Psalms 87 - Die Bybel 2020-vertaling

¹ Van die Koragiete. 'n Psalm. 'n Lied. Die fondamente wat Hy gelê het, rus op •heilige berge.

² Die Here het die poorte van Sion liewer as al die wonings van Jakob.

³ Glorieryke dinge word oor jou gesê, stad van God: •Sela

⁴ “Ek sal Rahab en Babilonië noem onder dié wat My erken, ja, Filistea en Tirus saam met Kus onder dié wat daar gebore is.”

⁵ En oor Sion sal daar gesê word: “Man vir man is in haar gebore, en die Allerhoogste self hou haar in stand.”

⁶ Die Here teken in die •boekrol van volke op: “Hierdie een is daar gebore.” Sela

⁷ Terwyl hulle dans, sing hulle: “Al my bronne is in jou.”