Nugana 12 - Buki Tabu Lowaenei 1919

‘UPWA 12.

¹ Ga Icoba Aberamo ‘ena ‘i gwae, ‘Imu ‘asa ‘u da pilisinena, ta ‘imu buunao ‘ediega, ta tamaio ‘ina susu ‘enega, ga ‘asa tauna ia da e‘itemu ‘enaia:

² ta ‘asa sinabwana ‘emuiega ia da bubuna, ta ia da onaobobomeio, ta ‘amu esana ia da bubuna be ‘i sinabwa; ta ‘oio ‘u da e ‘ebebobo‘ana:

³ ta taudi si onaobobomeio ia da onaobobomedi, ta tauna ‘i eliemu ia da eliena: ta ‘emuiega bare‘u ‘ina susu iauiauna si da eguausoara.

⁴ Ta ‘enega Aberamo ‘i tauia, na‘ieana Ieoba ‘ena ‘i gwaegwae; ta Lota ‘i tauia ma‘ieana: ta Aberamo tuta nina Aranega ‘i tauiawa ‘ana iakwara ‘e sebeniti paibe.

⁵ Ta Aberamo mwanena Sarai i ‘au‘ewai, tasina natuna Lota ta, ‘idi gwegwe iauiauna ni‘atu si egogonena ta, iaruiarua si ‘ewedi Arana ‘enega ta; ga si apwesa sabi tauia ‘asa Kanania ‘enaia; ta ‘asa Kanania ‘ena si mai.

⁶ Ta Aberamo ‘asa nina ‘i rubwarena esena Sekema ‘enaia, More ‘ina keigwana ‘enaia. Ta tuta gote me Kanania ‘asa nina ‘ena si miami.

⁷ Ta Ieoba ‘i apwesa Aberamo ‘ena, ta ‘i gwae, Tubumuao ‘edia ‘asa gete ia da ‘ebwaeae: ta nada ‘ebetaria i ‘abina Ieoba ‘ena, tauna ‘ena ‘i apweapwesa.

⁸ Ta gote ‘enega ‘i logara ‘oea ‘enaia Betela ga bomatu ‘ena, ta ‘ina anua i ‘abina, Betela ‘ebwaga ‘ena ‘i miami, ta Ai bomatu ‘ena: ta nada Ieoba ‘ena ‘ebetaria i ‘abina, ta Ieoba ‘ana esana i ‘inanena.

⁹ Ta Aberamo ‘i tautauia, Iarasi ‘ena ‘i tauia ‘ataia.

¹⁰ Ta ‘asa nina ‘i botana: ta Aberamo ‘i mwa‘uta Aigupito ‘ena be ‘ena ‘i da miami; ‘asa nina ‘i botana sinabwana ta ‘enega.

¹¹ Ta gete ‘i apwesa, ni‘atu ‘i mai be ‘i abe ‘i rugu Aigupito ‘enaia, ga mwanena Sarai ‘ena ‘i ona, U ‘ita gete, Ia mwaratoni ‘oio waine bobo‘ana ‘amu ‘ita:

¹² ta gete ‘i da apwesa, ni‘atu me Aigupito si da ‘itemu, ga si da gwae, Gete mwanena: ta si da loemawasigu, ta ‘oio si da ‘etoseeio maiawasio.

¹³ Ia sideio, ‘u da ona, ‘aene ‘oio nuugu: be ‘enega ‘i da bobo‘ana eguia manuio ta ‘enega iawasigu ‘i da bobo‘ana manuio.

¹⁴ Ta gete ‘i apwesa, tauna, ni‘atu Aberamo ‘i mai Aigupito ‘enaia, ga me Aigupito waine si ‘itena ‘i sinebwaina wawasae.

¹⁵ Ta Parao ‘ina ‘inapwanao si ‘itena, ta Parao ‘ena si tupuna: ta waine si ‘au‘ewena Parao ‘ina anuaia.

¹⁶ Ta Aberamo ‘ena ‘i guinua ‘ai‘aila manuna: ta ma‘ina sipi ta, bulomakau ta, ase me‘olotodi ta, toguinua me‘olotodi ta, toguinua mewainedi ta, ase mewaiendi ta, kameliao ta.

¹⁷ Ta Ieoba Parao ta ‘ina anua ‘ana tomianao ‘i unudi muia sinabwadi ‘ediega Sarai Aberamo mwanena manuna.

¹⁸ Ta Parao Aberamo ‘i bwauiena, ta ‘i gwae, To‘ase gete ‘eguia ‘u guinuena? to‘ase manuna nigea ‘u simana ‘eguia ‘aene mwaneio?

¹⁹ To‘ase manuna ‘u ona, Tauna nuugu? ta ‘enega ia ‘au‘ewena be ‘i da mwanegu: ta ‘enega gete tuga mwaneio ‘u da ‘ita, ‘u da ‘au‘ewa, ta ‘u da tauia.

²⁰ Ta Parao tai ‘i guguiedi manuna: ta ‘edega si ‘au‘ewena, mwanena ta, ‘ina iage iauiauna ta.