Aanlyn Bybel

Mathay 10 - Bunong

ឞ្រាសយេឆូ អ៝ន់នាវទើយមាមពោលកោរាញអ៝សម៝ន
( មក ៣:១៣-១៩ ; លក ៦:១២-១៦ )

¹ ជេសរីឞ្រាសយេឆូ ក្វាល់ ១២ នុយ្សមពោលកោរាញអ៝សម៝នពាង់ នហ៝មាពាង់អ៝ន់នាវទើយមាខាន់ពាង់ ទើយមព្រើសឞ្រាសអ្យើសលោសឞើសឞូនុយ្ស នទ្រែលមាទើយជានឞាសទឹងលែៈនាវជីអាប់នតីលដ៝ង់។

² ១២ នុយ្សមពោលកោរាញអ៝សម៝ននៃ តានៃគែសល៝រឞូ ឆីមោន អីឞូក្វាល់ពេត្រោស ដ៝ង់ ជេសរីគែសអ៝សពាង់អ៝ន់ទ្រេ គែសយាកើ នទ្រែលមាអ៝សពាង់យោហាន អីក៝នឆេបេដេ ‌

³ គែសផីលីប គែសបារថោលោមេ គែសថោមាស គែសមាថាយ អីឞូនុយ្សក៝ប់ឆ៝ៈព្រាក់ប៝នលានមាអ៝ន់កោរាញម៝ត់អ្វាញ់ គែសយាកើ អីក៝នអាល់ផាយ គែសថាដេ ‌

⁴ គែសឆីមោន អីឞូនុយ្សផូងកានាអាន នទ្រែលមាគែសយូដាស-អីឆាការីយោត ឞូនុយ្សអីលែវឞូហាន់ញុបឞ្រាសយេឆូ ។

ឞ្រាសយេឆូ អ៝ន់មពោលកោរាញអ៝សម៝ន ពាង់ ហាន់មឞើសងក៝ចនាវមហែមហានអ្វែស

⁵ ជេសរីឞ្រាសយេឆូ ដាៈ ១២ នុយ្សមពោលកោរាញអ៝សម៝នអីនៃហាន់តាប៝នអេងៗ នហ៝មានតិញមាខាន់ពាង់៖ “ខាន់មៃលើយហាន់អោសតាផូងអីមោទីផូងអីឆ្រាអែល លើយអោសលាប់តាប៝នឞ្រីឆាមារី ‌

⁶ យើនមាអ៝ន់ខាន់មៃហាន់តាផូងអីឆ្រាអែល ទើម ខាន់ពាង់តឹមឞានមាផូងឞែឞ្យាប់លែៈហ្យើត។

⁷ អ៝ន់ខាន់មៃមឞើសងក៝ច៖ «នាវកោរាញឞ្រាសម៝ត់អ្វាញ់លែៈឞើយត៝ត់»។

⁸ អ៝ន់ខាន់មៃជានឞាសឞូនុយ្សជីក្វែត ឞូនុយ្សខឹតជានអ៝ន់ទ៝ក់រេស ឞូនុយ្សផុងឆាជានអ៝ន់ឞាសអ៝ន់ក្ល៝ស នទ្រែលមាមព្រើសឞ្រាសអ្យើសអ៝ន់ទូលោសឞើសឞូនុយ្ស។ លើយអោសឆ៝ៈខ្លៃឞើសឞូ យ៝រលាសនាវទើយខាន់មៃនើសគែសទើមដ៝ង់។

⁹ មោអ៝ន់អោសញអោតព្រាក់ ឞ៝លលាសដេៈកាដោយតាទុងខាន់មៃ។

¹⁰ លើយចែងទុងទោលខាន់មៃឞ្រោៈប៝នអេងៗ លើយអោសញអោតលែវខ៝អាវនតោជ៝តអាអេងជឹតទើនអីគែសញឆ៝សតាឆាក់រីហ៝ៈ លើយញអោតម៝ង់ជ្រា។ យ៝រលាសទីមាឞូនុយ្សអីជានការមាកោរាញឞ្រាសឆ៝ៈទើននទើអុចតានាវរេសពាង់តាៈឞើសឞូនុយ្សអីពាង់កើលនៃ។

¹¹ នោកខាន់មៃលាប់តាប៝នក្វ៝ង់ មោលាសប៝នជេៈ អ៝ន់ខាន់មៃជ៝យឞូនុយ្សអីទីមាខាន់មៃគុនទ្រែល ជេសរីគុតាជៃពាង់នហ៝មាត៝ត់នារខាន់មៃលោសឞើសនតុកនៃ។

¹² នោកខាន់មៃលាប់តាជៃឞូនុយ្សអីនៃ អ៝ន់ខាន់មៃលាស៖ «អ៝ន់គែសនាវដាប់មពាន់មាខាន់អៃមៃ»។

¹³ លាសតាជៃអីនៃទីឆ៝ៈទើននាវដាប់មពាន់អីនៃ កោរាញឞ្រាសមរាអ៝ន់កើតនៃងាន់រ៝។ លាសមោទីឆ៝ៈទើន កោរាញឞ្រាសមោអ៝ន់អោស យើនមាខាន់មៃហោមគែសនាវដាប់មពាន់។

¹⁴ លាសឞូមោអោសរ៝មខាន់មៃ មោអ្យាត់អោសនាវខាន់មៃ នោកខាន់មៃលោសឞើសប៝នឞើសជៃនៃ អ៝ន់រាតោសនែសមោយឞើសជ៝ង់ខាន់មៃនើម គៃមាញហើលាសឞូនុយ្សអីនៃកោរាញឞ្រាសតេៈទោយ្ស។

¹⁵ គ៝ប់លាសនហេលនានេៈងាន់មាខាន់មៃ ឞូនុយ្សតាឞ្រីប៝នឆោដុម ប៝នកោមោរា អីជានតីសទុតហោកាល់អែនើស នទ្រីទឹងកោរាញឞ្រាសទែលើសហេងខាន់ពាង់មាអុញឞើសកាលើត្រោក ខាន់ពាង់អីនៃហោមអែគែសទោយ្សថើលមាដាសឞូនុយ្សតាប៝នអីនៃ តានារកោរាញឞ្រាសផាតទោយ្សលាមនែសនតូ”។

នាវរេសរាញាល់
( មក ១៣:៩-១៣ ; លក ២១:១២-១៧ )

¹⁶ “គ៝ប់ដាៈខាន់មៃហាន់តាប៝នផូងអីឆ្រាអែល តឹមឞានមាដាៈឞែឞ្យាប់គុតាងក្លាងផូងឆ៝ឞ្រី។ លាសនទ្រីអ៝ន់ខាន់មៃឞ្លាវញជ្រាង់តឹមឞានមាឞេស មលែសតឹមឞានមាព្លុកជេងឆ្យុមទូនតីលអីមោជានតីស។

¹⁷ អ៝ន់ឞ្លាវញជ្រាង់មាឞូនុយ្ស យ៝រលាសឞូមរាញុបញជុនខាន់មៃអ៝ន់មាមពោលកោរាញជានការផូងអីឆ្រាអែល ជេសរីឞូមរារាពាត់ខាន់មៃមាម៝ង់រាឆែតាត្រោមញីសរាបុនខាន់ពាង់។

¹⁸ ឞូមរាញជុនខាន់មៃអ៝ន់មាកោរាញក្វ៝ង់ នទ្រែលមាញជុនខាន់មៃមាកាដាច់ គៃមាផាតទោយ្សខាន់មៃអាចមាតឹងគ៝ប់។ ជេសរីខាន់មៃទើយងក៝ចនាវញឆីងមាគ៝ប់អ៝ន់មាខាន់ពាង់ អ៝ន់មាផូងអីមោទីផូងអីឆ្រាអែល ដ៝ង់។

¹⁹ នោកឞូញុបញជុនខាន់មៃ លើយអោសខាន់មៃរាវៃនាវមឞើសងើយមាឞូ យ៝រលាសកោរាញឞ្រាសឆើមអ៝ន់នាវមឞើសងើយមាខាន់មៃតានោកនៃ។

²⁰ មោទីខាន់មៃនើមអោសមឞើសងើយ ឞ្រាសហ្វេងអ្វែសអីហ្វេងកោរាញឞ្រាសឞឹខាន់មៃនើមឆើមងើយអ៝ន់មាខាន់មៃ។

²¹ អ៝សមានោ ឞឹមាក៝នមរាតឹមរាលាម់ញុបញជុនអ៝ន់ឞូងខឹត នទ្រែលមាអីក៝នៗលែវឞាល់តឹមរាទ៝ង់ដាសមេៈឞឹ នហ៝មាញជុនអ៝ន់ឞូងខឹតលើយដ៝ង់។

²² យ៝រមាខាន់មៃញឆីងមាគ៝ប់ នទ្រីទឹងអ៝ក់ឞូនុយ្សមរាឞ្យាញ់មាខាន់មៃ។ យើនមាឞូម៝សអីទើយអ៝ត់នហ៝មាត៝ត់លោច កោរាញឞ្រាសមរារាក្លាយ្សពាង់អីនៃ។

²³ លាសឞូជានជេរខាន់មៃតាទូប៝ន អ៝ន់ខាន់មៃញច្វាត់ទូតាប៝នអេងជឹត។ គ៝ប់លាសនហេលនានេៈងាន់មាខាន់មៃ ខាន់មៃហាន់អេហ៝ៈអោសលាមប៝នទឹងលែៈតាឞ្រីអីឆ្រាអែល គ៝ប់អីក៝នឞូនុយ្សតាៈឞើសកោរាញឞ្រាសព្លឹលែៈត៝ត់”។

²⁴ “មោគែសអោសផូងនតីគឹតរាលាវមានើមនតី មោគែសអោសទឹកក្វ៝ង់រាលាវមាកោរាញពាង់នើម។

²⁵ លាសផូងនតីលែៈឞ្លាវតឹមឞានមានើមនតីខាន់ពាង់ លាសទឹកលែៈតឹមឞានមាកោរាញពាង់នើម លាសនទ្រីលែៈគាប់ហើយ្ស។ លាសឞូនុយ្សតើមជៃឞូក្វាល់៖ «បេលឆេបូល » លាសនទ្រីទឹងលែៈឞូនុយ្សអីគុតាជៃពាង់នៃ រាលាវមានៃជឹតអ្យើសឞូក្វាល់ខាន់ពាង់”។

លើយតាក្លាចឞូនុយ្ស

²⁶ “លើយអោសក្លាចផូងអីជានជេរនៃ យ៝រលាសគែសទូនារជឹតនាប់តៃកោរាញឞ្រាសមរាអ៝ន់ឞូឆៃទឹងលែៈនទើអីឞូនុយ្សហោមមពោន។ កោរាញឞ្រាសអ៝ន់ឞូគឹតទាទេដ៝ង់ ទឹងលែៈនទើអីឞូនុយ្សមោអុចអ៝ន់ឞូគឹត។

²⁷ លាសនទ្រីម៝សនទើគ៝ប់លាសខាន់មៃតានតុកង៝ អ៝ន់ខាន់មៃមឞើសងក៝ចហ៝ម់តានតុកអាង។ ម៝សនទើគ៝ប់ងើយឆ្វីសតាតោរខាន់មៃ អ៝ន់មឞើសងក៝ចហ៝ម់តាកាលើច៝រជៃគៃមាអ៝ក់ឞូនុយ្សតាង់។

²⁸ លើយក្លាចអោសមានើមទើយងខឹតរាង្លៃឆាក់ទើម យើនមាមោទើយអោសងខឹតហ្វេង អ៝ន់ខាន់មៃក្លាចកោរាញឞ្រាសហ៝ៈ យ៝រលាសពាង់ទើយអ៝ន់ហ្វេង នទ្រែលមារាង្លៃឆាក់លើសញអ្យើសតានទ្រូងអុញ។

²⁹ ឞូវៃតាច់ឞារមល៝ម់ឆ្យុមរាលែវខ្លៃទូមល៝ម់កាក់ជេៈ យើនមាឞ៝លលាសថ៝កកើតនៃ លាសកោរាញឞ្រាសឞឹខាន់មៃមោអ៝ន់ មោគែសអោសទូមល៝ម់ឆ្យុមរាលែវតុបតានែស។

³⁰ ឞ៝លលាសទឹងលែៈឆ៝ក់តាឞោកខាន់មៃនើម កោរាញឞ្រាសលែៈជេសកើបទឹងលែៈដ៝ង់។

³¹ កើតនទ្រីលើយក្លាចអោស យ៝រលាសកោរាញឞ្រាសកើបខាន់មៃខ្លៃងាន់រាលាវមាឆ្យុមរាលែវទូផូងជឹត”។

នាវឞូមឞើសងក៝ច ឞ្រាសយេឆូ

³² “ឞូម៝សអីមឞើសមាឞូលាសពាង់តឹងគ៝ប់ គ៝ប់មរាមឞើសពាង់អីនៃជេងអ៝សម៝នគ៝ប់តាឞើសនាប់មាត់ឞឹគ៝ប់តាកាលើត្រោក។

³³ យើនមាឞូម៝សអីរាលាច់មាឞូលាសមោតឹងគ៝ប់ គ៝ប់មោដ៝ង់មឞើសពាង់អីនៃជេងអ៝សម៝នគ៝ប់តាឞើសនាប់មាត់ឞឹគ៝ប់តាកាលើត្រោក”។

តឹមងខាសមពោលអាចមានាវញឆីង

³⁴ “លើយមឹនអោសគ៝ប់វាច់តានែសនតូអ្យាលែវនាវដាប់មពាន់។ គ៝ប់វាច់តាអ្យាតឹមឞានមាញអោតដាវ លែវនាវតឹមរាទ៝ង់។

³⁵ គ៝ប់វាច់អ៝ន់៖ «ក៝នឞូក្លោតឹមងខាសដាសឞឹពាង់‌ ក៝នឞូអូរតឹមងខាសដាសមេៈពាង់‌ មាន់អ៝ន់តឹមងខាសដាសមេៈព៝ពាង់នើមដ៝ង់។

³⁶ ឞូនុយ្សគុនទ្រែលទូជៃ ជេងតឹមរាលាង់នទ្រាង់ខាន់ពាង់នើម»”។

អ៝សម៝ន ឞ្រាសយេឆូ នហេលនានេៈ

³⁷ “ឞូម៝សរ៝ង់មាមេៈឞឹពាង់នើមអ៝ក់រាលាវមារ៝ង់គ៝ប់ ពាង់អីនៃមោអោសទីជេងអ៝សម៝នគ៝ប់។ ឞូម៝សរ៝ង់មាក៝នឞូអូរក៝នឞូក្លោពាង់នើមអ៝ក់រាលាវមារ៝ង់គ៝ប់ ពាង់អីនៃមោដ៝ង់ទីជេងអ៝សម៝នគ៝ប់។

³⁸ ឞូម៝សមោតូយឆីតឹមរាកាង់ពាង់នើមឞ្រោៈតឹងគ៝ប់ ជេងគែសនាវខ្លៃមោអ្យាត់ទឹងលែៈនាវកោរាញឞ្រាសដាៈ ឞ៝លលាសត៝ត់ខឹតឆាក់កាដោយ ពាង់អីនៃមោអោសទីជេងអ៝សម៝នគ៝ប់។

³⁹ ជេសរីឞូម៝សព្រាប់រាវានមានាវរេសឆាក់ពាង់នើម ពាង់តៃខឹតនហ៝រ៝ យើនមាឞូម៝សខឹតអាចមាតឹងគ៝ប់ ពាង់តៃរេសនហ៝រ៝”។

នាវងខោមមាផូងអីរ៝មអ៝សម៝ន ឞ្រាសយេឆូ

⁴⁰ “ឞូម៝សរ៝មខាន់មៃ តឹមឞានមាពាង់រ៝មគ៝ប់ ឞូម៝សរ៝មគ៝ប់តឹមឞានមាពាង់រ៝មកោរាញឞ្រាសតើមញជ្វាល់គ៝ប់ដ៝ង់។

⁴¹ ឞូម៝សរ៝មទូហ្វេឞូនុយ្សនតើយ្សនាវងើយកោរាញឞ្រាស អាចមាពាង់ជេងឞូនុយ្សនតើយ្សនាវងើយកោរាញឞ្រាស ឞូនុយ្សអីនៃគែសនទើងខោមតឹមឞានមាឞូនុយ្សនតើយ្សនាវងើយកោរាញឞ្រាសដ៝ង់។ ឞូម៝សរ៝មទូហ្វេឞូនុយ្សឆ៝ង់ អាចមាពាង់ជេងឞូនុយ្សឆ៝ង់ ឞូនុយ្សអីនៃគែសនទើងខោមតឹមឞានមាឞូនុយ្សឆ៝ង់ដ៝ង់។

⁴² ឞូម៝សអ៝ន់ទាកនអីកទូកែវមាទូហ្វេឞូជេៈ អាចមាឞូជេៈអីនៃជេងអ៝សម៝នគ៝ប់ គ៝ប់លាសនហេលនានេៈងាន់មាខាន់មៃ នាវងខោមមាឞូនុយ្សអីនៃមោរ៝សអោស”។

« Vorige

Wycliffe Bible Translators, Inc.

Volg ons:

Geborgde skakels

Advertensies