२ यहुनाल 1 - Muria Far Western

अभिवादन

¹ अनि मावागा मन्ता अनि मावागा दरोज मन्ता खरोयिता द्वारा नना वरोरे आयो मति ओद खरोयतुन मया किन्तोर,

² अनि ओद खरोयतुन पुन्तोर सबोय लोकुरकुन अनि खरोयते मया किन्ता आदरनिय हेलाळ अनि अदेना बालकनुंग नना युहन्नाल पोरोयतोर मिया मुक्याल इद पत्र कोटान्तोना।

³ अनि बाबो परमेस्वर अनि बाबोनोर मरि येसुनिकेडाल माया, दया अनि शान्ति मावा संग मयाते अनि खरोयते मनिर।

निमाट खरोयते अनि मयाते मन्ट

⁴ मिया बालकिन बाबोनिकेडाल पुटता आग्या अनुसार खरोयता हरिते ताकिन्तोरक, अदेन हुळसुन नना पकाय गिरदा आतान।

⁵ अनि इदेक, हे हेलाळ, माक वरोर दुसरोना संग मया किम्ट इन्जोर बोदायि पुनाल आग्या लेहका आयो मति पहलेटाले मावा हेरे मता ओदे आग्यातुन नना मिकुन कोटस विनन्ति किन्तोना।

⁶ अनि माक येसुना आग्याते ताकानाय मया आन्दु अनि इदे आग्याता पालन कियाना साटि निमाट पहलेटाले केन्जतोरिट।

⁷ बाक्याकि इदाम दोखा केवाल मानेय पकाय इद दरतितिगा पसियतोरक। ओर येसु मसि मानेय आस वातोर इन्जोर मानेमायोर। दोखा केवाल अनि येसुना विरोद केवाल इदाम लोकुरक मन्तोरक।

⁸ अनि माक बाताल साटि बुतो कितोम अदेना सबोय प्रतिफळ पुटान साटि आपुना बारेते हुशार मन्ट

⁹ अनि बोरायि मसिना बारेते माक करिहता खरोय उपदेश तासिस हनवालोर लोकुरकुन परमेस्वर हिले। बोरायि मसिना बारेता मावा करिहनातिगा स्थिर मन्तोर ओनासंग बाबो अनि मरि वने मन्तोर।

¹⁰ अनि बोरायि येसुना बारेते माक करिहता खरोयतुन विस्वास केवोर अनि ओर मिया हेरे वायिर ते ओन लोतिगा स्विकार केमा अनि ओन नमस्कार वने केमा।

¹¹ बाक्याकि बोरायि इदाम मानेयतुन नमस्कार किन्तोर ते ओर ओना खराब बुतोतिगा संगवारि आन्तोर।

आकरि अभिवादन

¹² नाकुन पकाय पोल्लोंग निकुन कोटाना मन्ता मति पत्रते कोटोन। मति मिया गिरदा पुरा आयान साटि नना मिया हेरे वायका अनि टोडि मुने वळकिका इन्जोर आशा मन्ता।

¹³ अनि परमेस्वर आचतोर इगा मन्तोरक मियासंगे विस्वास केवालोरक वने मिकुन नमस्कार किन्तोरक।