahtîbò̄ Krĭstu adèòthôḿô̆ d́ŏ wò lò nu.

¹¹ Hmahŏ, b́ĕ wò òwe bija asŏakhè̆ nu, wa khab́è dèthĭ gŏ amuni Jezŭ anikhĭ, cab́ô̆htè Krĭstu adèòthôḿô̆ aò d́ŏ we phe wî hî athĭ za aò jo kè̄ b́è d́è̆lî̄htabò̄ nu.

¹² Mègōnu dèthĭ mèdè d́ŏ wu bu, ḿî dèò mè dè d́ŏ thĭ bu nu dòkhò̆.

¹³ Barasă wè dèb́u ḿî domo lò acab́ô̆ aò hwela d́ŏ Cè Tcahtĭ abu nu, “Ju b́u akhoacè̆, jî jî̄b́èhtakò̆.” Wa ḿî ḿî wu b́u akhoacè̆ wî jî̄b́èhtakò̆.

¹⁴ Wî thîhè̆ htè ab́awè̄htoge B́ĭcè Jezŭ dèbwè nu ka b́awè̄htogekò̆ wa ploplo kî Jezŭ, kî Cè kè b́è̆lă thò̆gròkò̆ thĭ kî wa d́ŏ wè klè̆ nu.

¹⁵ Tcabò̄, dè ajo ḿî lŏ thĭ nikhĭ lò, b́ĕ Kib́ĭcè ahluată le pulacò̆hta dohtî bija òèhta òèhta nu, Dèthîhè̆htage Zu hlu Za tă kò òèhta òèhtakò̆ d́ŏ Kib́ĭcè adòathe abu nu.

Òthôḿô̆i Dèb́u

¹⁶ Mègōnu d́ŏ wa dòkhò̆b́è dèthoscilathazela tò ò dimĭ ńò, ḿîwe neb́î̆cè tôklô̆ jo gō thŏ gī i nòthò̆ hnò̆nu, wô ôlāthabu ḿî ab́è mèthè̆htage dini hwă dini lò.

¹⁷ Hmahŏ, dèba gò̄ phlòtôlô tèpwè, kî zî ḿî aphĭthajă lò, athèihŭ wa agī b́i gā zāhtagloi dèdòdèthe alahtŭlablo, alīdobwîthè̆ d́olĭ kî dè gŏmihtĭda nu.

¹⁸ Mègōnu wa ta tcagè dè ka tcahtî za nu dimĭ ńò, ḿî dè d́ŏ gā ta tcahtî za ńò tòcò lò. Manè̄ d́ō, dè ka tcahtî tòcò nu ḿî tod́odasa lò, kî ka ta tcahtî za ńò tòcò ḿî alahtŭlablo akhoacè̆ nu.

« Vorige

Bible Society of Myanmar

Volg ons:

Geborgde skakels

Advertensies