حٛسٜعَ 1 - دٜڢْتٜرٜ اَللَّه ڢُلْڢُلْدٜ عَدَمَوَ

دٜبّٛ حٛسٜعَ عٜ ࢡِکّٛيْ مُوطُمْ

¹ ندَا وٛلْدٜ ندٜ جَوْمِرَاوٛ وٛلْوَنِ حٛسٜعَ ࢡِي بٜىٰرِ ندٜرْ زَمَنُ عُزِّيَ عٜ يٛتَمْ عٜ عَکَسْ عٜ حٜزٜکِيَ، لَامِيࢡٜ يَحُودَ عٜ ندٜرْ زَمَنُوجِ يٜرٛبٛعَمْ ࢡِي يٛعَسْ، لَامِيطٛ إِسْرَاءِيلَ؞

² ندَا نِي جَوْمِرَاوٛ ڢُطِّ وٛلْوُغٛ بٜى حُنْدُکٛ حٛسٜعَ‏: عٛوِعِ حٛسٜعَ‏: «يَحْ، تٜعُ دٜبّٛ دَاکَارٜىٰجٛ، دَࢩْدُ ࢡِࢡّٜ دَاکَارٜىٰکُ بٜى مَاکٛ، نغَمْ يِمْࢡٜ لٜسْدِ عَمْ طٛنْ مبَطَ دَاکَارٜىٰکُ بٜى لَبِّ، ࢡٜعَشِّ يَمْ مِنْ جَوْمِرَاوٛ؞»

³ حٛسٜعَ يٜحِ، ࢡَنغِ غٛمٜرْ ࢡِي دِبِلَيِمْ؞ دٜبّٛ عٛو رٜىٰدِ، عٛدَࢩَنِمٛ ࢡِطّٛ غٛرْکٛ؞

⁴ جَوْمِرَاوٛ وِعِ حٛسٜعَ‏: «عِنْدُ مٛ يِسْرٜعٜلْ، نغَمْ لُتِّ وَکَّتِ سٜطَّ، مِحِيتٛتٛ يِمْࢡٜ سَارٜ يٜحُ، نغَمْ ࢡٜندُڢِ ࢨِيࢨَمْ حَا يِسْرٜعٜلْ؞ مِنَتِّنَنْ لَامُ إِسْرَاءِيلَ؞

⁵ ࢩَلَادٜ مَنْ نغٜوَنْمِ لَغَاوَلْ إِسْرَاءِيلَ ندٜرْ يَيْرٜ يِسْرٜعٜلْ؞»

⁶ دٜبّٛ غٛ رٜىٰدِ ڢَحِنْ، عٛدَࢩِ ࢡِطّٛ دٜبّٛ؞ جَوْمِرَاوٛ وِعِ حٛسٜعَ‏: «عِنْدُ مٛ لٛ-رُحَمَ، وَاتٛ عٜنْطَاکَ، نغَمْ مِتٛکَّتَاکٛ عٜنْطُغٛ لَامُ إِسْرَاءِيلَ ڢَحِنْ، مِيَاڢَتَاکٛ ࢡٜ سَمْ؞

⁷ عَمَّا مِعٜنْطَنْ يِمْࢡٜ لَامُ يَحُودَ، مِنْ جَوْمِرَاوٛ اَللَّه مَࢡّٜ، مِحِسْنَنْ ࢡٜ؞ مِحِسْنَتَا ࢡٜ بٜى لَغَاوَلْ مَلَّ کَاڢَحِ مَلَّ حَࢡْرٜ مَلَّ ݠُشِّ مَلَّ وَعِّيࢡٜ طِ؞»

⁸ ࢡَاوٛ دٜبّٛ غٛ عٜنْتِ لٛ-رُحَمَ، عٛرٜىٰدِ کَدِبٛو، عٛدَࢩِ ࢡِطّٛ غٛرْکٛ؞

⁹ جَوْمِرَاوٛ وِعِ حٛسٜعَ‏: «عِنْدُ مٛ لٛ-عَمِّ، وَاتٛ نَا-عُمَّاتٛورٜ-عَمْ، نغَمْ عٛنٛنْ نَا عٛنْ عُمَّاتٛورٜ عَمْ، مِنْ بٛو نَا مِ اَللَّه مٛوطٛنْ؞»