Mateu 28 - Dhiata e Re në Gegnisht

Ngjallja

¹ Të shtunën herët, në agun e ditës së parë, Maria Magdalenë dhe Maria shkuen me këqyrë varrin.

² Dhe, ja, ra një tërmet i fortë. Një engjëll i Zotit zbriti nga qielli, u afrue me rrokullisë gurie e u ul mbi të.

³ Fytyra e tij ishte si vetima e petkat e tij vëzulluese si bora.

⁴ Prej frikës së tij u drodhën rojet e u banë si të vdekun.

⁵ Engjëlli u kthye e u foli grave: «Mos u tutni, ju! E di se po kërkoni Jezuin, të kryqëzuemin.

⁶ Nuk asht këtu, se u ngjall siç pati thanë. Ejani e shihni vendin ku ishte shtri.

⁷ Shkoni shpejt e thoniu nxanësve të tij se ai u ngjall prej të vdekunve e të shkojë përpara jush në Galile. Atje do të shfaqet. Ja, jua thashë».

⁸ Ato u larguan shpejt nga varri dhe plot frikë e gëzim të madh vrapuen n joftue nxanësit.

⁹ Dhe, ja, Jezusi i takoi e u tha: «Ju falem!». Ato iu afruen, i mbërthyen kambët dhe e adhuruan.

¹⁰ Atëherë Jezusi u tha: «Mos u tutni! Shkoni e njoftoni vëllaznit të mi të shkojnë në Galile. Atje do të më shohin».

Dëshmia e rojeve

¹¹ Kur po ecnin, ja, disa prej rojtarisë shkuen në qytet e njoftuen krepriftën për gjiçka kishte ndodhë.

¹² Kryepriftënt e pleqtë morën vendimin me u dhanë ushtarëve një shumë të madhe paresh

¹³ e u thanë: «Thoni se nxanësit e tij erdhën natën dhe e vodhën kur ju po flinit.

¹⁴ Nëse kjo merret vesh nga qeveritari, na do ta bindim e do t'ju lirojmë nga telashet».

¹⁵ Ata morën paret e vepruen simbas mësimit që morën. E kjo fjalë asht përhapë ndër judej deri më sot.

Porosia

¹⁶ Të njëmbëdhjetë nxanësit shkuen në Galile, në malin që u kishte caktue Jezusi.

¹⁷ Kur e panë, e adhuruen, por disa prej tyne u ndërdyshën.

¹⁸ Jezusi u afrue e u foli: «Mue më asht dhanë çdo pushtet në qiell e mbi dhe,

¹⁹ prandaj shkoni e mësoni të gjitha kombet dhe pagëzojini në emën të Atit e të Birit e të Shpirtit të Shenjtë.

²⁰ Mësojini me zbatue gjithçka ju urdhnova unë. Dhe, ja, unë jam me ju të gjitha ditët, deri në të sosun të botës».