Matthew 1 - New Testament-et Akuzipigestun

Sivunghi Jesus Christ‑am

¹ Ukunguut nengllugutet, sivunghi Jesus Christ‑am. Tagikaaguq David‑em nengllugutanganeng. David Abraham‑enkuneng pinguuq.

² Abraham atakaa Isaac‑em, Isaac atakaa Jacob‑em, Jacob atakaat Judah‑nkut anglegutkullghiit,

³ Judah atakaak Perez‑enkuk, Zerah‑nkuk (Naangak Tamar), Perez atakaa Hezron‑em, Hezron atakaa Ram‑em,

⁴ Ram atakaa Amminadab‑em, Amminadab atakaa Nahshon‑em, Nahshon atakaa Salmon‑em,

⁵ Salmon atakaa Boaz‑em, (Boaz‑em naakaa Rahab). Boaz atakaa Obed‑em, (Obed‑em naakaa Ruth), Obed atakaa Jesse‑m,

⁶ Jesse atakaa Umiilgem David‑em. David atakaa Solomon‑em. (Solomon‑em naakaa Uriah‑m nulighqesaqanga.)

⁷ Solomon atakaa Rehoboam‑em, Rehoboam atakaa Abijah‑m, Abijah atakaa Asa‑m,

⁸ Asa atakaa Jehoshaphat‑em, Jehoshaphat atakaa Joram‑em, Joram atakaa Uzziah‑m.

⁹ Uzziah atakaa Jotham‑em, Jotham atakaa Ahaz‑em, Ahaz atakaa Hezekiah‑m,

¹⁰ Hezekiah atakaa Manasseh‑m, Manasseh atakaa Amos‑em, Amos atakaa Josiah‑m.

¹¹ Josiah atakaat, Jechoniah‑nkut anglegutkullghhiit allgeqaagut tamaani Jews‑et tuguluki aglaataqngatki Babylon‑mun.

¹² Kingunganeng aglaatellghita Babylon‑mun, Jechoniah atakaa Shealtiel‑em, Shealtiel atakaa Zerubbabel‑em,

¹³ Zerubbabel atakaa Abiud‑em, Abiud atakaa Eliakim‑em, Eliakim atakaa Azor‑em,

¹⁴ Azor atakaa Zadok‑em, Zadok atakaa Achim‑em, Achim atakaa Eliud‑em,

¹⁵ Eliud atakaa Eleazar‑em, Eleazar atakaa Matthan‑em, Matthan atakaa Jacob‑em,

¹⁶ Jacob atakaa Joseph‑em. Joseph ugiikaa Mary‑m. Mary naakaa Jesus‑em. Jesus Messiah‑nguuq.

¹⁷ Sivunghi Jesus Christ‑am whatetut: 14‑ngukaagut kingunqullghiit Abraham‑emeng David‑mun. 14‑ngukaagutlu kingunqullghiit David‑meng kenlanga Jews‑et tuguluki aglaatellghitnun Babylon‑mun. Taagken Babylon‑mun aglaatellghitneng 14‑ngukaagutlu kingunqullghiit kenlanga Christ‑am allgellghanun.

Allgellgha Jesus Christ‑am

¹⁸ Jesus Christ‑a allgeqaaguq whaten: naanga Mary aangꞌghutngwaaqaq Joseph‑mun, iwernga nengughutellghillukek Agleghnalghiim Taghnegham qumingestekaa.

¹⁹ Ugikaghqaan Joseph‑em kenqigneghutmineng kayngusaakneghmeng Mary piluku, aksaqluku peggnaqegkaa.

²⁰ Sumeghtaghaatkumaluku tawaten pilleghqani, Atanghem yaqulgan aliighvikluku qavangukun pikaa, “Joseph, David‑em kingungha, alingegpenang nulighqigu Mary qayughllak Agleghnalghiim Taghnegham aqsangestekaqaa.

²¹ Ighnengnaqnguuq; atighnaken Jesus‑meng qayughllak ellmi yuni yuguliyaghqaqii seghleghqellghitneng.”

²² Qamaglluni tawaten aneghtekaaguq apeghiighnaluku Atanghem akuzitkegkaa uuknaliqistekun whaten,

²³ “Aghnaghaq yugem atuqellghilkanga qumingluni, ighnengellequq. Aatqesaghqaqaa Emmanuel” whaten pisiq, “Kiyaghneq whangkunnilnguq.”

²⁴ Enkaam Joseph taghtughluni Atanghem yaqulgan pisqellghatun pikaq. Mary nulighqegkaa,

²⁵ iwernga atuqumangilkanga kenlanga ighnengellghanun. Taagken Joseph‑em Jesus‑meng atiqaa.