GIMA 1 - Kalata Ko SƆ̧ DC

KUTI KALATA (Zɔk Gima 1—41 ) Kpasa desee

¹ Wi nɛ̀ kpe zer tɛ tɔ̧ɔ̧ mbɔrɔ ko o wi-ɗaŋ nɛ kɔ‘i nɔ̀ nɛ̀ desee. Wi’ɛi yor gba-war ko o wi-de-ɗaŋmɔ na; a̧ duk nù kpɔk in o wi-zɛkɛɗi Sɔ̧ na.

² Desee kɔ̧-a̧ kànà nɛ́ kasa heembea ko GASA WAN, kii nɛ gba̧a̧-a̧ zɛ nɛ wese.

³ Wi’ɛi hɔɔ ŋmaa in ŋma te nɛ wa guna ká̧ yì nɛ̀ wai tɛ ŋgimbi-a, nɛ̀ wa̧a̧-a̧ kor na. Mɔ n'aa de lɛŋ hɔ gba̧a̧ hɔɔ.

⁴ Ko wi-ɗaŋ bo hegɔ na kòò tikiɗi. A̧ duk hee pumyulu sunu nɛ̀ búk pɛsi dam fara lɛŋ'ɛ ga.

⁵ Wese-gɔna-kita, wen ko o wi-ɗaŋ beka yor na, o wi-de-ɗaŋmɔ beka ya mgbara o wi-de-mɔ nɛ yuwar-a na mbɛt,

⁶ wen GASA WAN iŋa yuwar deemɔ ko wi-de-mɔ nɛ yuwar-a, ɓɛɛ war deemɔ ko o wi-ɗaŋ nɛ́ yɔɔ-war.