प्रकाशितवाक्य 1 - डोगरी नवां नियमपन्छांन 1 यीशु मसीह गी परमेसर ने दसे दा प्रकाशितवाक्य, जेड़ा परमेसर ने एस लेई दिता के अपने दासें गी ओ गल्लां, जिंदा जल्दी ओना जरुरी ऐ दस्सै ते ओस्स ने अपने सोर्गदूत गी पेजीयै ओदे थमां अपने दास यूहन्ना गी सुनाया, 2 यूहन्ना ने ओ सारा केश लिखया जेड़ा ओसने दिखया, मतलब ओ वचन जेड़ा परमेसर थमां आया ते ओ सारा केश जेड़ा यीशु मसीह ने आखया हा। 3 परमेसर उनै सारें गीं अशीर्वाद देग जेड़ा एस पविख्वानी गीं थुआड़े लेई पढ़िऐ सनांदे न, ते ओ उनै सारे गीं शीर्वाद देग जेड़ा इसी सुनदे न ते मन्नदे न। किके ए चीजां तोल्लेंगें ओंगन। सत्तें कलीसियें गी यूहन्ना दा नमश्कार 4 मैं, यूहन्ना, ए तुसेंगी सत कलीसिया ते च विश्वासियें दे लिये लिखनां हां जेड़ा आसिया लाकें च रोंदे ए। मैं प्रार्थना करना हां के तुसेंगी परमेसर थमां क्रपा ते शान्ति मिलदी रवै। ओ परमेसर ए जेड़ा वक्त दी शुरुआत चां लेयिये अज्जे तकर ते मेशा दे लेई नी बदलदा ए; ते ओनें सत आत्मा थमां जेकीयां परमेसर दे सियासन दे कोल। 5 ते यीशु मसीह थमां जेहड़ा बश्वास जुगा साक्षी ते मरें बिचा जिंदा ओनें आला पहिलोठा ते तरती दे राजां दा कीम ऐ, तुसें क्रपा ते शान्ति मिलदी रवै। ओ साड़े कन्ने प्यार रखदा ऐ, ते उस्स ने अपने खून दे रहें असैं पापें थमां छुड़ाया ऐ, 6 ते असैं एक राज ते अपने पिता परमेसर आसतै याजक बी बनाई दित्ता; उस्स दी गै मैमा ते पराक्रम जूगे जूगे ओंदी रवै। आमीन। 7 दिखो, ओ बदलें कन्ने ओनें आला ऐ, ते अर एक उसी दिखग, ओदे मौत दे लेई जिम्मेदार लोक बी उसी अन्दे ओई दिख्गन। तरती च सारे लोक बड़ी बाज दे कन्ने रोनगें जदूं ओ उसी दिखन्गें। आमीन। 8 सर्वशक्तिमान परमेसर आखदे न, “मैं अल्फा ते ओमेगा हां, मतलब, शुरुआत ते आखर हां। मैं ओ हां जेड़ा ए, जेड़ा मेशा हां, ते जेड़ा अजें आनेआला ए।” मसीह दा दर्शन 9 आऊँ यूहन्ना, मैं मसीह दे लेई ते परमेसर दे राज दे दोख दे लेई तुन्दा साथी हां ते उनै लोकें दे लेई दलेरी कन्ने सबर कन्ने कम लेनदा हां जेड़े उन्दे कन्ने रिश्ता रखदे न। मिग्गी पतमोस द्वीप दे लेई पेजा गीया हा, किके मैं परमेसर दे वचन दा प्रचार कित्ता ते यीशु दे सन्देश गीं दसने दे खातर। 10 आऊँ प्रभु दे धयारे आत्मा च आई गीया, ते अपने पिछें तुरी दी बड़ी बाज ए आखदे सुनया, 11 “जे किश तू दिखना ऐ उसी कताब च लिखीयै सत्तें कलीसिया दे कोल पेजी दे, मतलब इफिसुस, ते स्मुरना, ते पिरगमुन, ते थुआतीरा, ते सरदीस, ते फिलदिलफिया, ते लौदीकिया गी।” 12 ओस बेलै आऊँ उसै, जेहड़ा मेरे कन्ने बोला दा हा, दिखने आसतै अपना मुंह मोड़ेया; ते पिछें मुड़ीयै आऊँ सुन्ने दियां सत दीवटा दिखियां, 13 ते ओनें दिवटें बेच मनुक्ख दे पुत्तर जेया एक मनुक्ख गी दिखया, जेहड़ा पैरें तकर कपड़ा लाए दे, ते छाती उपर सोने दा कब्ज बन्ने दा हा। 14 ओदे सर ते बाल सफेद ऊन बरना बर्फ जे उज्ज्वल हे, ते उस्स दियां अखीयाँ अग्ग दी ज्वाला जेई हियां। 15 ओदे पैर शैल पीतल जे हे जेड़े समझो पठ्ठी च तपाए दा ऐ, ते उस्स दा शब्द बड़े पानी दे शब्द जेया हा। 16 ओ अपने सज्जे हत्थ च सत तारे लेते दा हा, ते ओदे मुंह थमां तेज दोधारी तलवार निकलदी हे। उस्स दा मुंह ऐसा प्रज्वलित हा, जियां सूरज कड़ाके दी तूप च चमकदा ऐ। 17 जेस ले आऊँ उसी दिखया ते ओदे पैरें उपर मुड़दा जेया किरी पेया। उस्स ने मेरे उपर अपना सज्जा हत्थ रखियै आखया, “मत डर; आऊँ पैला ते आखर ते जिंदा ऐं; 18 आऊँ मरी गेदा हा, ते दिख आऊँ जूगे जूगे जिंदा ऐं; ते मौत ते नरक दी चाबियां मेरे गै कोल ऐ। 19 इसै आसतै जेकीयां गल्लां तो दिखियां न ते जेकीयां गल्लां ओया करदीयां ते जेकीयां गल्लां एस थमां बाद ओनें आलियां न, ओनें सारें गी लिखी लै।” 20 मतलब ओनें सत तारें दा पेद जिनैं तो मेरे सज्जे हत्थे च दिखया हा, ते ओनें सत सोनें दी दिवटें दा पेद; ओ सत तारे सत कलीसिया दे दूत न, ते ओ सत दीवट सत कलीसिया न। |
This work is licensed under Creative Commons Attribution-ShareAlike 4.0 License.