NA SAME 4 - AI VOLA TABU

A masu vua na Kalou, 1. Era sa vunauci na tamata ca, 2-5. Sa kalougata ko koya sa lomana ko Jiova, 6-8.

Vua na Domo-ni-meke e na Nikinoca. A Meke i Tevita.

¹ ROGOCI au niʼu sa tagi, na Kalou ni noqu veivakadonui: o a vakalalagataki au niʼu a vakaosoosoi; mo yalololoma mai vei au talega, ka rogoca na noqu masu.

² Oi kemudou na luve ni tamata, e bosei; vica vata me ka ni veivakamaduataki na noqui ukuuku? e bogi vica vata dou na lomana tiko na ka walega, ka vakasaqara na lasulasu? Sela.

³ Ia mo dou kila ni sa digitaka na tamata yalovinaka ko Jiova me nona: ena vakarogoca ko Jiova niʼu sa tagi vua.

⁴ Dou rere ga, kakua ni valavala ca: veivosaki kei na yalomudou e na nomudoui mocemoce, ka tiko lo. Sela.

⁵ Dou vakacabora nai soro e dodonu, ka vakararavi ga vei Jiova.

⁶ Era lewe vuqa era sa kaya, O cei ena vakaraitaka vei keda na ka vinaka? —Jiova, laveta cake vei keitou nai serau ni matamu.

⁷ O sa solia ki na yaloqu na marau sa uasivi cake e na nodra e na gauna, sa tubu levu kina na nodra sila kei na nodra waini.

⁸ Au na davo no e na vakacegu, ka moce talega; ni sai iko duaduaga, Jiova, sa vakatikori au meʼu tiko vinaka.