Jope 29 - AI VOLA TABU

Sa vakananuma ko Jope na nona tiko vakacegu, kei na nona dokai eliu.

¹ A SA kitaka tale na nona vosa vakaibalebale ko Jope, ka kaya,

² Meʼu vaka mada e na veivula eliu, me vaka e na gauna sa vakatawai au kina na Kalou;

³ ni sa cilava na uluqu na nona cina, niʼu a lako e na butobuto e na nona rarama;

⁴ meʼu vaka e na gauna kaʼu a cauravou kina, ni sa tiko e na noqu vale na bose vuni ni Kalou;

⁵ ni sa tiko ga kei au ko Koya sa Kaukauwa, ka ratou sa voliti au na luvequ;

⁶ niʼu a vuya na noqui lakolako e na uro ni wai-ni-sucu, a sa sova mai na uciwai waiwai na vatu!

⁷ Niʼu a lako yani e loma ni koro ki na matamata-ni-koro, niʼu a vakarautaka na noqui tikotiko e na sala e loma ni koro:

⁸ era sa raici au na cauravou, ka vunitaki ira: a ra sa tu cake na qase, ka wavutu.

⁹ Era sa cegu ni vosa na turaga, era tabonaka na gusudra e na ligadra.

¹⁰ Sa ra tiko lo na turaga, a sa kabita na dela ni, gusudra na yame dra.

¹¹ Ni sa rogoci au ko na daliga, sa qai vosavakalougatataki au; ia ni sa raici au ko na mata, sa qai tukuni au:

¹² e na vuku niʼu a vakabula na kaisi ni sa tagi, kei na luveniyali, kei koya sa sega e dua me vukei koya.

¹³ Sa yacovi au na vosaveivakalougatataki i koya sa kolai rusa: ia kaʼu a vakamarautaka na yalona na alewa dawai.

¹⁴ Au a vakasuluma na yalododonu, a sa noqui sulu voli: ia na noqu lewa dodonu sa vaka nai sulu levu, kei nai sala vakaturaga.

¹⁵ Au a matadra na mataboko, ka yavadra na lokiloki.

¹⁶ Au a tamadra na dravudravua; ia na ka e veiletitaki kaʼu a tawa kila, kaʼu a tarotaroga.

¹⁷ Kaʼu a vorolaka na galegaledra na tawa dodonu, ka kaliraka mai na batidra na ka era kauta tani vakaukauwa.

¹⁸ Au a qai kaya, Au na mate e na noqu su, ia kaʼu na vakavuqataka na noqu siga me tautauvata kei na nuku.

¹⁹ Sa teteva na wai na wakaqu, a sa tiko na tegu e na tabaqu e na bogi.

²⁰ Sa vou tikoga na noqui ukuuku, a sa vakaukauwataki tu e ligaqu na noqu dakai.

²¹ Sa vakarorogo vei au ko ira na tamata, ka wawa, ka tiko lo niʼu a ia nai vakavuvuli.

²² Niʼu a vosa oti era sega ni vosa tale; a sa tauci ira na noqu vosa.

²³ A ra sa waraki au me vaka ki na uca; a ra sa dalaga sara na gusudra me vaka ki na uca sa tau emuri.

²⁴ Niʼu a dredre vei ira, era sa sega ni vakadinata; a ra sa sega ni kitaki au meʼu vakaveveku mata.

²⁵ Au a digitaka na nodra sala, ka tiko me turaga, ka tiko me vaka na tui e na mataivalu, me vaka e dua sa vakacegui ira era tagi.