ཐེ་ས་ལོ་ནི་ཀེ་​དང་པོ། 1 - དོལ་པོ།

ལེའུ་དང་པོ། འཚམས་འདྲི།

¹ ཡབ་​དཀོན་མཆོག་​དིང་​སྐྱབས་མགོན་ཇོ་​བོ་ཡེ་ཤུའི་​ཐུགས་དགོངས་​ནང་​ལེ་འོད་ཡོད་​རྒྱལ་ས་​ཐེ་ས་ལོ་ནི་ཀེའི་​ཆོས་ཚོགས་​ལེ། ཐུགས་རྗེ་​གཟིགས་སྐྱོང་དིང་​ཞི་བདེ་​གནང་​བར་​ཤོག ང་​ཕོལ་ལོལ་​དིང་། སི་ལཱ། ཡང་​ཐི་མོ་ཐེ་​ཉེད་​གསུམ་​ཀྱིས་​ཡི་གེ་​འདི་​ཁྱེད་​རྣམས་པ་​ཀྱ་​ལེ་​ཕུལ་ལོ།

ཐེ་ས་ལོ་ནི་ཀེའི་མི་ཀྱ་ལེ་བསྟོད་ར་བཏང་པ།

² ཉེད་​ཀྱ་​ཀྱིས་དུས་ནམ་ཞིག་གསོལ་བ་སྨོན་ལམ་འདེབས་​རྒྱ། ཁྱེད་ཡེ་རེའི་ཆེད་དུ་དཀོན་མཆོག་​ལེ་​ཐུགས་རྗེ་ཆེ་​དུས་རྟག་ཏུ་​ཞུ་འོད།

³ འུ་ཀྱ་ཀྱི་ཡབ་​དཀོན་མཆོག་​གི་​དྲུང་​དུ། ཁྱེད་​ཀྱ་​ཀྱིས་​དད་སེམས་​ལེ་​བརྟེན་​ཏེ་​བྱས་པའི་​ལས་​དིང་། བྱམས་སེམས་​ལེ་​བརྟེན་ཏེ་​མྱངས་པའི་​དཀའ་ངལ་​དིང་། འུའི་​ཇོ་བོ་སྐྱབས་མགོན་​ཡེ་ཤུ་​ཁོང་​ལེ་​རེ་བ་​བཅངས་​པི་​འདི་​ལེ་​བརྟེན་​ཏེ་​བཟོད་སྒོམ་​རྒྱུན་ཆད་​མེད་​བགྱིད་​འོད་དིག

⁴ དཀོན་མཆོག་​གི་གཅེས་པའི་ཁྱེད་སྤུན་ཟླ་ཀྱ་ནི། ཁོང་​གིས་​བདམས་པི་​ཡིན་​དི་​ཉེད་ཀྱ་ཀྱིས་​ཧ་གོ་​འོད།

⁵ ཅི་​ལེ་​ཟེར་​ནི། དེ་​སྔོན་​ཉེད་ཀྱ་ཀྱིས་​ཁྱེད་​ཀྱ་​ལེ་​གཏམ་བཟང་​བཤད་​དི་ཚིག་དེ་པ་རྐྱང་​མ་​དིག ཁོང་​གི་​ནུས་མཐུ་​དིང་། དམ་པའི་​ཐུགས་ཉིད་​ནང་​ལེ་​དད་སེམས་​བརྟན་པོ་​སྡོད་​ཐུབ་པའི་​ནུས་པ་​གནང་​འོད་དིག ཡང་ཉེད་ཀྱ་​ཀྱིས་ཟང་​དེ་​སྔོན་​ཁྱེད་ཀྱ་ཀྱི་​དོན་​ལེ། མི་ཚེ་​ཅི་གི་​བྱས་​ཏེ་བསྐྱལ་​འོད་​མེད་​དེ་ཡེ་རེ་​ནི། ཁྱེད་ཀྱ་ཀྱིས་​ཟང་​ཧ་​གོ་​གོ་​བ་​ཡིན་​དིག

⁶ ཡང་དཀའ་ངལ་ཆེན་པོའི་བརྒྱུད་ནས་ཟང་། ཁྱེད་​ཀྱ་​ལེ་​དམ་པའི་​ཐུགས་ཉིད་​ཀྱིས་གནང་བའི་​དགའ་སྤྲོ་ཐོབ་​པི་​མ་ཟད། གཏམ་བཟང་​དང་​དུ་​བླངས་​ཏེ། ཉེད་​ཀྱ་​དིང་​ཇོ་བོ་​ཡེ་ཤུས་བསྟན་པའི་​དཔེ་​ཅོག་འདྲ་​བྱས་​པི་​དེ་ནི།

⁷ མ་ཀེ་དོན་ཡཱ་​དིང་​ཨ་ཀ་ཡཱ་​ལུང་པའི་​ནང་​ལེ་​དད་པ་​བགྱིད་​མཁན་​ཡེ་རེའི་​མིག་དཔེ་​ལྟ་​ས་​ཞིག་​ཟང་​བྱུང་པི་​དིག

⁸ ཅི་​ལེ་​ཟེར་​ནི། ཇོ་བོའི་གཏམ་བཟང་དེ་ནི། ཁྱེད་​ཀྱ་​ཀྱི་བརྒྱུད་ནས་མ་ཀེ་དོན་ཡཱ་​དིང་​ཨ་ཀ་ཡཱ་​ལུང་པ་​ལེ་དར་རི་​མ་ཟད། ཁྱེད་​ཀྱ་​ཀྱིས་དཀོན་མཆོག་ལེ་​དད་པ་བྱས་པའི་གནས་ཚུལ་​དེ་ཕྱོགས་ཀུན་ལེ་​ཟང་​ཁྱབ་​འདུག ཁྱེད་​ཀྱ་​ཀྱིས་​ལས་​བཟང་པོ་​བྱས་​པའི་དེའི་​སྐོར་​ལེ། ད་ཉེད་​ཀྱ་​ཀྱིས་​ཅི་​གང་​ཟེར་​དགོས་​མེད།

⁹ ཡང་ཡུལ་མི་དེ་ཀྱ་ཀྱིས་ཟང་། ཁྱེད་​ཀྱ་འོད་ས་ལེ་ཉེད་ཀྱ་སླེབས་རྒྱ། ཁྱེད་ཀྱ་ཀྱིས་ཉེད་ལེ་ཅི་གི་བྱས་ཏེ་ཕེབས་བསུ་ཞུས་འོད་མེད་ཀྱི་སྐོར་དིང་། ཡང་བདེན་པ་​དིང་​གསོན་པོའི་དཀོན་མཆོག་​ལེ་ཞབས་ཕྱི་​སྒྲུབ་​རྒྱུ་​ཆེད་དུ། ལྷ་​སྐུ་དེ་​ཀྱ་​སྤངས་​ཏེ་​དཀོན་མཆོག་​གི་​ཕྱོགས་​ལེ་​སེམས་​ཅི་གི་​བྱས་​ཏེ་ཁུག་གི་ཡ་​ཟེར་​རི་​དིང་།

¹⁰ ཁྱེད་​ཀྱ་​ཀྱིས་​ཟང་​དཀོན་མཆོག་གི་​སྲས་​ནམ་མཁའི་ཞིང་ཁམས་​ནས་​ཕེབས་​འོང་​གྱི་​དིག་​ཟིན་​སྒུག་​བསྡད་​འོད་​སྨྲས་​པི་དེ་ནི། དཀོན་མཆོག་​གིས་​ཡང་དང་​གསོན་པོ་​བསླངས་པའི་ཇོ་བོ་​ཡེ་ཤུ་ཁོང་​ཡིན་​དིག འུ་​ཀྱ་ཀྱིས་སྡིག་པ་​བྱས་​པའི་​རྐྱེན་​གྱིས་​དཀོན་མཆོག་​གི་​མ་འོངས་པའི་​ཐུགས་ཁྲོ་པ་ནས་​སྐྱོབ་​གནང་​མཁན་​དེ་ནི་​ཡེ་ཤུ་​ཁོང་རང་​ཡིན་དིག །