Aisea 64 - AI VOLA TABU

Sa ia tiko na Mesaia na nona masulaki ira na nonai vavakoso lewe ni soro, 1-12.

¹ MO dresulaka mada na mata-ni-lagi, ka lako sobu mai, me dave sobu mai na matamu na veiulu-ni-vanua,

² me vaka na buka sa tutuvaka na kau vuca, ka vaka na buka sa vakerea na wai, —me vakatakila kina na yacamu vei ira na nomu meca; era na sautaninini mai na matamu na veimatanitu:

³ mo sa cakava kina na ka rerevaki keimami sa tawa namaka, mo lako sobu mai, me dave sobu mai na matamu na veiulu-ni-vanua.

⁴ Ia mai nai vakatekivu era sa sega ni rogoca, sa sega ni rogo ki daligadra, sa sega na mata sa kunea e dua na Kalou, o iko duaduaga, me cakacaka e na vuku i koya sa waraki koya.

⁵ Drau sa veitorovi kaya sa marau ni caka dodonu; ni ra tu e na nomu sala, era na vakananumi iko; raica, ko sa cudru, ni keimami sai valavala ca; o na sala o qori sa tu na bula tawa mudu, ia ena vakabulai ga koi keimami.

⁶ A sa vaka na ka tawa savasava koi keimami kecega; a sa vaka nai sulu qeleqelea na neimami valavala dodonu kecega; a sa daumalai me vaka na drau ni kau koi keimami kecega; ia na neimami caka cala sa vaka na cagi sa kauti keimami tani:

⁷ a sa sega e dua sa masuta na yacamu, se vakayavalati koya me tauri iko: ni ko sa tabonaka na matamu maivei keimami, ka sa vakawaicalataki keimami e na neimami valavala ca.

⁸ Ia o qo, Jiova, na tamai keimami ko iko; oi keimami na tete, ia ko iko na keimami dautulituli; ia na cakacaka ni ligamu koi keimami kecega:

⁹ kakua ni ko cudru vakalevu, Jiova, ia me kakua ni tawa mudu na nomu nanuma na neimami caka cala: mo raica, kila mada, ni sa nomu tamata koi keimami kecega:

¹⁰ a nomu veikoro tabu, sa lekutu; o Saioni, sa veikau; o Jerusalemi, sa lala;

¹¹ a neimami vale tabu ka vakaiukuuku, sa ra dauia kina na vakavinavinaka vei iko ko ira na tamai keimami, sa kama e na buka; ia na neimami ka daudomoni kecega sa vakarusai:

¹² o na vosota tiko, Jiova, e na vuku ni ka o qo? o na galu tiko beka, ka vakararawataki keimami vakalevu sara?