ዓይኑሞ ማፃኣፖ 1 - ጌኤዦ ማፃኣፖ

ቤርታሳ ፓቂፆ (ዓይኑሞ ማፃኣፖ ዓይ. 1—41) ኮሺ ዓሲና ፑርታ ዓሲናኮ ናንጊ

¹ ፑርቶ ዓሶ ዞሮ ዋይዙዋኣሢ ጎሞ ዓሳ ሃንታ ጎይፆ ሃንቱዋኣሢ ፆኦሲ ባኮ ቦሃ ዓሶና ፔቴ ማዒባኣሢ ዓንጂንቴያኬ።

² ዬያ ጉዴ ዓሢ ናንጊና ናንጋ ጎዳኮ ዎጎና ዎዛዻኔ፤ ዬያ ዎጎዋ ዋንቶና ሮኦሮና ፔ ዒኖና ማላኔ።

³ ዒዚ፦ ዎዶና ዎዶና ዓኣፒ ዓኣፓያ ዒላዣኣ ዲኢኑዋያ ዓልቃ ዋኣሢ ዓሽካ ቱኪንቴ ሚሢጉዲ ማዓኔ፤ ዒዚ ማዻ ባካኣ ቢያ ዒዛም ጊኢጋኔ።

⁴ ፑርቶ ማዻ ዓሳ ጋዓንቴ ያዺቱዋሴ፤ ዢባሬ ፒፂ ዔኪ ዓኣዻ ዲልባጉዲኬ።

⁵ ዬያሮ ፑርቶ ማዻ ዓሳ ፆኦሲ ዎጎ ዎጋ ኬሎና ቶላዓኬ፤ ጎሞ ዓሳኣ ፂሎ ዓሶ ባኣካ ጴዻዓኬ።

⁶ ፂሎ ዓሳ ሃንታ ጎይፆ ናንጊና ናንጋ ጎዳ ዔራኔ፤ ፑርቶ ማዻ ዓሶ ጎይፃ ጋዓንቴ ባይሲንታ ባንሢ ዔኪ ዓኣዻያኬ።