Aanlyn Bybel

Mathay 12 - Bunong

ឞ្រាសយេឆូ គែសនាវទើយដាសនារ ឆាបាត់
( មក ២:២៣-២៨ ; លក ៦:១-៥ )

¹ គែសទូនារឆាបាត់ អីនាររាលូផូងអីឆ្រាអែល ឞ្រាសយេឆូ នទ្រែលមាផូងអ៝សម៝នពាង់ហាន់គ្លាត់រ៝ៈមីរ ផូងអ៝សម៝នជីង៝ត ខាន់ពាង់រ៝យ្សឞាព្រាង់ ឆា។

² ផូងផារីឆី ឆៃកើតនៃ ខាន់ពាង់ហាន់លាសឞ្រាសយេឆូ ៖ “ល៝ង់មៃអ្វាញ់ ម៝សឆីកោៈមពោលអ៝សម៝នមៃជានការតានារឆាបាត់ អ្យាមេស? ឞ៝លលាសខាន់ពាង់រ៝យ្សដេៈៗកើតនៃ ហោមអែកើបតីសដាសនាវវៃនាររាលូផូងឞ៝ន់ដ៝ង់”។

³ ឞ្រាសយេឆូ លាសមាផូងផារីឆី ៖ “លាសនទ្រីខាន់មៃលែៈច្វេលបាស នាវខាន់មៃវៃរ៝ៈតានាវកោរាញឞ្រាសងើយ? នោកដាវីត អេហ៝ៈជេងកាដាច់ ពាង់ នទ្រែលមាឞូនុយ្សគុនទ្រែលពាង់ជីង៝ត‌

⁴ ជេសរីពាង់លាប់តាត្រោមនតុកចូនកោរាញឞ្រាសអីជានមាឞ៝ក ឆ៝ៈឆានុមពាង់អីឞូតេៈញហើរអ៝ន់កោរាញឞ្រាសនៃ នហ៝មាពាៈឞូនុយ្សអីគុនទ្រែលពាង់នៃឆាដ៝ង់។ ឞូមោលាសពាង់ដ៝ង់ឞ៝លលាសតឹងមានាវវៃគែសមពោលជានឞ្រាសទើមទើយឆានុមពាង់អីនៃ។

⁵ ជេសរីខាន់មៃលែៈគែសអ្វាញ់ដ៝ង់តាឆ៝ម់បុតនាវវៃឞ៝ន់លាសផូងឞូនុយ្សជានឞ្រាសគុជានការតាញីសជានឞ្រាស ខាន់ពាង់ហោមជានការតានារឆាបាត់ នាវអីនៃមោតឹមទីមាជានតានារឆាបាត់ យើនមាមោអោសគែសនាវតីស។

⁶ នទ្រីទឹងគ៝ប់លាសមាខាន់មៃ តាអ្យាគែសទូហ្វេគ៝ប់ក្វ៝ង់រាលាវមាញីសជានឞ្រាសអីនៃជឹត។

⁷ លាសខាន់មៃលែៈវ៝ត់តានាវលាសអីអ្យា៖ «គ៝ប់មោអោសអុចមានទើជានឞ្រាសខាន់អៃមៃ គ៝ប់អុចមាខាន់អៃមៃគែសនាវយោៈមាឞូ» ខាន់មៃមោអោសនទុយ្សមាផូងមោគែសនាវតីស។

⁸ គ៝ប់អីក៝នឞូនុយ្សតាៈឞើសកោរាញឞ្រាស គ៝ប់ជេងកោរាញម៝សនទើអីទើយអ៝ន់ឞូជាន មោលាសមោទើយអ៝ន់ឞូជានតានារឆាបាត់ អីនាររាលូ”។

ឞ្រាសយេឆូ ជានឞាសទូហ្វេឞូនុយ្សឆ្យារ់តី
( មក ៣:១-៦ ; លក ៦:៦-១១ )

⁹ ជេសរីឞ្រាសយេឆូ លោសឞើសនតុកនៃ ហាន់លាប់តាញីសរាបុនខាន់ពាង់។

¹⁰ តាញីសរាបុននៃគែសទូហ្វេឞូនុយ្សឆ្យារ់តី។ ផូងផារីឆី អោបឞ្រាសយេឆូ ៖ “តឹងមានាវវៃផូងឞ៝ន់ អាសទីដ៝ង់ឞើស ជានឞាសនាវជីតានារឆាបាត់ អីនារគុរាលូឞ្វៃជានការ?” ខាន់ពាង់អោបកើតនៃ គៃមាជ៝យនាវមានតោនឞ្រាសយេឆូ ទើម។

¹¹ ឞ្រាសយេឆូ អើសមាខាន់ពាង់៖ “តាផូងខាន់មៃ លាសគែសទូហ្វេគែសទូមល៝ម់ឞែឞ្យាប់ពាង់តុបតានតូតានារឆាបាត់ អាសពាង់មោឆ៝ៈឞែឞ្យាប់អីនៃលោសអាកាលើអ្យា?

¹² យើនមាឞូនុយ្សខ្លៃរាលាវឞែឞ្យាប់ លាសនទ្រីទើយជាននទើអ្វែសតានារឆាបាត់ មោអោសតីសមានាវវៃ”។

¹³ ជេសរីឞ្រាសយេឆូ លាសមាឞូនុយ្សឆ្យារ់តីនៃ៖ “យើរហ៝ម់តីមៃនៃ”។ ពាង់យើររ៝ ជេសរីតីពាង់ឞាសកើតតីទូទីងដ៝ង់។

¹⁴ យើនមាផូងផារីឆី លោសអាទីសតឹមញច្រាៈនាវគៃមាជ៝យនាវមើមទឹងគែសងខឹតឞ្រាសយេឆូ ។

¹⁵ នោកឞ្រាសយេឆូ គឹតនាវអីនៃ ជេសរីពាង់លោសឞើសនតុកនៃ គែសអ៝ក់ផូងប៝នលានតឹងពាង់ដ៝ង់ ទឹងលែៈនាវជីខាន់ពាង់ ពាង់ជានឞាសទាទេ។

¹⁶ ឞ្រាសយេឆូ ឞ្វៃខាន់ពាង់ មោអោសអ៝ន់ខាន់ពាង់មឞើសងក៝ចអ៝ន់ឞូគឹតនាល់ពាង់។

¹⁷ ពាង់ជានកើតនៃគៃមាតឹមទីដាសនាវឞូនុយ្សនតើយ្សនាវងើយកោរាញឞ្រាសកាល់អែនើសអេឆាយ លែៈញចីសកើតនអា៖

¹⁸ «កោរាញឞ្រាសលាស៖ «ឞូនុយ្សអ្យា ឞូនុយ្សឆើមកើលជានការមាគ៝ប់ លែៈគ៝ប់កើយ្សពាង់‌ គ៝ប់រ៝ង់ពាង់ហោងាន់ ទីនូយ្សនហ៝ម់គ៝ប់ក្លឹងាន់។ គ៝ប់អ៝ន់ឞ្រាសហ្វេងអ្វែសគ៝ប់គុតាពាង់ គៃមាផាតទោយ្សផូងអីមោទីផូងអីឆ្រាអែល មានាវឆ៝ង់។

¹⁹ ពាង់មោគែសតឹមរាលាច់ដាសឞូ មោគែសអោសនតែរ‌ មោគែសដ៝ង់ឞូនុយ្សតាង់ឞ៝រ់ពាង់រ៝ៈត្រ៝ង។

²⁰ ពាង់មោអោសរាតាច់លើយជាលែៈទែស‌ ពាង់មោខោមលើយដ៝ង់អុញឆាគេងលែៈឞើយមាញហ៝ត់ គែសនាវយោៈមាឞូនុយ្សអីគែសនាវញឆីងដេៈ‌ នហ៝មាមោអោសឞាសជានការត៝ត់មាទើយដាសទឹងលែៈនាវអ្យើស។

²¹ ជេសរីទឹងលែៈផូងអីមោទីផូងអីឆ្រាអែល ឞូរានើមមាពាង់ងាន់»»។

ឞ្រាសយេឆូ ជេសរី បេលឆេបូល
( មក ៣:២០-៣០ ; លក ១១:១៤-២៣ )

²² ជេសរីគែសឞូលែវទូហ្វេឞូនុយ្សឞូក្លោឞ្រាសអ្យើសលើសហាន់អាឞ្រាសយេឆូ ឞូនុយ្សអីនៃមល៝ នទ្រែលមាចែសមាត់។ ឞ្រាសយេឆូ ជានអ៝ន់ពាង់ឞ្លាវងើយមាត់ឆៃអាងដ៝ង់។

²³ ទឹងលែៈឞូនុយ្សតានៃនទ្រ៝ត់ហីសរាហ៝ល់ងាន់ ខាន់ពាង់តឹមលាស៖ “គឹតពាង់អីនៃបាសអីក៝នឆៅកាដាច់ដាវីត អីនើមរាក្លាយ្សកោរាញឞ្រាសទែលែៈត៝នហាន់តាអ្យា?”

²⁴ យើនមាតាង់ឞូងើយកើតនអៃ ផូងផារីឆី លាស៖ “អាចមាបេលឆេបូល អីកោរាញមពោលឞ្រាសអ្យើសគុតាឆាក់ពាង់ទើម ទឹងពាង់ទើយមព្រើសឞ្រាសអ្យើសកើតនៃ”។

²⁵ ឞ្រាសយេឆូ លែៈគឹតជេសនាវមឹនខាន់ពាង់ ជេសរីពាង់លាស៖ “ទឹងលែៈឞ្រីអីគែសនាវតឹមល៝ក់តឹមជាញចាសច្រាយឞាល់ ឞ្រីអីនៃរ៝សហេងរ៝ ទឹងលែៈប៝នទឹងលែៈរានាក់វ៝ល់អីគែសនាវតឹមល៝ក់តឹមជាញនទ្រាង់នើម ប៝នរានាក់អីនៃរ៝សហេងមោហោមគែសដ៝ង់។

²⁶ លាសគ៝ប់នត្រុតឞ្រាសអ្យើសតាៈឞើសនាវទើយឆាតាង់ អីកោរាញមពោលឞ្រាសអ្យើស ឞ្រាសអ្យើសគែសនាវតឹមរាទ៝ង់តឹមជាញចាសច្រាយឞាល់ លាសនទ្រីមើមទឹងហោមគែសឆាតាង់ ម៝ត់អ្វាញ់?

²⁷ អ៝សម៝នខាន់មៃនត្រុតឞ្រាសអ្យើសដ៝ង់។ លាសគ៝ប់នត្រុតឞ្រាសអ្យើសយ៝រមានាវទើយឆាតាង់ ងាន់ ខាន់មៃអើមមោលាស លាសខាន់ពាង់នត្រុតឞ្រាសអ្យើសយ៝រមានាវទើយឆាតាង់ ? លាសនទ្រីអ៝សម៝នខាន់មៃនើមអីនៃមរាតេៈទោយ្សខាន់មៃងាន់រ៝។

²⁸ យើនមាលាសនាវទើយគ៝ប់នត្រុតឞ្រាសអ្យើសតាៈឞើសឞ្រាសហ្វេងអ្វែសកោរាញឞ្រាស លាសនទ្រីនាវកោរាញឞ្រាសម៝ត់អ្វាញ់មាខាន់មៃលែៈត៝ត់ជេស។

²⁹ មើមទឹងឞូនុយ្សទើយហាន់តាជៃឞូនុយ្សទាង់ ជេសរីនតុងទ្រាប់នទើពាង់? អ៝ន់ញុបក៝ត់ល៝រពាង់អីនៃប៝ត់ រីមើទើយពីតឆ៝ៈទ្រាប់នទើទឹងលែៈតាជៃពាង់។

³⁰ ឞូម៝សមោគុមពែសឞើសគ៝ប់ ពាង់អីនៃជេងតឹមរាលាង់ដាសគ៝ប់។ ឞូម៝សអីមោរាគូមនទ្រែលគ៝ប់ ពាង់អីនៃជេងឞូនុយ្សតឹមងខាសញហីងញហាង។

³¹ កើតនទ្រីទឹងគ៝ប់មឞើសអ៝ន់មាខាន់អៃមៃ ទឹងលែៈនទើឞូនុយ្សជានតីស នទ្រែលមាលាសមឺចរាម៝តកោរាញឞ្រាស កោរាញឞ្រាសហោមយោៈមោអោសកើបនាវតីសជឹត។ តីសមាឞូម៝សអីលាសមឺចរាម៝តឞ្រាសហ្វេងអ្វែសអីរី មោអោសកោរាញឞ្រាសយោៈមាពាង់។

³² ឞូម៝សពាង់អីងើយតឹមរាទ៝ង់ដាសគ៝ប់អីឞូនុយ្សតាៈឞើសកោរាញឞ្រាស កោរាញឞ្រាសហោមយោៈមោអោសកើបនាវតីសពាង់ យើនមាឞូម៝សពាង់អីងើយតឹមរាទ៝ង់ដាសឞ្រាសហ្វេងអ្វែសអីក្ល៝សអ្វែស កោរាញឞ្រាសហោមកើបនាវតីសពាង់នានាវ ឞ៝លលាសតារានោកអាបៃអ្យា មោលាសតារានោកកោរាញឞ្រាសម៝ត់អ្វាញ់ទឹងលែៈឞូនុយ្សងាន់តៃកាដោយ”។

តើមឆីអ្វែស តើមឆីមោអ្វែស
( លក ៦:៤៣-៤៥ )

³³ “លាសតើមអ្វែស ព្លៃពាង់អ្វែសដ៝ង់ តីសមាលាសតើមមោអ្វែស ព្លៃពាង់មោអ្វែសដ៝ង់ យ៝រលាសទឹងឞូគឹតនាល់តើមឆីតាៈឞើសព្លៃពាង់។

³⁴ យេ! មពោលឞូនុយ្សអ្យើសឞូនុយ្សជាញតឹមឞានមាឞេសកូ! មើមខាន់មៃឞ្លាវងើយនាវអ្វែស លាសឆាក់ខាន់មៃជេងឞូនុយ្សអ្យើស? យ៝រលាសឞូនុយ្សទឹងលោសងើយ តាៈឞើសនាវមឹនអ៝ក់ងាន់តានូយ្សនហ៝ម់ពាង់។

³⁵ ឞូនុយ្សអ្វែសងើយនទើអ្វែស យ៝រលាសតាឆាក់ពាង់រីគែសនាវមឹនអ្វែសនឹង ឞូនុយ្សអ្យើសងើយនទើអ្យើស យ៝រលាសតាឆាក់ពាង់រីគែសនាវមឹនអ្យើសនឹង។

³⁶ គ៝ប់លាសមាខាន់មៃ តានារកោរាញឞ្រាសផាតទោយ្សទឹងលែៈឞូនុយ្សតានែសនតូតៃ ពាង់ផាតទោយ្សឞូនុយ្សមាទឹងលែៈនាវអីឞូនុយ្សងើយលាៈងើយលេងដ៝ង់។

³⁷ ពាង់លែៈកើបខាន់មៃឆ៝ង់មោគែសទោយ្ស យ៝រលាសលោសនាវខាន់មៃមឞើសងើយ មោលាសពាង់កើបខាន់មៃគែសទោយ្ស យ៝រលោសនាវខាន់មៃមឞើសងើយដ៝ង់”។

នទើគឹតមឞេនតា យោនាយ្ស
( មក ៨:១១-១២ ; លក ១១:២៩-៣២ )

³⁸ នោកនៃគែសអាបាៈផូងនើមនតីនាវវៃផូងអីឆ្រាអែល នទ្រែលមាផូងផារីឆី លាសមាឞ្រាសយេឆូ ៖ “អើនើមនតី មៃជានទូនាវមឞេនអ៝ន់ហេនឆៃអឺស គៃមាញហើនាវទើយមៃតាៈឞើសកោរាញឞ្រាស”។

³⁹ យើនមាឞ្រាសយេឆូ អើសមាខាន់ពាង់៖ “ឞូនុយ្សតារានោកអាបៃអ្យាហោងាន់អ្យើសមហឹក មោអុចជានតឹងនាវកោរាញឞ្រាសអុច អុចឆៃមានាវមឞេនទើម យើនមាកោរាញឞ្រាសមោអោសអ៝ន់នាវមឞេនអេងជឹត។ ពាង់អ៝ន់ទូនាវមឞេនតឹមឞានមានាវមឞេនយោនាយ្ស អីឞូនុយ្សនតើយ្សនាវងើយកោរាញឞ្រាសកាល់អែនើសទើម។

⁴⁰ យ៝រលាសយោនាយ្ស គុតាត្រោមនទុលកាក្វ៝ង់ពែនាង់ពែនារ កើតនអៃដ៝ង់គ៝ប់អីក៝នឞូនុយ្សតាៈឞើសកោរាញឞ្រាសតៃគុតាត្រោមនែសពែនាង់ពែនារដ៝ង់។

⁴¹ តានារកោរាញឞ្រាសផាតទោយ្សទឹងលែៈឞូនុយ្សតានែសនតូអ្យា ឞូនុយ្សតាប៝ននីនីវេ មរាតេៈទោយ្សឞូនុយ្សតារានោកអាបៃអ្យាដ៝ង់ យ៝រលាសរានោកកាល់អែនើស ជេសខាន់ពាង់តាង់នាវយោនាយ្ស មឞើស ខាន់ពាង់រាគ៝ល់លើយនូយ្សនហ៝ម់អ្យើសរ៝ ខាន់ពាង់នទុយ្សតោរលែៈលាន់នាវខាន់ពាង់ជានតីសនើស។ យើនមាតាអ្យាអាបៃអ្យាគែសដ៝ង់ទូហ្វេឞូនុយ្សក្វ៝ង់រាលាវមាយោនាយ្ស នៃជឹត តីសមាខាន់មៃមោអោសរាគ៝ល់នូយ្សនហ៝ម់អ្យើស។

⁴² តានារកោរាញឞ្រាសផាតទោយ្សទឹងលែៈឞូនុយ្សតានែសនតូ គែសកាដាច់ឞូអូររាញាពាង់ឆេបា ពាង់មរាតេៈទោយ្សមាឞូនុយ្សរានោកអាបៃអ្យា។ កាល់អែនើសពាង់កាដាច់តាឞ្រីអេងងាយមពែសឞើសទ៝ង់ឞ្រីអីឆ្រាអែល ឞ៝លលាសពាង់គុងាយទុតឞ្រីទុតនែសកាដោយ ពាង់ហាន់តាឞ្រីអីឆ្រាអែល គៃមាអ្យាត់នាវមឹនគឹតឞ្លាវកាដាច់ឆាលោមោន តាឞ្រីអ្យា។ យើនមានារអ្យាតានតុកអ្យាគែសទូហ្វេឞូនុយ្សនាវងើយពាង់ខ្លៃរាលាវនាវងើយកាដាច់ឆាលោមោន តីសមាខាន់មៃមោអោសអុចអ្យាត់ពាង់”។

ញជ្រាង់លើយអ៝ន់ឞ្រាសអ្យើសលាប់គុតៃទូតឹជឹត
( លក ១១:២៤-២៦ )

⁴³ “លាសឞ្រាសអ្យើសលោសឞើសទូហ្វេឞូនុយ្ស ជេសរីពាង់ឞ្រោៈរ៝ៈឞ្រីរាទាស ពាង់ជ៝យនតុកមាគុមោគែសអោស។

⁴⁴ ជេសរីពាង់មរាលាសអេងកើតនអា៖ «គ៝ប់ព្លឹគុតាជៃអើមគ៝ប់ នតុកគ៝ប់មហែលោសនើសប៝ត់»។ ត៝ត់ពាង់ព្លឹតានៃ ឆៃជៃអីនៃលែៈញឆ៝យ្សទាទេមពេសអ្វែស នទ្រាប់អ្យាហែប‌

⁴⁵ ជេសរីពាង់ហាន់ជាៈពើសឞ្រាសអ្យើសអាអេងតៃ ឞ្រាសអ្យើសអីនៃជាញៗរាលាវពាង់ងាន់ ហាន់លាប់គុនទ្រែលតានៃដ៝ង់ ជានអ៝ន់ឞូនុយ្សអីនៃគែសនាវជេរអ្យើសរាលាវអើមនើសជឹត។ កើតនទ្រីឞូនុយ្សអ្យើសតារានោកអ្យាគែសតឹមឞានកើតនៃដ៝ង់”។

នទុលមពោល ឞ្រាសយេឆូ នហេលនានេៈ
( មក ៣:៣១-៣៥ ; លក ៨:១៩-២១ )

⁴⁶ នោកឞ្រាសយេឆូ ហោមគុងើយដាសផូងប៝នលាននៃ គែសមេៈពាង់នទ្រែលមពោលអ៝សឞូក្លោពាង់គុឞើសទីសរី អុចងើយដាសពាង់។

⁴⁷ គែសទូហ្វេឞូនុយ្សហាន់មឞើសមាពាង់៖ “ហើយនើមនតី មេៈមៃ នទ្រែលមាផូងអ៝សឞូក្លោមៃគុឞើសទីសរី ខាន់ពាង់អុចងើយដាសមៃ”។

⁴⁸ យើនមាឞ្រាសយេឆូ អើសមាពាង់៖ “ឞូម៝សមេៈគ៝ប់? ឞូម៝សផូងអ៝សនោគ៝ប់?”

⁴⁹ ជេសរីឞ្រាសយេឆូ ញច៝ង់តីជឹតផូងអ៝សម៝នពាង់ ពាង់លាស៖ “ខាន់ពាង់អ្យាមេៈគ៝ប់ នទ្រែលមាផូងអ៝សនោគ៝ប់ហែស!

⁵⁰ យ៝រលាសឞូម៝សអីអ្យាត់តឹងនាវអុចឞឹគ៝ប់គុតាកាលើត្រោក ពាង់អីនៃអ៝សនោរោសក្លោគ៝ប់ នទ្រែលមាមេៈគ៝ប់”។

« Vorige

Wycliffe Bible Translators, Inc.

Volg ons:

Geborgde skakels

Advertensies