Psalms 114 - Die Bybel 2020-vertaling

¹ Toe Israel uit Egipte weggetrek het, die huis van Jakob weg van die volk met 'n vreemde taal,

² het Juda God se heiligdom geword, Israel sy magsgebied.

³ Die see het dit gesien en gevlug; die Jordaan het teruggedeins.

⁴ Die berge het gebokspring soos ramme, die heuwels soos lammers.

⁵ Wat gaan met jou aan, see, dat jy vlug, Jordaan, dat jy terugdeins,

⁶ berge, dat julle soos ramme bokspring, en julle, heuwels, soos lammers?

⁷ Sidder, aarde, voor die Heer, voor die God van Jakob,

⁸ wat die rots verander het in 'n waterryke vleiland, die vuursteen in 'n waterfontein.