ཀོ་ལོ་སཱ་པ། 1 - དོལ་པོ།

ལེའུ་དང་པོ། འཚམས་འདྲི།

^1-2 ཕོལ་ལོལ་​ང་​རང་ནི་​དཀོན་མཆོག་​གི་​ཐུགས་དགོངས་​ཅོག་འདྲ། སྐྱབས་མགོན་ཡེ་ཤུའི་​སྐུ་ཚབ་​ཞིག་​ཡིན། ང་​རིང་​འུའི་​ཆོས་གྲོགས་​ཐི་མོ་ཐེ་​ཉེད་​གཉིས་​ཀྱིས་ཀོ་ལོ་སཱ་རྒྱལ་ས་ལེ་འོད་ཡོད། སྐྱབས་མགོན་​ཡེ་ཤུའི་​མཚན་​ནང་​ལེ་​སྡོད་​མཁན་​ཆོས་གྲོགས་​སྤུན་ཟླ་དམ་པ་ཀྱ་ལེ་​ཡི་གེ་​འདི་ཕུལ་ལོ། འུའི་​ཡབ་དཀོན་མཆོག་​གི་བརྒྱུད་ནས་ཁྱེད་​ཀྱ་​ལེ་​ཐུགས་རྗེ་​གཟིགས་སྐྱོང་དིང་​ཞི་བདེ་​འཐོབ་པར་​ཤོག

ཕོལ་ལོལ་གྱིས་དཀོན་མཆོག་​ལེ་འཀའ་དྲིན་ཆེ་​ཞུས་པ།

³ ཁྱེད་ཀྱ་​ཀྱི་ཆེད་དུ་​གསོལ་བ་སྨོན་ལམ་འདེབས་རྒྱ། ཉེད་ཀྱ་ཀྱིས་འུའི་​སྐྱབས་མགོན་ཇོ་བོ་ཡེ་ཤུའི་​ཡབ་​དཀོན་མཆོག་ལེ་འཀའ་དྲིན་ཆེ་​ཞུས་འོད།

⁴ ཅི་​ལེ་​ཟེར་​ནི། ཁྱེད་​ཀྱ་​ཇོ་བོ་​ཡེ་ཤུ་ལེ་​དད་པ་​བགྱིད་​འོད་​དི་མ་ཟད། དད་པ་​བགྱིད་​མཁན་​ཡེ་རེ་​ལེ་​བྱམས་བརྩེ་བ་བགྱིད་​འོད་​དི་ཉེད་ཀྱ་ཀྱིས་ཐོས་​བྱུང་།

⁵ དད་པ་དིང་བྱམས་བརྩེ་བ་དེ་ནི། ཁྱེད་ཀྱ་ཀྱི་ཆེད་དུ་དཀོན་མཆོག་གི་ཞིང་ཁམས་​ལེ་​བཅོལ་ལི་རེ་བ་ནས་བྱུང་པི་ཡིན་དི་དིང་། ཁྱེད་ཀྱ་ཀྱིས་སྔོན་མ་ནས་བདེན་པ་ཁོང་གི་བཀའ་དེའི་གཏམ་བཟང་ཐོས་པི་དེ་ཡིན་དིག

⁶ གཏམ་བཟང་​དེ་​ནི། ཁྱེད་​ཀྱ་​ཀྱི་​ནང་ལེ་​ཁྱབ་​འོད་​ཕེན། ཁྱེད་​ཀྱ་​ཀྱིས་​ཟང་​ཐོས་​ཏེ་བདེན་པའི་ངང་ནས། དཀོན་མཆོག་​གི་​ཐུགས་རྗེ་​གཟིགས་སྐྱོང་ངོ་ཐོག་​འདི་​ཁྱེད་ཀྱ་ཀྱིས་ཧ་གོ་པི་ཉིན་མ་དེ་ནས་ཕེན། ཁྱེད་​ཀྱ་​ཀྱི་​ནང་ལེ་​གཏམ་བཟང་​གི་​འབྲས་བུ་​མང་པོ་​སྨིན་ཏེ་དར་བཞིན་རྒྱས་འགྲོ་བ་ཅོག་འདྲ། དཀོན་མཆོག་​གི་​གཏམ་བཟང་​དེ་ནི། འཇིག་རྟེན་​ཀུན་​ལེ་​བཤད་དི་མ་ཟད། དེའི་​འབྲས་བུ་​ཟང་​སྨོན་ཏེ་དར་གཞིན་རྒྱས་འགྲོ་འོད་དིག

⁷ ཁྱེད་​ཀྱ་​ཀྱིས་​འུའི་སྙིང་​ནས་​བརྩེ་​བའི་​ཆོས་གྲོགས་​ཨེ་པབ་རཱ་ནས་​གཏམ་བཟང་ཐོས་​ཏེ། ཁོ་​ནི་​འུའི་ཚབ་​ལེ་​སྐྱབས་མགོན་​ཡེ་ཤུའི་​དོན་​ལེ་​ཡིད་ཆེས་འོད་ཡོད་​ཞབས་ཕྱི་​པ་​ཞིག་​ཡིན་​དིག

⁸ ཡང་ཁོས་ཉེད་ཀྱ་ལེ། དམ་པའི་ཐུགས་ཉིད་​བརྒྱུད་​ནས་​བྱུང་​བའི་​ཁྱེད་ཀྱ་ཀྱི་བྱམས་​སེམས་དེ་​བཤད་​བྱུང་​།

⁹ འོ་དེ་ལེ་བརྟེན་ཏེ། ཉེད་ཀྱ་ཀྱིས་དོན་​དེའི་སྐོར་ལེ་ཐོས་​པའི་​ཉིན་མ་དེ་ནས་ཕེན། ཐུགས་ཉིད་​ཀྱི་​ཤེས་རབ་​དིང་​། ཤེས་རྒྱ་ཡེ་རེའི་བརྒྱུད་ནས་ཁྱེད་ཀྱ་ཀྱིས་དཀོན་མཆོག་​གི་​ཐུགས་དགོངས་དེ་​གསལ་པོ་​ཧ་གོ་​རྒྱུ་ལེ་གསོལ་བ་སྨོན་ལམ་འདེབས་གྱོ་འོད།

¹⁰ དེ་ནི་ཁྱེད་​ཀྱ་​ཀྱི་མི་ཚེ་​དེ་​ཇོ་བོ་​ཡེ་ཤུའི་​ཐུགས་དགོངས་དིང་མཐུན་ཏེ། རྣམ་པ་ཀུན་​གྱིས་བརྒྱུད་ནས་ཁོང་​གི་​ཐུགས་​དགྱེས་​པོ་​བཟོ་རྒྱུ་དིང་། ལས་བཟང་པོ་ཡེ་རེ་ནས་འབྲས་བུ་​སྨིན་​ཏེ་​དཀོན་མཆོག་​གི་​ངོ་བོ་​དེ་མང་དུ་ཧ་གོ་ཐུབ་རྒྱུ་ཆེད་དུ་ཡིན།

¹¹ དཀོན་མཆོག་​གི་​གཟི་བརྗིད་​ཆེ་བའི་ནུས་མཐུ་​ལེ་​བརྟེན་​ཏེ། ཁྱེད་​ཀྱ་​དགའ་སྤྲོའི་​ངང་​ནས་​དོན་​ཀུན་​ལེ་​བཟོད་སྒོམ་​བ​གྱིད་​འོད་ཕེན། ཁྱེད་​ཀྱ་​ཀྱི་​སེམས་​ལེ་​ཟང་ནུས་མཐུ་​སྣ་ཚོགས་​རྒྱས་​པར་ཤོག

¹² ཡང་ཁྱེད་ཀྱ་ཟང་ཡབ་​དཀོན་མཆོག་​གིས་​རང་གི་འོད་ཟེར་​གྱི་རྒྱལ་ཁབ་ཀྱི་ཞལ་བཞེས་གནང་བའི་བྱིན་གྱི་རླབས་པའི་བགོ་སྐལ་དེ་འཐོབ་འོས་པར་བཟོས་གནང་པི་དེ་ལེ། ཁྱེད་ཀྱ་ཀྱིས་དཀོན་མཆོག་ལེ་བཀའ་དྲིན་ཆེ་ཞུ་འོད་དིག

¹³ དཀོན་མཆོག་​གིས་​འུ་​ཀྱ་​མུན་པའི་​དབང་​འོག་ནས་བསྐྱབས་ཏེ​། ཁོང་​གི་གཅེས་པའི་​སྲས་​ཀྱི་​རྒྱལ་ཁབ་​ནང་ལེ་​ཁྲིད་གནང་པི་དིག

¹⁴ ཁོང་གི་སྲས་​བརྒྱུད་​ནས་​འུ་ཀྱ་ལེ་སྐྱོབ་གནང་གྱོ་འོད་དི་མ་ཟད། འུའི་སྡིག་ཉེས་དེ་ཟང་སེལ་གནང་གྱོ་འོད་དིག

བླ་ན་མེད་པའི་​སྐྱབས་མགོན་​ཡེ་ཤུ་​སྐོར།

¹⁵ སྲས་དེ་ནི་འུའི་མིག་གིས་མཐོང་​རྒྱུ་མེད་མེད་དཀོན་མཆོག་གི་གཟུགས་བརྙན་ཡིན་དིག དངོས་པོ་​ཡེ་རེ་མ་བཀོད་པའི་སྔོན་​ལེ་​ཁོང་རང་བཞུགས་འོད་དིག

¹⁶ ཅི་ལེ་ཟེར་ནི། ཁོང་གི་བརྒྱུད་ནས་གནམ་ས་གཉིས་ཀྱི་ནང་ལེ་​འོད་ཡོད་དངོས་པོ་ཡེ་རེ་དིང་། མིག་​གིས་​མཐོང་​རྒྱུ་​འོད་ཡོད་​དིང་​མེད་​མེད། རྒྱལ་ཁྲི་ཐོབ་​མཁན། སྲིད་​འཛིན་​མཁན་དིང་། མཐུ་སྟོབས་ཅན་ཡེ་རེ་ཁོང་གི་བརྒྱུད་ནས་ཁོང་རང་གི་དོན་ལེ་ཡེ་རེ་​བཀོད་​གནང་པི་​དིག

¹⁷ ཁོང་ནི་​དངོས་པོ་​ཡེ་རེ་མ་བཀོད་པའི་​སྔོན་​ལེ་​བཞུགས་​འོད་​དི་​མ་ཟད། དངོས་པོ་ཡེ་རེ་​ཟང་​ཁོང་​ལེ་​བརྟེན་​ཏེ་​གནས་འོད་དིག

¹⁸ ཁོང་ནི་ཆོས་ཚོགས་​ཀྱི་​དབུ་​ཡིན་​དི་དིང་། ཆོས་ཚོགས་ནི་ཁོང་གི་སྐུ་ལུས་ཡིན་དིག ཁོང་​ནི་​ཐོག་མ་​ནས་​བཞུགས་​འོད་​ཕེན། རྣམ་པ་​ཡེ་རེའི་ནང་​ནས་​མཆོག་​ཏུ་​གྱུར་བའི་ཆེད་དུ། གཤིན་པོའི་​ཁྲོད་​ནས་​གསོན་པོ་བཞེངས་​མཁན་​དང་པོ་​ཡིན་​དིག

¹⁹ ཅི་​ལེ་​ཟེར་​ནི། དཀོན་མཆོག་གིས་རང་གི་ངོ་བོ་ཕུན་སུམ་ཚོགས་པ་​ཡེ་རེ་ནི། སྲས་ཀྱི་ནང་ལེ་​གནས་པར་མཛད་རྒྱུ་ལེ་ཐུགས་མཉེས་ཕེན།

²⁰ སྲས་ཀྱི་​སྐུ་ཁྲག་​དེ་ནི་གདུང་མ་ཀུ་རུ་ཁའི་ལྟག་ག་ལེ་​ཐོན་ཏེ། ཞི་བདེ་​བཀོད་གནང་བའི་བརྒྱུད་ནས། དཀོན་མཆོག་གིས་གནམ་ས་གཉིས་ནང་ལེ་འོད་ཡོད་​ཡེ་རེ། ཁོང་གི་བརྒྱུད་ནས་ཁོང་དིང་སྐྱེན་ལེ་​འབྲེལ་བ་བསྐྱར་གསོ་གནང་​པི་དིག

²¹ སྔོན་མ་ཁྱེད་​ཀྱ་​ཀྱིས་ལས་ངན་པ་བྱས་ཏེ་དཀོན་མཆོག་​ནས་​ཁ་བྲལ་ལི་མ་ཟད། སེམས་གཏིང་ནས་དཀོན་མཆོག་ལེ་དགྲ་སྡང་པོ་བགྱིད་མཁན་ཡིན་དིག

²² ཡིན་ནའང་། ད་ལྟ་སྲས་སྐུ་​གྲོངས་​པ་དེའི་བརྒྱུད་ནས། དཀོན་མཆོག་​གིས་​ཁྱེད་​ཀྱ་​ཁོང་​དིང་​སྐྱེན་ལེ་འཆམས་​མཐུན་​བསྐྱར་གསོ་གནང་​སྟེ། དམ་པ་དིང་། སྐྱོན་གྱི་དྲི་མས་གོས་མེད་མེད། སྐྱོན་​འཛུགས་​ཅི་​གང་​མེད་​མེད་​ཁོང་གི་མདུན་དུ། ཁྱེད་ཀྱ་འདྲེན་གནང་རྒྱུ་ཆེད་དུ་ཡིན་​དིག

²³ ཡིན་ནའང་། གཏམ་བཟང་གི་རེ་བ་དེ་མ་སྤང་སྟེ། ཁྱེད་ཀྱ་ཀྱིས་​མུ་མཐུད་དེ་དད་པ་དེ་ལེ་བརྟན་པོ་གནས་དགོས་འོད་དིག ཁྱེད་ཀྱ་ཀྱིས་ཐོས་པའི་གཏམ་བཟང་དེ་ནི། ནམ་མཁའི་འོག་ཏུ་འོད་ཡོད་མི་རིགས་ཀུན་ལེ་བཤད་འོད་དིག ང་ཕོལ་ལོལ་​ཟང་​གཏམ་བཟང་​དེའི་ཞབས་ཕྱི་​ལེ་​བསྐོས་​གནང་པི་​དིག

ཕོལ་ལོལ་​གྱིས་​ཆོས་ཚོགས་​དོན་​ལེ་དཀའ་ངལ་​མྱངས་པ།

²⁴ ད་ལྟ་​ངས་​ཁྱེད་ཀྱ་ཀྱི་​དོན་ལེ་དཀའ་ངལ་མྱོང་རྒྱ། ང་དགའ་རི་བགྱིད་འོད། སྐྱབས་མགོན་​ཡེ་ཤུའི་​སྐུ་ལུས་ཅོག་འདྲ། ཆོས་ཚོགས་​ཀྱི་​ཆེད་དུ་ཁོང་​གི་​དཀའ་ངལ་​ལྷག་མ་དེ་ཟང་། ངའི་​ལུས་​ལྟག་ག་ལེ་​ནུས་​པར་​བགྱིད་​འོད་དིག

²⁵ ཁྱེད་ཀྱ་ལེ་ཕན་པའི་ཆེད་དུ་དཀོན་མཆོག་​གིས་ང་ལེ་གནང་བའི་ལས་འགན་དེ་བགྱིད་རྒྱུ་ཆེད་དུ། ང་ནི་ཆོས་ཚོགས་ཀྱི་ཞབས་ཕྱི་རྒྱུགས་མཁན་ཞིག་ལེ་བསྐོས་གནང་པི་དིག དེ་ནི་དཀོན་མཆོག་གི་བཀའ་​ཡེ་རེ་ཤོད་རྒྱུ་དེ་ཡིན་དིག

²⁶ བཀའ་དེ་ནི་​བསྐལ་པ་ནས་བསྐལ་པ། མི་​རབས་​ནས་​མི་​རབས་​བར་དུ་​སྦས་འོད་ཡོད་གསང་བ་ཞིག་ཡིན་ནའང་། ད་ལྟ་དད་པ་བགྱིད་མཁན་དམ་པ་ཀྱ་ལེ་མངོན་སུམ་བསྟན་གནང་པི་དིག

²⁷ དཀོན་མཆོག་གིས་དཔག་ཏུ་མེད་པའི་གཟི་བརྗིད་ཀྱི་གསང་བ་དེ་ནི་ཙམ་ཞིག་རྩལ་ཆེན་པོ་ཡིན་མིན་དེ། ཡ་ཧུ་དཱ་པ་མིན་པའི་ཕྱི་མི་རིགས་ཀྱི་དཀྱིལ་ལེ་སྟོན་རྒྱུ་ཐག་བཅད་དི་དིག གསང་བ་དེ་ནི། ཁྱེད་ཀྱ་ཀྱི་སེམས་ནང་ལེ་བཞུགས་འོད་ཡོད་སྐྱབས་མགོན་ཡེ་ཤུ་ཡིན་དིག འོ་དེ་ལེ་བརྟེན་ཏེ། ཁྱེད་ཀྱ་ལེ་ཁོང་གི་ཕུན་སུམ་ཚོགས་པོའི་གཟི་བརྗིད་དེ་ཟང་། སྐྱེན་ལེ་ཐོབ་རྒྱུ་ཡིན་དི་རེ་བ་འོད་དིག

²⁸ སྐྱབས་མགོན་​ཡེ་ཤུའི་​ནང་ལེ་མི་ཡེ་རེ་ལེ་དད་སེམས་ཀྱི་རྒན་ཚད་ལོན་དུ་བཅུག་སྟེ། དཀོན་མཆོག་གི་མདུན་དུ་འདྲེན་རྒྱུ་ཆེད་དུ། ཤེས་རབ་​སྣ་ཚོགས་​ཀྱི་བརྒྱུད་ནས། མི་​ཀྱ་ལེ་སློབ་སྟོན་བགྱིད་རྒྱུ་དིང་། ཉེན་བརྡའི་སྐུལ་མ་བཏང་སྟེ། ཉེད་ཀྱ་ཀྱིས་སྐྱབས་མགོན་གྱི་སྐོར་ཤོད་གྱོ་འོད་དིག

²⁹ དོན་​དེ་སྒྲུབ་རྒྱུ་ཆེད་དུ། ངའི་བརྒྱུད་ནས་སྟོབས་ཤུགས་ཆེན་པོའི་ཕྱག་ལས་གནང་མཁན་ཁོང་གི་ནུས་མཐུ་ལེ་བརྟེན་ཏེ་ངས་འབད་བརྩོན་བགྱིད་འོད། །