مَتَّ 1 - دٜڢْتٜرٜ اَللَّه ڢُلْڢُلْدٜ عَدَمَوَ

کَاکِرَاࢡٜ عِيسَى اَلْمَسِيحُ

¹ ندَا عِنْطٜ کَاکِرَاࢡٜ ندٜرْ عَسْنغٛلْ عِيسَى اَلْمَسِيحُ، ࢡِي دَاوُدَ، ࢡِي إِبْرَاهِيمَ‏:

² إِبْرَاهِيمَ دَࢩِ إِسْحَاقَ، إِسْحَاقَ دَࢩِ يَعْقُوبُ، يَعْقُوبُ دَࢩِ يَحُودَ عٜ دٜىٰرْطِرَاࢡٜ مُوطُمْ؞

³ يَحُودَ دَࢩِ ݠٜرٜسْ عٜ زَرَ، تَمَرْ وٛنِ دَادَ مَࢡّٜ؞ ݠٜرٜسْ دَࢩِ حٜسْرُونُ، حٜسْرُونُ دَࢩِ سِرِيَ؞

⁴ سِرِيَ دَࢩِ عَمِّنَدَبُ، عَمِّنَدَبُ دَࢩِ نَحَسُنُ، نَحَسُنُ دَࢩِ سَلْمُونَ،

⁵ سَلْمُونَ دَࢩِ بٛعٜسْ، رَحَبْ وٛنِ دَادَ مَاکٛ؞ بٛعٜسْ دَࢩِ عٛبٜتْ، رُوتْ وٛنِ دَادَ مَاکٛ؞ عٛبٜتْ دَࢩِ يٜسَّ،

⁶ يٜسَّ دَࢩِ لَامِيطٛ دَاوُدَ؞ دَاوُدَ دَࢩِ سُلَيْمَـٰنُ، دَادَ مَاکٛ وٛنّٛ دٜبّٛ عُرِيَ؞

⁷ سُلَيْمَـٰنُ دَࢩِ رٛبٛعَمْ، رٛبٛعَمْ دَࢩِ عَبِيَ، عَبِيَ دَࢩِ عَسَ،

⁸ عَسَ دَࢩِ يٛسَڢَتْ، يٛسَڢَتْ دَࢩِ يٛرَمْ؞ يٛرَمْ دَࢩِ عُزِّيَ،

⁹ عُزِّيَ دَࢩِ يٛتَمْ، يٛتَمْ دَࢩِ عَکَسْ، عَکَسْ دَࢩِ حٜزٜکِيَ،

¹⁰ حٜزٜکِيَ دَࢩِ مَنَسَّ، مَنَسَّ دَࢩِ عَمٛنْ، عَمٛنْ دَࢩِ يُسِيَ،

¹¹ يُسِيَ دَࢩِ يٜکٛنِيَ عٜ دٜىٰرْطِرَاࢡٜ مُوطُمْ سَاعِ دَحٜىٰکِ إِسْرَاءِيلَعٜنْ حَا بَابِلَ؞

¹² ࢡَاوٛ دَحٜىٰکِ إِسْرَاءِيلَعٜنْ حَا لٜسْدِ بَابِلَ، يٜکٛنِيَ دَࢩِ سَلَتِيٜلْ، سَلَتِيٜلْ دَࢩِ زٛرٛبَابِلَ،

¹³ زٛرٛبَابِلَ دَࢩِ عَبِحُدَ، عَبِحُدَ دَࢩِ عٜلِيَکِمْ، عٜلِيَکِمْ دَࢩِ عَجٛرَ،

¹⁴ عَجٛرَ دَࢩِ شَدٛکْ، شَدٛکْ دَࢩِ عَحِمْ، عَحِمْ دَࢩِ عٜلِيُدَ،

¹⁵ عٜلِيُدَ دَࢩِ عٜلِعَزَارُ، عٜلِعَزَارُ دَࢩِ مَتَّنْ، مَتَّنْ دَࢩِ يَعْقُوبُ،

¹⁶ يَعْقُوبُ دَࢩِ يُوسُڢُ، غٛرْکٛ مَرِيَمَ مٛ دَࢩِ عِيسَى بِعٜتٜىٰطٛ اَلْمَسِيحُ؞

¹⁷ دِغَ إِبْرَاهِيمَ حَا دَاوُدَ وَطِ غِدٜ سَݠّٛ عٜ نَيِ؛ دِغَ دَاوُدَ حَا دَحٜىٰکِ إِسْرَاءِيلَعٜنْ حَا بَابِلَ بٛو وَطِ غِدٜ سَݠّٛ عٜ نَيِ؛ دِغَ دَحٜىٰکِ إِسْرَاءِيلَعٜنْ حَا بَابِلَ حَا اَلْمَسِيحُ دَࢩَ بٛو وَطِ غِدٜ سَݠّٛ عٜ نَيِ؞

دَࢩٜىٰکِ عِيسَى اَلْمَسِيحُ

¹⁸ ندَا نِي دَࢩٜىٰکِ عِيسَى اَلْمَسِيحُ لَاتٛرِ؞ دَادَ مَاکٛ مَرِيَمَ عٛ کَࢡَّنَاطٛ يُوسُڢُ، عَمَّا دِغَ ࢡٜنغٛنْدَايْ تَوٛنْ، مَرِيَمَ رٜىٰدِ بٜى بَاوْطٜ رُوحُ شٜنِيطٛ؞

¹⁹ يُوسُڢُ کَࢡَّنْطٛ مٛ عٛ عَدِلِيجٛ، عٛيِطَا ڢٜڢْتُغٛ مٛ يٜىٰسٛ يِمْࢡٜ، عٛعَنِّنِ عَشُّغٛ مٛ بٜى سِرِّ؞

²⁰ ندٜ عٛطٛنّٛ نُمْتَ حَالَ کَعَ، مَلَاعِکَاجٛ جَوْمِرَاوٛ وَنغَنِمٛ ندٜرْ کٛيْطٛلْ، وِعِمٛ‏: «يُوسُڢُ، ࢡِي دَاوُدَ، تَا حُلْ ࢡَنغٛ مَرِيَمَ مٛ کَࢡَّنْطَ، نغَمْ کٛ رٜىٰدَ ندٜرْ مَاکٛ عِوِ حَا رُوحُ شٜنِيطٛ؞

²¹ عٛتَمِّ دَࢩُغٛ ࢡِطّٛ غٛرْکٛ، عَعِنْدَنْ مٛ عِيسَى، نغَمْ کَنغْکٛ حِسْنَتَ عُمَّاتٛورٜ مَاکٛ دِغَ حَکّٜىٰجِ مَارٜ؞»

²² طُمْ ڢُو طُمْ لَاتِ نغَمْ حِࢡِّنغٛ کٛ جَوْمِرَاوٛ وِعْنٛ بٜى حُنْدُکٛ اَلنَّبِيجٛ‏:

²³ «ݠَاࢩٛ دٜبّٛ مٛ عَنْدَ غٛرْکٛ رٜىٰدَنْ، دَࢩَنْ ࢡِطّٛ غٛرْکٛ، ࢡٜعِنْدَنْ مٛ عِمَّنُيِلَ، بَنَ وِعْغٛ‏: اَللَّه طٛنْ وٛنْدِ بٜى مٜىٰطٜنْ؞»

²⁴ ندٜ يُوسُڢُ ڢِنِ، عٛوَطِ بَنَ نٛ مَلَاعِکَاجٛ جَوْمِرَاوٛ عُمْرِمٛ، عٛحٛوعِ دٜبّٛ مَاکٛ،

²⁵ عَمَّا عٛحَوْتَايْ بٜى مَاکٛ حَا عٛدَࢩِ ࢡِيِيکٛ غٛرْکٛ؞ يُوسُڢُ عِنْدِمٛ عِيسَى؞