Nugana 10 - Buki Tabu Lowaenei 1919

‘UPWA 10.

¹ Gete Noa natunao ‘idi ‘ebetubua, Sema Ama ta Iapeta; ta natudiao me‘olotodi ‘edia si tubua murua murinaia.

² Iapeta natunao me‘olotodi; Gomera ta, Magoga ta, Madai ta, Iabana ta, Tubala ta, Meseka ta, Tirasa ta.

³ Ta Gomera natunao me‘olotodi; Asakenasa ta, Ripata ta, Togama ta,

⁴ Ta Iabana natunao me‘olotodi; Elisaa ta, Tasisa ta, Kitima ta, Dodanima ta,

⁵ Getedi ‘ediega ‘asa ‘adi le‘awao si wearidi ‘idi bwa‘a ‘ediega, ‘e bweuna ‘e bweuna meiana nadigega; ‘idi susu nadigega, ‘idi ‘asa ‘edia.

⁶ Ta Ama natunao me‘olotodi; Kusa ta, Misaraima ta, Puta ta, Kanania ta.

⁷ Ta Kusa natunao me‘olotodi; Seba ta, Abila ta, Sabataa ta, Raama ta, Sabateka ta: ta Raama natunao me‘olotodi; Seba ta, Dedana ta.

⁸ Ta Kusa natuna Nimeroda: ‘i enugana be ‘i toewaiwai bare‘uia.

⁹ Tauna to tore dididiga Ieoba matanaia: ‘enega si gwae, Nimeroda ‘atua to tore dididiga Ieoba matanaia.

¹⁰ Ta ‘ina ‘ebeloina ‘ana nugana Babela ta, Ereka ta, Akada ta, Kalanei ta, ‘asa Sinaa ‘enaia.

¹¹ ‘Asa gote ‘enega ‘i tauiawa Asiria ‘enaia, ta Ninebe ‘i taraunena, Reobota‐Ira ta, Kala ta,

¹² Resena Ninebe be Kala gamwagamwanidia ta, (tauna ‘asa sinabwana).

¹³ Ta Misaraima natunao Ludima ta, Anamima ta, Leabima ta, Napatuima ta,

¹⁴ Paterusima ta, Kasaluima ta (‘enega me Pilisitia si apwesa), Kapatorima ta.

¹⁵ Ta Kanania natunao Sidona ‘ina tomatua ta, Eta ta;

¹⁶ me Iebusi ta, me Amori ta, me Giragasa ta;

¹⁷ me Ibite ta, me Aka ta, me Sina ta;

¹⁸ me Abada ta, me Semara ta, me Amata ta: ta muriega me Kanania ‘idi susu si sawara dadana.

¹⁹ Ta me Kanania ‘ina tupi Sidona ‘enega, na‘ieana ‘u tauia Gerara ‘ena, ga Gasa ‘enaia; na‘ieana ‘u tauia Sodoma ta Gomora ta Adamaa ta Seboima ta ‘edia, ga Lasa ‘enaia.

²⁰ Getedi Ama natunao me‘olotodi, ‘idi susu nadigega, meiadi nadigega, ‘idi bwa‘a ‘edia, ‘idi ‘asa ‘edia.

²¹ Ta Sema ‘ena, Ebera natunao iauiaudi tamadi, Iapeta tasina mesinabwana, ‘ena wate gogama si tubua.

²² Sema natunao me‘olotodi; Elama ta, Asura ta, Apakasada ta, Luda ta, Arama ta.

²³ Ta Arama natunao me‘olotodi; Usa ta, Ula ta, Getera ta, Masa ta.

²⁴ Apakasada natuna Sela; ta Sela natuna Ebera.

²⁵ Ta Ebera ‘ena natunao me‘olotodi ‘e rua si tubua: ‘ana esana ‘e bweuna Pelega; ‘ana tuta ‘enega bare‘u ‘i wearina; ta tasina ‘ana esana Iokatana.

²⁶ Ta Iokatana natunao Amodada ta, Selepa ta, Asamabeta ta, Iera ta;

²⁷ Adorama ta, Usala ta, Dikala ta;

²⁸ Obala ta, Abimaela ta, Seba ta;

²⁹ Opira ta, Abila ta, Iobaba ta: iauiaudi getedi Iokatana natunao me‘olotodi.

³⁰ Ta ‘idi ‘ebemia Mesa ‘enega, na‘ieana ‘u tauia Separa ‘enaia, bomatu ‘oeana.

³¹ Getedi Sema natunao me‘olotodi, ‘idi susu nadigega, meiada nadigega, ‘idi bwa‘a ‘edia, ‘idi ‘asa ‘edia.

³² Getedi Noa natunao me‘olotodi ‘idi susu, ‘idi ‘ebetubua nadigega, ‘idi ‘asa ‘edia: ta getedi ‘ediega ‘asa si wearina bare‘uia murua murinaia.