Thaburi 1 - Kĩrĩkanĩro Gĩa Gĩkũyũ

GĨKUNDI KĨA MBERE ( Thab 1–41 ) Njĩra ya Gĩkeno kĩa ma

¹ Kũraathimwo-rĩ, nĩ mũndũ ũrĩa ũtarũmagĩrĩra mataaro ma andũ arĩa ooru, na ũtageragĩra njĩra cia eehia, kana akagwatanĩra na andũ arĩa matatĩĩĩte Ngai.

² We-rĩ, gĩkeno gĩake nĩgwathĩkĩra watho wa MWATHANI, na nĩawĩciiragia mũthenya o na ũtukũ.

³ Ahaana ta mũtĩ ũrĩa ũhandĩĩtwo ndeereinĩ cia rũũĩ, ũrĩa ũciaraga maciaro maaguo mahinda maaguo makinya, namo mathangũ maaguo matihoohaga. Nĩagaacagĩra ũndũinĩ o wothe ũrĩa eekaga.

⁴ No arĩa ooru matihaana ta ũguo o na haniini; mahaana ta mahuti marĩa moombũragwo nĩ rũhuuho.

⁵ Tondũ ũcio, andũ arĩa ooru, nĩmagaatuĩrwo nĩ Ngai, na nĩmakaamũranio na andũ arĩa marĩ a Ngai kĩũmbe.

⁶ Nĩ gũkorwo MWATHANI nĩ we ũtongoragia arĩa athingu o na akamamenyagĩrĩra, no arĩa ooru marĩ njĩrainĩ ya kũũra.