Nugana 36 - Buki Tabu Lowaenei 1919

‘UPWA 36.

¹ Ta getedi Esau (tauna Edoma) natunao ‘idi ‘ebetubua.

² Esau me Kanania natunao mewainedi ‘ediega mwanenao i ‘au‘ewedi; Ada Elona goma Eta natuna, ta Oolibama Anai natuna, tauna Anai Sibeona goma Ibite natuna;

³ ta Basemata Isimaela natuna me wainena, Nebaiota nuuna.

⁴ Ta Ada Elipasa ‘i enatunena Esau ‘enaia; ta Basemata Reuela ‘i enatunena;

⁵ ta Oolibama Ieusa ta, Ialama ta, Kora ta ‘i enatunedi: getedi Esau natunao me‘olotodi, taudi ‘ena si tubua ‘asa Kanania ‘enaia.

⁶ Ta Esau mwanenao i ‘au‘ewedi, natunao me‘olotodi ta, natunao mewainedi ta, ‘ina anua ‘ana tomianao iauiaudi ta, ina bulomakau ta, ‘ina iobai iauiaudi ta, ‘ina gwegwe iauiauna ta, taudi ‘asa Kanania ‘ena ‘i egogonedi; ta mari ‘asa ‘e bweu ‘ena ‘i tauia tasina Iakobo nigea serabenaia.

⁷ ‘Idi gwegwe ‘i sinabwa wawasae nigea kapekapeana be si da miarua ta ‘enega; ta ‘asa ‘ena si tautauia nigea sawesawedia ‘idi bulomakau manudi.

⁸ Ta Esau ‘oea Seira ‘ena ‘i miami: Esau tauna Edoma.

⁹ Ta getedi Esau me Edoma tamadi natunao ‘idi ‘ebetubua ‘oea Seira ‘enaia:

¹⁰ getedi Esau natunao me‘olotodi ‘adi esanao; Elipasa Ada Esau mwanena natuna, Reuela Basemata Esau mwanena natuna.

¹¹ Ta Elipasa natunao me‘olotodi Temana, Omara, Sepo, Gatama ta, Kenasa ta.

¹² Ta Timanai tauna Elipasa Esau natuna mwanena ‘eia‘eiabarana; ta Ameleka ‘i enatunena Elipasa ‘enaia: getedi Ada Esau mwanena natunao.

¹³ Ta getedi Reuela natunao me‘olotodi; Naata, Sera ta, Siama, Misai ta: getedi Basemata Esau mwanena natunao.

¹⁴ Ta getedi Oolibama Anai natuna mewainena Esau mwanena natunao me‘olotodi tauna Anai Sibeona natuna: ta Ieusa ta, Ialama ta, Kora ta ‘i enatunedi Esau ‘enaia.

¹⁵ Getedi Esau natunao me‘olotodi ‘idi ‘inapwanao: Elipasa Esau ‘ina tomatua natnnao me‘olotodi; ‘inapwana Temana, ‘inapwana Omara, ‘inapwana Sepo, ‘inapwana Kenasa,

¹⁶ ‘inapwana Kora, ‘inapwana Gatama, ‘inapwana Ameleka: getedi ‘inapwanao Elipasa ‘enega si apwesa ‘asa Edoma ‘enaia; getedi Ada natunao.

¹⁷ Ta getedi Esau natuna Reuela natunao me‘olotodi; ‘inapwana Naata, ‘inapwana Sera, ‘inapwana Siama, ‘inapwana Misai: getedi ‘inapwanao si apwesama Reuela ‘enega ‘asa Edoma ‘enaia; getedi Basemata Esau mwanena natunao me‘olotodi.

¹⁸ Ta getedi Oolibama Esau mwanena natunao me‘olotodi; ‘inapwana Ieusa, ‘inapwana Ialama, ‘inapwana Kora: getedi ‘inapwanao Oolibama Anai natuna, Esau mwanena ‘enega si apwesama.

¹⁹ Getedi Esau natunao me‘olotodi, ta getedi ‘idi ‘inapwanao: tauna Edoma.

²⁰ Getedi Seira goma Ori natunao me‘olotodi, ‘asa ‘ina tomianao; Lotana ta, Sobala ta, Sibeona ta, Anai ta,

²¹ Disona ta, Esera ta, Disana ta: getedi ‘inapwanao me Ori ‘ediega si apwesama, Seira natunao ‘asa Edoma ‘enaia.

²² Ta Lotana natunao Ori ta Emama; ta Lotana nuuna Timana.

²³ Ta getedi Sobala natunao; Alibana ta, Manaata ta, Ebala ta, Sepo ta, Onama ta.

²⁴ Ta getedi Sibeona natunao; Aia ta Anai: gete Anai nina wewerupwa iaiiaina ‘i lobedi mitawaia, tamana Sibeona ‘ina aseao ‘i e‘enidi ‘enega.

²⁵ Ta getedi Anai natunao; Disona ta Oolibama Anai natuna me wainena.

²⁶ Ta getedi Disona natunao; Emadana ta, Esibana ta, Itarana ta, Kerana ta.

²⁷ Getedi Esera natunao; Bilana ta, Saabana ta, Akana ta.

²⁸ Getedi Disana natunao; Usa ta Arana.

²⁹ Getedi ‘inapwanao me Ori ‘ediega si apwesama; ‘inapwana Lotana, ‘inapwana Sobala, ‘inapwana Sibeona, ‘inapwana Anai,

³⁰ ‘inapwana Disona, ‘inapwana Esera, ‘inapwana Disana: getedi ‘inapwanao me Ori ‘ediega si apwesama, na‘ieana ‘idi ‘inapwanao ‘asa Seira ‘enaia.

³¹ Ta getedi kiniao si loina ‘asa Edoma ‘enaia, ‘ena nigea ‘e bweu king Iseraela natunao ‘i loinedi.

³² Ta Bela Beora natuna Edoma ‘ena ‘i loina; ta ‘ina ‘asa ‘ana esana Dinaba.

³³ Ta Bela ‘i mwawasa, ta Iobaba Sera goma Bosira natuna ‘i loina ‘ana lopa‘eru.

³⁴ Ta Iobaba ‘i mwawasa, ta Usama me Temana ‘idi ‘asa ‘enega ‘i loina ‘ana lopa‘eru.

³⁵ Ta Usama ‘i mwawasa, ta Adada Bedada natuna ‘i loina ‘ana lopa‘eru, tauna Bedada Midiana ‘i ununa Moaba mitawina ‘enaia: ta ‘ina ‘asa ‘ana esana Abita.

³⁶ Ta Adada ‘i mwawasa, ta Samila goma Masareka ‘i loina ‘ana lopa‘eru.

³⁷ Ta Samila ‘i mwawasa, ta Siaula goma Reobota Boasi‘awana deinaia ‘i loina ‘ana lopa‘eru.

³⁸ Ta Siaula ‘i mwawasa, ta Baalanana Akabora natuna ‘i loina ‘ana lopa‘eru.

³⁹ Ta Baalanana Akabora natuna ‘i mwawasa, ta Adara ‘i loina ‘ana lopa‘eru: ta ‘ina ‘asa ‘ana esana Pau; ta mwanena ‘ana esana Meetabela, Matareda natuna, tauna Mesaaba natuna.

⁴⁰ Ta getedi ‘inapwanao Esau ‘enega si apweapwesama ‘adi esanao, nadigega ‘idi susu, ‘idi esena nadigega, ‘adi esana ‘ediega; ‘inapwana Timina, ‘inapwana Aliba, ‘inapwana Ieteta;

⁴¹ ‘inapwana Oolibama, ‘inapwana Ela, ‘inapwana Pinona;

⁴² ‘inapwana Kenasa, ‘inapwana Temana, ‘inapwana Mibasara;

⁴³ ‘inapwana Magadiela, ‘inapwana Irama: getedi Edoma ‘ana inapwanao, nadigega ‘idi ‘ebemia ‘idi esena ‘ana ‘asa ‘enaia. Gete Esau me Edoma tamadi.