2 يُحَنَّ 1 - دٜڢْتٜرٜ اَللَّه ڢُلْڢُلْدٜ عَدَمَوَ

¹ مِنْ ندٛتِّيجٛ، مِطٛنْ وِنْدَنَ مَيْرَمْجٛ شُࢡَاطٛ عٜ ࢡِيُمْعٜنْ ࢡٜنغِطْمِ بٜى غٛونغَ بَتَاکٜوٛلْ نغٛعٛلْ؞ نَا مِنْ ڢٜىٰرٜ عَمْ يِطِ عٛنْ، عَمَّا عَنْدُࢡٜ غٛونغَ ڢُو،

² نغَمْ غٛونغَ طٛنْ ندٜرْ مٜىٰطٜنْ عٜ کَ وٛنْدَنْ بٜى مٜىٰطٜنْ حَا ڢٛرٛيْ؞

³ مٛعّٜرٜ عٜ حِنُّيٜ عٜ سَلَامَنْ اَللَّه بَابِرَاوٛ عٜ عِيسَى اَلْمَسِيحُ ࢡِطّٛمُوطُمْ نغٛنْدَنْ بٜى مٜىٰطٜنْ ندٜرْ غٛونغَ عٜ يِيدٜ؞

غٛونغَ عٜ يِيدٜ

⁴ مِسٜيِ مَسِنْ ندٜ مِتَوِ ࢡِکّٛيْ مَ نغٛطْکٛيْ طٛنْ تٛکِّ غٛونغَ ڢٛدّٜ عُمْرٛورٜ ندٜ عٜنْ کٜࢡِ دِغَ بَابِرَاوٛ؞

⁵ جٛنْتَ مِطٛنْ تٛرٛ مَ، عَنْ مَيْرَمْجٛ، نَا بَنَ عُمْرٛورٜ حٜسْرٜ مِوِنْدَنِ مَ، عَمَّا طُمْ عُمْرٛورٜ ندٜ عٜنْ کٜࢡِ دِغَ ڢُطَّمْ‏: نغِطِنْدِرٜنْ؞

⁶ يٜىٰطُغٛ ڢٛدّٜ عُمْرٛوجٜ اَللَّه، کَنْجُمْ وٛنِ يِيدٜ؞ طُمْ عُمْرٛورٜ ندٜ عٛنْ نَنِ دِغَ ڢُطَّمْ، حَا نغٜىٰطٛنْ ڢٛدّٜ مَارٜ؞

⁷ نغَمْ ڢٜوٛوࢡٜ طُوطْࢡٜ طٛنْ شَنغْکِتِ ندٜرْ دُنِيَارُ؞ ࢡٜنجَࢡَتَا وِعْغٛ عِيسَى اَلْمَسِيحُ لَاتِ نٜطّٛ ڢَکَتْ؞ عِرِنْ يِمْࢡٜ ࢡٜعٜ، ࢡٜ ڢٜوٛوࢡٜ عٜ کٛنّٜعٜنْ اَلْمَسِيحُ؞

⁸ کَکِّلَنٜ کٛعٜ مٛوطٛنْ، نغَمْ تَا عٛنْ مَجِّنَ نَڢُودَ کُوغَلْ عَمِنْ نغَمْ مٛوطٛنْ، عَمَّا حَا عٛنْ کٜࢡَ مبَرْجَارِ مٛوطٛنْ ڢُو؞

⁹ مٛ جٛغَاکِ عٜکِّتِنٛلْ اَلْمَسِيحُ، لُوتِ نغٛلْ، عٛوَلَا کَوْتَلْ بٜى اَللَّه؞ عَمَّا مٛ جٛغِ عٜکِّتِنٛلْ نغٛعٛلْ، عٛطٛنْ ندٜرْ کَوْتَلْ بٜى بَابِرَاوٛ عٜ ࢡِطّٛ؞

¹⁰ تٛ غٛطّٛ وَرِ حَا مٛوطٛنْ عٜ عٛوَدَّنَايْ عٛنْ عٜکِّتِنٛلْ اَلْمَسِيحُ، تَا نجَࢡّٜ مٛ حَا شِعٜ مٛوطٛنْ، تَا کٛوڢْنٜ مٛ سَمْ؞

¹¹ نغَمْ تٛ غٛطّٛ حٛوڢْنِمٛ، عٛحَوْتِ بٜى مَاکٛ ندٜرْ حَلّٜىٰندٜ؞

کٛوڢْلِ رَغَرٜىٰجِ

¹² وٛودِ کُوجٜ طُوطّٜ طٜ نغِطْمِ وِنْدَنغٛ عٛنْ، عَمَّا مِيِطَا وِنْدُغٛ طٜ دٛوْ طٜرٜىٰوٛلْ؞ مِطٛنْ تَمّٛ يَحُغٛ حَا مٛوطٛنْ عٜ يٜىٰوْتِدِدْغٛ بٜى مٛوطٛنْ حُنْدُکٛ بٜى حُنْدُکٛ، نغَمْ حَا سٜيٛ حٜبِّنَ ࢡٜرْطٜ مٜىٰطٜنْ؞

¹³ ࢡِکّٛيْ دٜىٰرْطِرَاوٛ مَ شُࢡَاطٛ کٛوڢْنِ مَ؞