Jope 25 - AI VOLA TABU

Sa vaka ko Pilitati ni sa tawa dodonu rawa na tamata e na mata ni Kalou.

¹ SA qai vosa ko Pilitati na luve i Sua, ka kaya,

² A lewa kei na ka rerevaki sa tiko kei Koya: sa vakayacora tiko na sautu e nona vanua cecere.

³ Sa wiliki rawa li na nona mataivalu? ia ko cei sa tawa cadra kina na nona rarama?

⁴ Ena qai dodonu rawa vakaevei na tamata vua na Kalou? ka savasava rawa vakaevei ko koya sa sucu mai vua na alewa?

⁵ Raica ki na vula, a sa sega ni weweli mai; ia na kalokalo sa sega ni savasava e matana.

⁶ Sa na qai vakaevei na tamata, na baca? kei na luve ni tamata, na uloulo?