2 ݠِيٜرْ 1 - دٜڢْتٜرٜ اَللَّه ڢُلْڢُلْدٜ عَدَمَوَکٛوڢْنغٛلْ 1 مِنْ سِمٛنْ ݠِيٜرْ، مَشُّطٛ عٜ نٜلَاطٛ عِيسَى اَلْمَسِيحُ، مِطٛنْ وِنْدَنَ عٛنْ، عٛنٛنْ حٜࢡّٜ نُطِّنْکِ مَرْکِ سَمَنْ بَنَ کِ عَمِنْ؞ عٛنْ کٜࢡْرِ کِ بٜى عَدِلَاکُ اَللَّه مٜىٰطٜنْ عٜ بٜى عِيسَى اَلْمَسِيحُ، کِسْنٛووٛ؞ 2 مٛعّٜرٜ عٜ سَلَامَنْ طُوطَنَ عٛنْ نغَمْ عٛنْ عَنْدِ اَللَّه عٜ عِيسَى، جَوْمِرَاوٛ مٜىٰطٜنْ؞ عٜوْنَاندُ عٜ شُࢡٛلْ اَللَّه 3 اَللَّه حٛکِّرِ عٜنْ کٛو طُمٜ بٜى بَاوْطٜ مُمْ حَا عٜنْ نغٜىٰطَ ندٜرْ نغٜىٰندَمْ عٜ کُلٛلْ مَاکٛ؞ عٛحٛکِّ عٜنْ طُمْ نغَمْ عٜنْ عَنْدِ عٜوْنِيطٛ عٜنْ ندٜرْ تٜدُّنغَلْ مُمْ عٜ ندٜرْ مبٛوطٜىٰنغَ مُمْ؞ 4 بَنَ نِي عٛوَطَنِ عٜنْ عِينَاجِ ࢡُرْطِ مَوْنُغٛ عٜ ࢡُرْطِ سَمَنْ حَا عٛنْ لَاتٛ بَنَ اَللَّه وَعِ ندٜ نِي عٛنْ دَطِ سُونٛوجِ کَلْکٛوجِ غٛنْطِ ندٜرْ دُنِيَارُ؞ 5 نغَمْ مَاجُمْ، تِينٜ نغَمْ حَا نُطِّنْکِ مٛوطٛنْ وَنغِنَ مبٛوطٜىٰنغَ عٜ عَنْدَلْ عٜ 6 نَنغْتَارٜ عٜ تِينَارٜ عٜ کُلٛلْ اَللَّه، 7 يِيدٜ دٜىٰرْطِرَاغُ عٜ يِيدٜ؞ 8 تٛ کُوجٜ طٜعٜ طٛنْ ندٜرْ مٛوطٛنْ، تٛ طٜ طٛنْ ࢡٜسْدَ، طٜ لَاتِنَنْ عٛنْ تِيطْࢡٜ حَا عٛنْ نجَحَ يٜىٰسٛ، عٛنْ ࢡٜسْدَ عَنْدُغٛ جَوْمِرَاوٛ مٜنْ عِيسَى اَلْمَسِيحُ؞ 9 نغَمْ مٛ وَلَا طٜ، عٛيِعَتَا دَايِيطُمْ، عٛ بُمْطٛ، عٛيٜجِّتِ نٛ عٛلَࢡِّنَامَ دِغَ حَکّٜىٰجِ مَاکٛ ࢡٛويْمَاجِ؞ 10 نغَمْ مَاجُمْ دٜىٰرْطَمْعٜنْ، تِينٜ تَبِتِنْغٛ عٜوْنَاندُ عٜ شُࢡْکِ مٛوطٛنْ؞ تٛ عٛنْ مبَطِ نٛنْ، عٛنْ ݠٜرْغَتَاکٛ سَمْ؞ 11 بَنَ نٛنْ عٛنْ کٜࢡَنْ نَسْتُغٛ لَامُ ندُومِينغُ نغُ جَوْمِرَاوٛ عٜ کِسْنٛووٛ مٜىٰطٜنْ عِيسَى اَلْمَسِيحُ بٜى ڢٜىٰشَارٜ؞ 12 نغَمْ مَاجُمْ، تُمْ مِطٛنْ سِڢْتِنٛرَ عٛنْ کُوجٜ طٜعٜ؞ کٛو تٛ عٛنْ عَنْدِ طٜ، کٛو تٛ عٛنْ ندَرِ بٜى سٜمْبٜ ندٜرْ غٛونغَ کَ عٛنْ نجَࢡِ، 13 عَمَّا مِنُمِ طُمْ کَاندُطُمْ مِڢِنْدِنَ عٛنْ بٜى شِڢْتِنٛرْکِ کِعِ ندٜ مِطٛنْ بٜى يٛنغْکِ تَوٛنْ؞ 14 نغَمْ مِعَنْدِ مِࢡَدَکٜ عَشُّغٛ ࢡَنْدُ ندُعُ، بَنَ جَوْمِرَاوٛ مٜىٰطٜنْ عِيسَى اَلْمَسِيحُ عَنْدِنِ يَمْ بٜى لَاࢡْطُمْ؞ 15 نغَمْ مَاجُمْ مِحَࢡْدَنْ وَطُغٛ کٛ مِوَاوِ ڢُو نغَمْ عٛنْ شِڢْتٛرَ حَالَ کَعَ ࢡَاوٛ دِلُّکِ عَمْ؞ يِعْࢡٜ دَرَجَ اَلْمَسِيحُ 16 نَا بٜى کِشَّاجِ ࢨَغِّيطِ مِنْ عَنْدِنِرِ عٛنْ بَاوْطٜ عٜ غَرْکِ جَوْمِرَاوٛ مٜنْ عِيسَى اَلْمَسِيحُ؞ عَمَّا نغَمْ بٜى غِتٜ عَمِنْ مِنْ نغِعِ مَنغُ مَاکٛ! 17 عٛحٜࢡِ دِغَ اَللَّه بَابِرَاوٛ تٜدُّنغَلْ عٜ مَنغُ يَاکٜ سَوْتُ مَرْطٛ تٜدُّنغَلْ مَنغَلْ وِعْنٛ مٛ: «عٛو وٛنِ ࢡِطّٛ عَمْ غِطَاطٛ، مٛ مِطٛنْ سٜيٛرٛ طُمْ؞» 18 مِنِنْ، مِنْ نَنِ سَوْتُ مَنْ عِوِ حَا عَسَمَ، ندٜ مِنْ طٛنّٛ بٜى مَاکٛ حَا حٛوسٜىٰرٜ سٜنِيندٜ؞ 19 مِنْ طٛنْ تَبِتِ بٛو دٛوْ وٛلْدٜ اَلنَّبِعٜنْ، مِنْ نجَࢡِ ندٜ بِلَا سٜکٛ؞ عٛنٛنْ بٛو کَکِّلَنٜ ندٜ، نغَمْ ندٜ لَاتِ بَنَ ݠِتِّرْلَ نجَيْنَنْکَ ندٜرْ ࢩِࢡْرٜ حَا ࢩَلَوْمَ وَطَ، حَا جَيْنغٛلْ حٛرّٜ ڢَجِرِ يَيْنَ ندٜرْ ࢡٜرْطٜ مٛوطٛنْ؞ 20 عَرَنْ، عَنْدٜ طُعُمْ: وَلَا ݠَسِّتِرَنْطٛ عَنَّبَاکُ غٛنْنغُ ندٜرْ دٜڢْتٜ بٜى نُمٛ مُوطُمْ؞ 21 نغَمْ وَلَا عَنَّبَاکُ مٜىٰطِ عِوُغٛ حَا مُويٛ نٜطّٛ؞ عَمَّا رُوحُ شٜنِيطٛ طٛوِ يِمْࢡٜ، ࢡٜمبٛلْوِ کٛ عِوِ دِغَ اَللَّه؞ |
Fulfulde Bible Ajamiya © Bible Society of Cameroon, 2016.
Bible Society of Cameroon